Olimpiya ulduzlarına görə Bodybuilding-ə başlayanların etdiyi səhvlər
07-12-2021 1090

Olimpiya ulduzlarına görə Bodybuilding-ə başlayanların etdiyi səhvlər

Cənab Olimpiya 1965-ci ildən bəri bodybuilding-lə məşğul olanlar arasında keçirilən bodybuilding yarışıdır. Bu yarışlarda yer tutanlar arasında Phil Heath, Kai Green, Sean Rodin və Ryan Terry kimi adlar da var. Və bu şəxslər demək olar ki, bodybuilding-ə yeni başlayanların etdiyi səhvlər barəsində ortaq fikrə sahibdirlər. Və bizdə bu yazımızda həmin səhvləri ümumiləşdirib sizinlə bölüşürük.

Səhv 1. Başlayan kimi 200 kq qaldıra bilərəm

İdman zalına gələn bir çox yeni başlayan təcrübəli idmançıları kopyalamağa çalışırlar, kiçik çəkilərlə başlamağın faydalı olmadığına və cazibadar görünmədiyinə inanırlar. İdman zalına ilk dəfə gedirsinizsə, dərhal 200 kiloqramlıq bir çəki ilə dəzgah pressi edə biləcəyinizi düşünməyin. Bu mümkün deyil. Kiçikdən başlayın və məşqlərinizi hərtərəfli planlaşdırın. Bodibilding-də hər şeyi sistematik şəkildə etmək, pilləni tədricən qalxmaq lazımdır, əks halda ciddi zədə ala bilərsiniz.

Səhv 2. İnternet bir məşqçidən daha çox şey bilir

İnsanlar çox vaxt internetdə yazılan hər şeyə kor-koranə inanırlar. Bu, bədən tərbiyəsinə yanlış yanaşmadır. Çox vaxt bir mütəxəssislə üz-üzə söhbət onlayn məsləhətdən daha dəyərlidir. Bədən tərbiyəsi haqqında bir şey oxuyursunuzsa, onu jurnallardan oxuyun. Ən son və köhnə yanaşmaları oxuyun, onlarda verilən məlumatları müqayisə edin və bundan sonra özünüz nəticə çıxarın.

Səhv 3. İstirahət etməyə ehtiyacım yoxdur

İdmanla məşğul olmaq həmişə yaxşı bir şey deyil. Əzələ böyüməsi yatanda, yaxud, istirahət edən zamanı baş verir. Bədəninizi dinləmək, tükəndiyini və bərpa edilməli olduğunu başa düşmək lazımdır. Əks təqdirdə, yalnız bədəninizi tükəndirəcəksiniz.

 

Səhv 4. Kardio vaxt itkisidir

Bir çox insan çəki artırmaq istəyənlər üçün kardio məşqlərinin lazım olmadığını düşünür, lakin bu, heç də belə deyil. Bu məşqlər bodybuilding-də son dərəcə vacibdir, insanın ümumi dözümlülüyünü artırır, qan təzyiqini normallaşdırır. Əzələlər qədər ürək və ağciyərlərin də müntəzəm məşqə ehtiyacı var.

Səhv 5. Ən azı 5 min kalori qəbul etməliyəm

Peşəkar bir idmançı gündə beş-səkkiz min kalori qəbul edirsə, bu, sizin də eyni şəkildə qidalanmalı olduğunuz mənasını vermir. Hər şey kiçikdən başlayır, başa düşməlisiniz ki, yeni başlayan bir idmançı hər gün bu qədər çox kaloriyə ehtiyac duymur. Əgər yemək miqdarını aşsanız, bu, sadəcə artıq çəkiyə səbəb olacaq.

Səhv 6. Sistemsiz qidalanmaq

Güclü və sağlam olmaq üçün qidalanma haqqında unutmamalıyıq. Məşq edərkən burger və qızardılmış kartofla qidalanmaq yaxşı fikir deyil. Əzələ tonusunu qorumaq üçün bədənə karbohidratlar, yağlar və zülallar lazımdır, lakin düzgün nisbətdə. Buna görə də, gözəl bədənə sahib olmaq istəyirsinizsə, daha sistemli qidalanmağa çalışmalısınız.

Səhv 7. Yeni başlayanlar üçün olan qida əlavələrini qəbul edin

Çox sayda qida əlavələri mövcuddur. İlk rastınıza çıxanı qəbul etməyin. İstifadə edəcəyiniz əlavəni öyrənin, tərkibini oxuyun, rəsmi araşdırma nəticələrini tapın. Bədəninizin necə reaksiya verdiyinə və atletik məqsədlərinizə çatmağınıza kömək edib-etməyəcəyinə diqqət yetirin.

 

Və nəhayət, edə biləcəyiniz ən böyük səhv məşqi atmaqdır. Bodibuilding həyat tərzinizi tamamilə yaxşılığa doğru dəyişən azsaylı idman növlərindən biridir. İmmuniteti və dözümlülüyü yaxşılaşdırmağa, skelet gücünü artırmağa kömək edir, həmçinin düzgün qidalanmağı öyrədir.

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?