Evdən çıxmadan edə biləcəyiniz kardio məşqləri
05-04-2020 1115

Evdən çıxmadan edə biləcəyiniz kardio məşqləri

Kardio məşqlərinin yalnız idman zallarında, xüsusi alətlərlə edildiyini düşünürsünüzsə, yanılırsınız. Əslində, evdə çox rahat kardio məşqləri edə bilərsiniz. Bugünkü yazımızda evdə rahatlıqla edə biləcəyiniz kardio məşqləri haqqında məlumat verəcəyik.

Hazırkı şərait və vəziyyəti nəzərə alanda, mümkün qədər evdə qalmağa çalışdığımız bu dövrdə, sağlamlığımızı da mütləq şəkildə qorumalıyıq. Bədənə güc və enerji qazandırmaq üçün kardio məşqləri əvəzsizdir. Və unutmayın ki, heç bir avadanlıq olmadan da kardio edə bilərsiniz.

İp atlama. Uşaqlığımızın ən sevimli əyləncələrindən olan ip atlamanın kardio məşqi olduğunu bilirsinizmi? Bu məşq fiziki dayanıqlılığı, koordinasiyanı və tarazlığı inkişaf etdirir.

İp atlama uşaqlıq illərində daha asan görünsə də, yaş artdıqca bu o qədər də asan olmaya bilər. Bunun üçün özünüzə birdən birə yüklənməyinizə ehtiyac yoxdur. İlk məşq günləri üçün 25 dəfə atlamaq idealdır. Zaman keçdikcə bu sayı 100-ə qədər qaldıra bilərsiniz.  

Squat. Bu məşqə başlamaq üçün, ayaqlarınızı aralayın, ayaq barmaqlarınız çölə baxmalıdır və belinizi mümkün qədər düz saxlayın. Budlarınızla zəmin arasında 90 dərəcəlik bucaq əmələ gələnə qədər dizlərinizi bükün.

Düzgün şəkildə squat edə bilmək üçün, ombanız mümkün qədər geriyə getməlidir, üstəlik dizləriniz barmaq uclarınızı keçməməlidir.

Hər çömbəlmədən sonra əvvəlki duruşunuza qayıtmalısınız və müqavimətinizdən asılı olaraq, gün ərzində 15 təkrardan ibarət 2 və ya 3 set edə bilərsiniz.

Squat bir çox əzələ qrupunu özündə birləşdirən kardio məşqidir, ürəyi gücləndirir və duruşu düzəldir.

Qabaqcıl push-ups (başqa deyişlə jim). Push-up güc tələb edən məşq növüdür.

Qabaqcıl push-up-a başlamaq üçün ayaq üstə dayanmalısınız.  Sonra yerə çömbəlib ayaqlarınızı geri uzadın. Daha sonra qollarınızı  sinəniz zəminə mümkün qədər yaxınlaşana kimi bükün. Və sonra qollarınızı açaraq bədəninizi qaldırın, ayaqlarınızı önə gətirib tullanın. İlk məşq seansı üçün 10 və ya 15 dəfə push-up edə bilərsiniz.

İsinmə və dartınma. Evdə məşq edirsinizsə, yarana biləcək yaralanma ehtimallarına qarşı isinmə hərəkətlərini mütləq etməlisiniz. Bu, qan, oynaq və əzələləri lazımı istiliyə çatdıracaq, üstəlik, əzələlərinizi məşq üçün hazırlayacaqdır.

Son olaraq, məşqinizi tamamladıqda bədəninizi rahatlatmaq üçün, dartınma hərəkətləri edilməlidir.

Evdə kardio etməyə qərar vermisizsə, bunu səhərlər etməyə çalışın. Kardio üçün ən ideal vaxt səhərdir. Amma səhər etməyə vaxt və həvəsiniz yoxdursa, günün istənilən saatında da edə bilərsiniz.

Подпишитесь, чтобы получать информацию о скидках и акциях.

Агенты онлайн
Chat agent
Chat agent
Здравствуйте, чем мы можем вам помочь?