Buts və qızıl qaydalar

Hansı idman növü ilə məşğul olmağınızdan asılı olmayaraq, yaxşı idman ləvazimatlarına ehtiyacınız həmişə olacaq. Bir idmançı üçün ən vacib şərt geyiminin rahat olması və performansını rahat göstərə biləcəyi ləvazimatlardır.

Futbolçular üçün ən vacib şərtlərdən biri də ayaqqabı – buts seçimidir. Buts necə seçilməlidir? Buts seçərkən nələrə diqqət etməliyik? Bu suallara cavab vermək üçün bu yazımızda buts seçiminin 5 qaydasını sizinlə bölüşəcəyik. Qeyd edək ki, bu fikirlər Futbol Brend Meneceri Ned Özkasimin müsahiblərindəndir.

1. Geyinəcəyiniz zəmin üçün ayaqqabı seçin. Eyni butsu həm suni çəməndə, həm nəm səthdə, həm də palçıqda geyinə bilmərsiniz. Təbii çəmən olan zəmində oynayacaqsınızsa, səthi daha möhkəm olan butslara üstünlük verin. Qazon üçün isə suni çəmən üçün istehsal olunmuş ayaqqabılardan istifadə edin.
2. Özünüzü rahat hiss edəcəyiniz ayaqqabı alın. Geniş pəncəli ayaqlarınız varsa, xüsusi istehsal olunmuş, barmaq qismi enli butslar seçə bilərsiniz. Ayaqqabılarınızın rəngli olmasına üstünlük verin. Rənglərdən aldığınız enerji oyununuza da yaxşı tərəfdən təsir göstərəcək.
3. Dəridən uzaq durmağa çalışın. Standart bir şəkildə insanlar dəri ayaqqabıların daha rahat və dözümlü olacağına inanırlar. Amma futbolda bu standartlardan kənara çıxın, çünki hazırda sintetikadan da çox rahat və performansınızı yüksəldən ayaqqabılar istehsal edilir. Rahatlıq, görünüş və performans arasındakı düzgün tarazlığı qurmağı bacarın.
4. Satın almazdan əvvəl mütləq yoxlayın. Mağazada geyinəndə bağlanma şəklinin sizə rahatlığını və hərəkətlərinizi necə dəstəklədiyini yoxlayın. Ayaqqabı sizi meydançada hiss etdirib həyəcanlandırırsa, təbriklər, ayaqqabınız tapmısınız.
5. Təmiz saxlayın. Oyun bitdikdən sonra, ayaqqabıları çantaya atıb gələn oyuna qədər təmizləməkdə tənbəllik edirik. Belə bir vərdişə sahibsinizsə sintetik ayaqqabılar alın. Daha rahat təmizlənirlər. Ayaqqabınızı isti suda isladılmış dəsmalla silin. Yuyandan sonra radiator yanında qurutmayın. Belə etsəniz, ayaqqabılarınız çatlayacaq. Qurumağa qoyduqda içini qəzetlə doldurmağa çalışın ki, ayaqqabınız şaxlığını itirməsin.