Covid-19 və onun idman dünyasına təsiri

Hazırda istər elan edilən karantin rejimi, istər xəbərlər, istərsə də sosial şəbəkələr vasitəsilə Covid 19-un nə və nə kimi zərərləri olduğunu az - çox hər kəs bilir. Bugünkü yazımızda karona virusu səbəbi ilə təxirə salınmış idman oyunları və yarışlarından bəhs edəcəyik.

Dünya səviyyəsində məşhur olan idman yarışlarının çoxu böyük insan kütlələrini və bolluca fiziki təmas əhatə etdiyi üçün idman dərnəkləri bir sıra əhəmiyyətli addımlar atmağa qərar verdilər.

Hazırda Avropada Covid 19 virusunun ən çox görüldüyü ölkə İtaliyadır. Bunun üçün Serie A liqası martın 9-da bütün oyunları təxirə saldığını elan etdi. Bu qərardan əvvəl komandalar izləyicisiz oynayırdılar.  Hazırda isə İtaliya futbolu iyunun 4-ə kimi təxirə salınıb.

“Yuventus” futbol komandasının oyunçusu olan Daniele Rugani-də Covid 19 virusu aşkarlanıb. “Sampdoria” komandasından Manola Gabbiadini-də də Covid 19-un pozitiv olduğu açıqlanıb.

Bənzər hadisə İspaniya La Liqasında da yaşandı. La Liqa oyunları xalqa bağlı şəkildə oynasa da, bundan qısa müddət sonra, bütün oyunları 2 həftəlik təxirə saldığını açıqladı. Real Madrid basketbol komandasının oyunçusu Trey Thompkins-in də yoluxduğu müəyyənləşdi və bütün komanda qabaqlayıcı karantin rejiminə alındı.

Almaniya və Fransa boş stadionlarda oyunlarını davam etdirirlər. Birləşmiş Krallıq Premyera Liqası təqvimində heç bir dəyişiklik etmədən oyunları davam etdirir. Lakin  Arsenal və Leicester City  komandalarından hazırda karantində olan futbolçular var. Bu da yaxın gələcəkdə Birləşmiş Krallığa da təxirə salma qərarı verdirəcəyini göstərir.

Futbol xaricində bir çox idman sahələri də bu virusla mübarizə naminə oyun və yarışları təxirə salmağı qərara aldı. Professional Tennisçilər Birliyi ya da ATP turnirlərini 6 həftəlik təxirə saldı. Qadın Tennisçilər Birliyi (WTA) isə bu günə kimi sadəcə 2 oyununu təxirə salıb.

NBA isə qeyri-müəyyən vaxta qədər oyunları təxirə saldı. Bu günə qədər Utah Jazz, Guddy Robert və Donovan Mitchelldə virus aşkarlanıb.

Hazırda Formula 1, MotoGP, MLS, Six Nations Rugby və dünyadakı digər qapalı atletizm yarışları da təxirə salınmış vəziyyətdədir.

Virus Cənubi Amerikada ləng irəliləməsi ilə seçilir. Buna görə də Cənubi Amerikada gündəlik həyat tərzi də böyük tədbirlər də öz axarında davam edir.

Bununla bərabər, bəzi Copa Libertadores oyunları keçirilsə də (bəziləri xalqa qapalı şəkildə), CONMEBOL turniri təxirə salındı.

Bu virusun insanların normal həyat və sağlamlıqlarını nə qədər təhdid edəcəyini hələ heç kim dəqiq bilməsə də, yaxın gələcəkdə hər şeyin qurtaracağına və normal həyatlarımıza qayıdacağımıza ümid edirik. Bu yazılanlardan əlavə, xatırlatmağı özümüzə borc bilirik, çalışın həm öz, həm də başqalarının sağlamlığı üçün, evdə qalmağa, sağlam qidalanmağa, idman etməyə çalışın.