Qaçarkən qollar necə hərəkət etdirməliyik?
26-06-2020 740

Qaçarkən qollar necə hərəkət etdirməliyik?

Qaçışçının texnikası yarış növünə görə dəyişir, çünki uzun məsafəli yarışda qaçmaqla, Marafon qaçmaq eyni deyil. Ancaq qolların qaçış əsnasında aldığı vəziyyət dəyişmir. Bu yazımızda sizə, qaçış əsnasında qollarınızı doğru hərəkət etdirmək üçün bilməli olduqlarınızdan bəhs edəcəyik.

Qolların ayaqlarla eyni vaxtda düzgün hərəkəti finişə daha tez çatmağınıza kömək edəcək. Professional atletlərin qaçış texnikalarına diqqət edin:

Qollar 90 dərəcəlik bucaq əmələ gətirir. Çiyinlərinizi rahat tutmağa (spazmalara maneə olmaq üçün) və bədəni hərəkət etdirən hərəkətlərin axıcı olmasına diqqət edin. Hərəkətlər məcburi olmamalı və sizi narahat etməməlidir.

Qollarınızı bədəninizdən çox ayırmayın. Yeni başlayanların ümumən etdiyi səhvlərdən biridir.  Quş kimi sürətlə qaçmaqlarına kömək edəcəyini düşündükləri üçün dirsəkləri bədəndən uzaqlaşdırırlar. Vəziyyət isə əksinədir. Bu halda küləyin müqavimətini qıra bilmək üçün iki qat güc sərf etməlisiniz.

Əllər həmişə rahat olmalıdır. Bəzi idmançılar qaçanda əllərini yumruq halında sıxırlar. Bu əllərin isti qalması üçün edilən taktika ola bilər. Lakin əllərin yumruq kimi sıxılması, bilək və qolların gərilməsinə, beləliklə, daha çox güc israfına səbəb olur.

Hərəkətlərinizi sinxron edin. Qol və ayaqlarınızı sinxron şəkildə hərəkət etməlidir. Lakin diqqət etməlisiniz ki, vəhdət içində hərəkət etməyə çalışanda hərəkətlərinizə çox da fikir verməyəsiniz. Hərəkətlər özlüyündəm sinxron olmalıdır, sinxronluğa nəzarət etməyə çalışmaq sizi yoracaq, yarışdan fikrinizi yayındıracaq.

Qulaq xəttini keçməyin. Qaçanda qollarım qulaq xəttini keçmədən, sinə xəttinə qədər çıxması daha məqbuldur. Həmçinin qollarınızı aşağı salanda bel xəttindən aşağı düşməli deyil. Əks təqdirdə bu texnika işə yararlılığını itirəcək.

Son olaraq, bədəninizi yanlara çox döndərməyin və qollarınızı çox arxaya atmayın. Bu hərəkətləri etsəniz bədən özünü tarazlamaq üçün daha çox güc sərf edəcək. Bu da yarışdakı performansınızı aşağı salacaq.

Məşqin və ya yarışın sonuna çatanda qol və çiyinlərinizin, bəzən ayaqlarınızdan daha çox gərilib yorulduğunu hiss edə bilərsiniz. Buna səbəb yanlış texnika ilə qaçmağınızdır. Səhvlərinizi düzəldə bilmək üçün, qaçarkən dostlarınızdan sizi videoya çəkməsini xahiş edin və yanlışlarınızı daha rahat düzəldin.

Подпишитесь, чтобы получать информацию о скидках и акциях.

Агенты онлайн
Chat agent
Chat agent
Здравствуйте, чем мы можем вам помочь?