Tək məşq etməyin üstünlükləri

Məşqin sadiqlik və intizam tələb etdiyi açıqdır, ancaq məşq edən hər kəs yanında bir dostu olanda düzgün və effektli işləməz. Diqqətinin dağılması onları hədəfdən uzaqlaşdıra və inamlarını itirməyə səbəb ola bilər. Bu, tək məşq etməyin üstünlüklərini analiz etmək üçün uyğun səbəbdir.

Daha istəkli olmaq

Tək olanda, özünüzə uyğun bir məşq planı hazırlamaq daha asan və rahatdır. Cütlər, yaxud qrup halında məşq edərkən proqramın izlənməməsi motivasiyanı azaldır və yavaş - yavaş geriləməyə səbəb olur.

Həmçinin, idman seçiminin şəxsiləşdirilməsi lazım olduğunu nəzərə alanda tək məşqin daha məhsuldar olacağını deyə bilərik. Hər hərəkət başqalarının performansını kölgədə qoymağa yox, şəxsi ehtiyac və qabiliyyətlərə uyğun olacaq. 

Məşqçi, müəyyən qaydalara uyğun təxmini vərdiş və tətbiqləri məsləhət biləcək. Və geniş bir seçim imkanı ilə şəxs sevdiyi, yaxud digərlərindən daha üstün tutduğu bir məşq növünü seçəcək. Rahatlamaq üçün qaçmağın, rəqabətli qaçışla eyni olmadığını unutmayın. 

Tək təlimin bir digər üstünlüyü də məşq ediləcək yeri seçə bilmək ehtimalıdır. İdman zalı, evdə bir yer, küçə, meydan, yaxud park olsun fərq etmir, texnikaları bilmək və düzgün geyim və ayaqqabıları seçimi, istənilən yeri daha məhsuldar və uyğun edir.

Daha çox təşkilatçılıq və intizam

Başqalarının qərar verməsini, günlərini qeyd etməsini və ya lazımı avadanlıqları hazırlamağını gözləmək məcburiyyəti olmadan vaxt qazanırsınız. Bir təlim için vacib faktor təşkilatdır. Öz planlarınızı hazırlamaq və yerinə yetirmək başqalarını gözləməkdən daha asandır.

Öz istəklərinizə uyğun vaxtını, yaxud məşq növünü dəyişdirə bilirsiniz. İstədiyiniz yerdə və vaxtda məşq sürətini və yoğunluğunu dəyişdirə bilmək üstünlüyünüzdən danışmırıq belə.

Təbii ki, futbol, voleybol, basketbol və digər komanda halında oynanılan oyunlarda komandadakılarla kontaktda olmağa laqeydlik göstərməmlisiniz. Bədən təlimi şəxsi ola bilər, ancaq qrup oyunlarının birlikdə oynanılması lazımdır.

Konsentrasiyaya doğru qərarlı addımlar

Tək məşq etməyin üstünlükləri içində konsentrasiya da var, çünki fəaliyyəti dağıdan ya da bölən səs-küy olmayacaq. Ümumilikdə cütlər halında və ya qrup halında edilən məşqlərdə diqqətinizi dağıda biləcək dialoqlar ola bilər. 

Sakit şəkildə məşq edərkən və ya müəyyən musiqiləri dinləyərək daha effektli və məhsuldar nəticələr əldə edə bilərsiniz. Hər məşq və istirahət vaxtlarına daha çox uyğunlaşa bilərsiniz. Bəlkə də heç kim səhvlərinizi, duruşlarınızı düzəltməyəcək, yaxud bacardıqlarınızı görməyəcək və sizi təqdir etməyəcəklər, lakin bir müddət sonra siz güzgüdə özünüzü təbrik edəcəksiniz və ətrafınızdakılar da sizdəki dəyişikliyi rahatlıqla görə biləcəklər.

Bəzi məşqləri etməyin çətinliyi, tək məşq edənlərdə belə durğunluğa səbəb ola bilir. Ancaq bu imkansız olan şeylərin orta, yaxud uzun müddətdə  mümkün ola biləcəyi yolunda vacib addımdır. Konsentrasiya və intizam məqsədlərin hər birini mümkün qılacaq.

Şəxsi inkişaf: tək məşqin ən böyük üstünlüyü:

Məşq, başqalarını müqayisə etmək, rəqabət etmək və onları keçmək yerinə, yalnızca şəxsin fikirlərini təmizləməsinə və özüylə vaxt keçirməsinə kömək edir. Bədən məşqi edərkən beyin neqativ düşüncələri silib, daha pozitiv düşüncələr yaratmaq qabiliyyətinə sahibdir.

Daha başqa ifadə ilə desək, məşq etmək, fiziki gücünüzü, dözümlülyünüzü, səbrinizi və müqavimətinizi gücləndirdiyi üçün, özünüzə olan inam da artır. Beləliklə, artıq kimdənsə daha yaxşı olmaq barəsində yox, özünüz üçün daha yaxşı ola biləcəklər barədə düşünürsünüz. Və tək məşq etdiyinizdən rəqabət edə biləcək heç kim olmadığı üçün, öz fiziki inkişaf və sağlamlığınızı daha çox düşünəcəksiniz. 

İstər tək, istər cüt, istərsə də qrup şəklində məşq edin, fərqi yoxdur. Bütün hallarda bədəniniz üçün daha sağlam olan seçimi etmiş olursunuz.