Uşaqlar neçə yaşdan qaçışa başlaya bilərlər

Heç şübhəsiz, uşaqlar böyüklərin etdiyi hər şeyi, xüsusilə də valideynlərini təqlid edirlər. Buna görə də evdəki böyüklər idmançıdırsa, uşaqlar da bir ehtimal idmana maraq salacaqlar. Bu çox erkən yaşlarda başlaya bilən bir duyğudur. 

Bəlkə bir uşaq valideynin parkda qaçmağa getdiyini görəndə, ona yoldaşlıq etmək istəyə bilər. Buna görə də valideynlərin uşaqlarını bu fəaliyyətlə tanış etməyə (digər bütün fəaliyyətlərdə olduğu kimi) hazır olmaları çox vacibdir. 

Uşaqlar üçün məşqlər oyun olmalıdır, özünü dəyərli hiss etmək üçün təzyiq, yaxud səbəb deyil. Məcburiyyət qarşısında qalmadıqca qaçışa başlamaq bizim üçün daha asandır. Onları bu idmana itələmək yerinə, öz metodları ilə etməyə icazə verin. 

Uşaqlarımızla dərhal qaçmağa qərar versək, sürətlərini qoruya bilməyəcəklərini həmişə xatırlamalıyıq. Onları gözləmək və sürətimizi aşağı salmaq məcburiyyətində olacağıq. Bir məşq seansı olaraq yox, əyləncəli bir fəaliyyət olaraq qəbul edilməlidir. Daha sonra tək başlarına və öz bacarıqlarına uyğun qaçmaqları mümkün olacaq.

Uşaqların kiçik bədənlərində böyük ruhları və ürəkləri olsa da, böyüklərin gücünə sahib olmadıqlarını valideynlər həmişə amlamalı və fəaliyyətlərini dəstəkləməli, onlara yaxşı nələrsə deməyi axsatmamalıdırlar. 

Qaçışın uşaqlar üçün faydaları arasında sümükləri gücləndirməsi, qülükoza nəzarətini inkişaf etdirməsi, uşaqlıq obezinin qarşısını alması, hiperaktivliyi azaltması, ürək və tənəffüs ritmini nizamlamasını vurğulaya bilərik. Bundan əlavə daha çevik və kooedinasiyaya və tarazlığa sahib olacaqlar. Həmçinin, duyğularını idarə etməyə də kömək edəcək.

UŞAQLAR NEÇƏ YAŞDAN QAÇIŞA BAŞLAYA BİLƏRLƏR?

Balacalar qaça bilər, lakin peşəkar səviyyədə deyil. Bacarıqları və yaşları həmişə nəzərə alınmalıdır. Məşq onların təbii böyüməsinə və inkişafına mane olmamaldır.

Beş yaşdan aşağı uşaqların hər hansı xüsusi bir məşq etməməli olduqlarını unutmayın. Buna qaçış da daxildir. Bədənləri kifayət qədər püxtələşənə qədər gözləyin. 

Uşaqlar daha çevik olsalar da, yaralanma riskləri daha yüksəkdir. Həmçinin, müəyyən edilmiş və qarışıq hərəkətlərdən ibarət təlimatları izləmək üçün zehni olaraq hazır deyillər.

Uşaqlarımızın mükəmməl qaçışçılar olmasını istəyiriksə, bu mərhələdə edə biləcəyimiz ən yaxşı şey onları evdə, yaxud parkda tipik oyunlar oynayaraq qaçış ilə tanış etməkdir. Məqsəd onlara texnikaları öyrətmək deyil, ayaqlarını gücləndirmək və onlar fərqində olmadan müqavimət bacarıqlarını inkişaf etdirməkdir. Öyrənməyin ən yaxşı yolu oynamaqdır. 

Uşaq səkkiz yaşında olanda enerjini boşaltması üçün qaçışa başlaması mümkündür. O yaşdakı uşaqlar bədənlərini və ətrafını daha yaxşı anlaya bilirlər. O yaşdakı uşaqların hələ öz güclərini ölçə bilmədiklərini və çox çabalamaqdan bezə biləcəklərini unutmayın. 

Uşaqlar 12 yaşına gəldikdə pediatrlar nizamlı olaraq qaçışa başlamalarını tövsiyə edirlər. Uşağınızın qaçışçı olaraq dünyaya gəldiyini anlayırsızsa, 12 yaşında olanda peşəkar məşqə başlaya bilər.

Valideynlər uşaqlarından olan gözləntilərini aşağı endirməli, idmanı onlara məcburiyyət kimi təlqin etməməli, uşaqlarını bütün hallarda dəstəkləməli və ruhlandırmalıdırlar. Belə olduğu təqdirdə uşağınız daha sağlam psixologiyalı və daha özünə inamlı olmaqla bərabər, nəinki idman sahəsində bütn sahələrdə uğurlu olacaq.