İdmana yeni başlayanlar üçün 6 məsləhət

Bir çoxumuzun marağını çəkən mövzulardan biri idmanla məşğul olmaqdır. Bəlkə də, mütəmadi olaraq məşq etməyi qərara aldığınız gün elə bu gündür. Bir çox insan bir neçə həftə, bəlkə də, bir neçə ay məşqə getmək qərarına gəlir. Bu fikir səhvdir və başlanğıcdan bizi yalnışa sürükləyir. Bu şəkildə qısa zaman məşq etməklə siz uzunmüddətli nəticə əldə edə bilmərsiniz, hətta nəticə belə əldə etməyə bilərsiniz. Bu üsulla siz yalnız  özünüzü aldadırsınız. Ona görə də başlanğıcdan sizə uyğun olacaq formada, mütəmadi şəkildə idmanla məşğul olmalısınız.

İdmana başlamaq qərarını almağınız çox gözəl bir haldır. Əfsuslar olsun ki, bu dediyimiz qədər asan olmaya bilər. İdman etdiyimiz zaman bir neçə qayda varki bulara əməl etməliyik. Ancaq yeni başlayanlar üçün bu elədə asan deyil. Yeni başlayanların fikirləri qarışa, dəqiq məlumatları olmadıqları üçün səhv istiqamətlənə bilirlər.  Elə isə idmana başlayanlar üçün əhəmiyyətli 6 məsləhət ilə tanış olaq.

Yaxın məsafədə yerləşən idman zallarına müraciət edin.

İdmana başlamağı hədəflədiyimiz zaman qarşımızda duran ilkin məsələ zalı seçməkdir.Bu zaman bir çoxumuz çox seçici davranırıq. Məsələn, ya idman zallarındakı alətlərin yetərsizliyinə, ya da saunasının olmadığına görə bu zallardan imtina edirik. Lakin unuduruq ki, bunlar elə də əhəmiyyət daşıyan məsələlərdən deyil. Biz öncəlik olaraq düşünməliyik ki, məşqimiz bitdiyi zaman yorğun olub taqətdən düşəcəyik, bəs bu vəziyyətdə evə necə gedə bilərik. İdeallıq çərçivəmizə uyğun olan zalı seçsək belə əgər idman zalı uzaqda yerləşirsə o vəziyyətdə evə gətməkdə çətinlik çəkəcəyik. Hətta bu bir müddət sonra bizim idmandan uzaqlaşmağımıza da gətirib çıxara bilər. Bunun yerinə ideal vəziyyətdə olmasa belə evimizə yaxın zalı seçdiyimiz zaman ən azından evə rahat şəkildə gəlib dincələ biləcəyik. Bu səbəblərdən əgər zalda məşq etməyi planlayırsınızsa evə yaxın məsafədə yerləşən idman zallarının bu üstünlüyünü gözönündə saxlayın. Yaxın məsafədə yerləşən idman zalında məşq etmək sizə üstünlük verir.

Məşq zamanı fitness müəllimləri ilə məşqə üstünlük verin.

Bir çoxumuzun əsas səhvlərindən biri idmana başladığımız zaman kor-koranə şəkildə məşqə başlamaqdır. Yeni başladığımız üçün bizə məşq zamanı yüzlərlə rəy gələ bilər. Bu rəylərə qulaq asmamağa çalışın. Çünki hər kəsin vücud tipi fərqlidir və sizin vücudunuza, orqanizminizə bələd olmadığları üçün yanlış məsləhətlər verə bilərlər. Nəticədə siz yanlış məlumatlana və səhv addım ata bilərsiniz. Bunun əvəzinə fitness müəllimləri ilə məşqi sınayın. Fitness müəllimləri ilə məşq sizə çox kömək olacaqdır. Sizə məşq proqramı, qidalanma rejimi ilə bağlı köməklik göstərərcəklər. Təlimçilər fərqlidir. Məşqçi peşəkarlığının obyektiv göstəriciləri öz idman nailiyyətləri, müştərilərinin əla fiziki forması, klubdakı nüfuzu hesab olunur. Məşqçidən yüksək fiziki formada olmağı və cəlbedici bir görünüşə sahib olmasını tələb etməyiniz düzgün deyil. Çünki onlar bütün zamanlarını yalnız öz məşqlərinə sərf etmirlər, həmçinin tələbələr yetişdirirlər və uzun müddət idmanla məşğul olduqları üçün artıq xəsarət ala bilirlər. Nəticə etibarilə yaxşı məşqçi axtarmaq üçün vaxt sərf etməyə dəyər.

Düzgün proqram təşkil edin.

İdmana yazıldığınız zaman ən önəmli məsələlərdən biri də düzgün proqram qurmaqdır. İdman zallarına yazıldığınız zaman professionallardan kömək istəyin. Onlar bu mövzuda sizə köməkçi ola bilərlər. Lakin fitness müəlliminiz sizə proqram yazdığı zaman bu proqramın tamamilə sizə aid olub, sizin vücudunuz üçün yazıldığından əmin olun. Əks təqdirdə bu proqram sizə heç bir nəticə verməyə, boşuna zaman itkisi yaşamağınıza səbəb ola bilər. Bəzi səbəblərə görə proqramınızı fitness müəllimləri ilə təşkil etməyə bilərsiniz. Bu zaman isə əsas qarşınızda duran məqsəd müxtəlif mənbələri gözdən keçirmək, sizə ən uyğun olanları seçmək və proqramınızda bunlara yer verməkdir. İdman zallarına gəldiyiniz zaman onsuz da dəqiq bir hərəkət planınız olmalıdır. Məsələn, hansı məşqləri edərsiniz, hansı əzələ qruplarını işləyəcəksiniz. Çox sayda təlim proqramı var ancaq, məşqçi olmadan başlayanlar çətin variantları sınamamalıdırlar. Başlanğıc üçün bütün əzələlərin ardıcıl öyrənilməsi və məşqi ilə məhdudlaşmaq daha yaxşı üsuldur.

Qidalanmağınıza diqqətli yanaşın.

Məşq proqramınızı təşkil etsəz belə nə ilə qidalanmaq lazım olduğunu bilməyə bilərsiniz. Bu zaman isə düzgün qidalanmadığınız üçün mütəmadi şəkildə məşq etsəniz belə aynada gördüyünüz nəticədən məmnun olmaya bilərsiniz. Düzgün qidalanmaq mövzusu çox qəliz və mürəkkəb məsələdir. Lakin sizə balaca bir tövsiyə verəcəm. Əgər yağ faizi yüksək birisinizsə, bu zaman siz qəbul etdiyiniz karbohidrat faizini azaltmalı, yerinə protein və lif faizi yüksək məhsullarla qidalanmalısınız. Məşq proqramınızda isə cadioya yer verməyiniz sizə üstünlük verəcəkdir. Əgər yağ faiziniz aşağıdırsa bu zaman siz karbohidrat, protein və lif tərkibli qidalanmalısınız. Lakin bu zaman hamsının bir-biri ilə tarazlıq təşkil etməli olduğunu unutmayın.

Həmçinin, qida kimi su da  insan orqanizmində böyük əhəmiyyətə malikdir. Susuz həyatımızı təsəvvür edə bilmərik.  Lakin su haqqında müxtəlif mülahizələr mövcuddur. Bir neçə il əvvəl bir çox qidalanma mütəxəssisi gündəlik olaraq 1,5 litr su içməli olduğumuz fikrinin tərəfdarı idilər. Lakin bu yaxınlarda mütəxəssislər, o cümlədən Ukrayna Milli Dietoloqlar Cəmiyyətinin icraçı direktoru Mixail Zeyqarnika bir insanın qida və digər içkilərdən gündəlik su normasının təqribən 50% -ni topladığını deyərək bu açıqlamanı rədd etdilər. Hər bir insan özünə lazımı miqdarda su təyin etməlidir. Həmçinin unutmaq olmaz ki, bu lazımı miqdar dediyimiz zaman çay, kofe, meyvə şirəsi və s. deyil, saf su nəzərdə tutulur.

Ağır məşqlərdən qaçın.

Məşqə başlamağı hədəflədiyiniz zaman evdə və ya idman zalında məşqə başlamaq sizin şəxsi seçiminizdir. Lakin yeni başladığınız zaman müddətə diqqət yetirməlisiniz. Məşq proqramınızı bir gün fasilə ilə qurmağa çalışın. Bu fasilə sizin vücudunuzun yorğunluğa dözümünü artırır, yorğunluğu tez dəf etməsinə kömək edir, vücudumuzu fiziki cəhətdən sonraki məşq üçün hazırlanmasına kömək olacaq. Həmçinin idmana yeni başlayanlar ilk günlərdən ağır məşqlərlə məşğul olmamalıdır. Ağır çəkilərlə məşq etməyiniz qətiyyən məsləhət görülmür. Asta templi cardio, qaçış, fitness və yüngül çəkilərlə məşqə başlaya bilərsiniz.

Nəticə üçün tələsməyin.

İdmana təzə başlayanar iki-üç ay içərisində nəticəni əldə etmək istəyirlər. Xəyallarındakı nəticəyə nail olmadığları zaman isə idman etməyi tərk edirlər. Bu bir çoxumuzun əsas səhvlərindən biridir.  Heç kim onsuz da iki-üç ay içərisində o ideal vücuda nail ola bilməz. Bir-iki ay hər gün ağır məşq etmək əvəzinə mütəmadi olaraq həftədə üç-dörd gün orta səviyyədə məşq etməyiniz daha məqədyönlüdür. Həftədə iki dəfə aerobik məşqlər edə bilərsiniz. Orta intensivlikdəki məşqləri həftədə azıyla üç gün, təxminən 30-40 dəqiqə edə bilərsiniz. Heç nə göründüyü qədər asan deyil. Mütəmadi olaraq idmanla məşğul olun. Sevdiyiniz və sağlamlığınız üçün idmana hər zaman davam edin. Günləri və ayları saymağı dayandırın. Bunun əvəzinə siz aynadan istifadə edin. Aynada gördüyünüz dəyişiklliklərə diqqət yetirin. Çəkilər yox aynada gördüyümüz əks bizim zövqümüzü oxşamalıdır.

Hər birimiz üçün əsas məsələlərdən biri sağlam həyat yaşamaqdır. Əfsuslar olsun ki, bu deyildiyi kimi elədə asan deyil. Bunun üçün isə idmana həyatımızda yer ayırmalıyıq. İdmana ayırdığımız zaman vaxt itkisi hesab oluna bilməz, bunu unutmayın. Hədəflərinizi dəqiqləşdirmək və əmin addımlarla irəliləmək lazımdır. Motivasiyanızın enməsinə qəti şəkildə icazə verməyin. Bunun üçün isə ən sadə üsul internetdən istifadədir. İnternetdə motivasiya verici müxtəlif məlumatlar, şəkillər, videolar mövcuddur. Onlara baxıb özünüzə motivasiya verə bilərsiniz. Unutmayın hər şey bizim sağlamlığımız üçündür.