İdman zamanı maye qəbulunun əhəmiyyəti
17-02-2020 932

İdman zamanı maye qəbulunun əhəmiyyəti

Hər hansı fiziki fəaliyyətlə məşğul olanda mayə qəbulu daha da böyük əhəmiyyət kəsb edir. Daha az maye qəbulu performans səviyyənizi aşağı salır. Tendinit (bir növ əzələ xəstəliyi) kimi sağlamlıq problemləri ilə də qarşılaşmağınıza səbəb olur. Buna görə də mütəxəssislər məşqdən əvvəl və sonra maye qəbul etməyi məsləhət bilirlər.

İdman əsnasında maye qəbulunun miqdarı ilə bağlı qətiləşmiş bir qayda yoxdur. Bədən lazımı miqdarda maye qəbul etməzsə, fəaliyyətini düzgün təmin edə bilməz. Dehidarsiya (susuzluq) zəif ilə şiddətli arasında dəyişə bilir.

Hidrasiya (nəmlənmə) əzələ yığılmalarının qarşısını alır və su dehidrasiya ilə mübarizədə əla vasitədir. Bir saatlıq aralıqsız məşqlərdə izotonik maye qəbulu ideal seçimdir.

Maye qəbulu sağlam qalmağınıza kömək edir. İsti aylarda istiliklə əlaqədar xəstəliklərdən sizi qoruyur.  Orqanizmimiz suyu depolaya bilmədiyi üçün daim su ehtiyatımızı güdməliyik. İdman edən şəxslər buna xüsusi ilə diqqət etməlidirlər. Məşq əsnasında bədənimiz isinir və orqanizm bədən temperaturunu balanslaşdıra bilmək üçün o istiliyi tərlə çıxarır. Bu da o deməkdir ki, itirdiyimiz enerji və maye miqdarını bərpa etməliyik. Əks halda orqanizm dehidrasiya yaşayır və yorulmağa, ağrımağa başlayırıq. Amerika İdman Həkimləri Kolleci, edilən hər 15-20 dəqiqəlik məşq aralığında 1-2 litr maye qəbulunu məsləhət edirlər.

Kifayət qədər maye qəbul etməsək, nələr yaşaya bilərik? Bədən avtomatik dehidrasiya ilə mübarizəyə başlayır. Orqanizmdə kifayət qədər maye olmadığı üçün qan “qalınlaşmağa” başlayır. Bu da o deməkdir ki, ürək lazımı miqdarda qanı orqanlara çatdıra bilmir. Buna görə də daha sürətlə döyünməyə başlayır. Ürək ritminin artması nəfəs daralmasına səbəb olur. Qan bədəndə normal dövr edə bilmədiyi üçün baş gicəllənməsi və yorğunluq hiss etməyə başlayacaqsınız. Bu isə etdiyiniz məşqləri faydalı deyil, əksinə sağlamlığınıza ziyanlı edəcək.

Məşq etdiyiniz zaman aşağıdakı simptomlar sizdə peyda olursa, idmanınızı dayandırmalısınız:

Baş gicəllənməsi, tarazlığın itməsi

Əzələ ağrıları

Bulantı, yaxud qusma

Ağızda quruluq

Dərinin quruması

Ürək ritminin sürətlənməsi

Susuzluq

Performansın zəifləməsi

Uyuşma, yaxud enerji əksikliyi

Yuxarıda  sadaladıqlarımız diqqətlə izlənməlidir. Əksər hallarda bu simptomlar kölgədə oturub dincələrək və maye qəbulu ilə azaldıla bilər. Lakin bu simptomlar şiddətli dehidrasiya xəbərçisi ola bilər, bunun üçün vaxt itirmədən həkimə müraciət etməlisiz.

Nəticə olaraq, məşq əsnasında maye qəbulu vacib faktordur. Bunun üçün məşqdən əvvəl və sonra maye qəbulunu əksik etməyin. Amma birdən birə bədəni hədsiz miqdarda su ilə yükləmək olmaz. Onun üçün gün ərzində tez-tez lakin az-az maye qəbul edin.

Подпишитесь, чтобы получать информацию о скидках и акциях.

Агенты онлайн
Chat agent
Chat agent
Здравствуйте, чем мы можем вам помочь?