Məşq dünyasının yeni trendi: Flamenko fitness

Flamenko fitness, rəqs etməyi və musiqi dinləməyi sevənlər üçün ideal məşq seçimlərindəndir. Oxumağa davam edin və həm əyləncəli, həm də enerjili şəkildə edəcəyiniz bu məşq növü haqqında daha çox məlumat sahibi olun. 

Çox ehtimal rəqs edən və musiqidən zövq alan flamenko rəqqaslarını görmüsünüz. Bəs özünüzü musiqinin ritminə etibar edərək, eyni vaxtda bədəninizə forma verə biləcəyinizi bilirdiniz? Bəli, bu artıq flamenko fitnesslə çox asandır. 

Fitness və flamenkonun birləşməsi ilə meydana gələn bu trend, həm bədəninizə forma vermək, həm də əylənərək rəqs etməyiniz üçün hazırlanmışdır. Məşq və rəqs ehtirasını bu şəkildə sintezləyib ortaya çıxaran Zumba müəllimi Maria Carrillodur.

Flamenko fitness, aerobik məşqlərlə flamenko musiqisini və hərəkətlərini mükəmməl şəkildə birləşdirir. Bu məşq, həmçinin, duruş və koordinasiyanı yaxşılaşdırması, arıqlamağı asanlaşdırması və özünə inamı inkişaf etdirməsi baxımından da mükəmməldir. Yaş və fiziki vəziyyət fərqi olmadan hər kəs flamenko fitness kursuna yazıla bilər. Uşaqlar, böyüklər və yaşlılar üçün də uyğundur. Həmçinin, maraq dairələri sizinlə oxşar olan insanlarla tanış ola bilmək üçün əla fürsətdir. 

Ənənəvi flamenko hərəkətlərinin müxtəlif məşqlər vasitəsilə edilməsi ilə bir dərsdə 700 kaloriyə qədər kalori yandırmağınız mümkündür. Bir dərs təxminən, 45 yaxud 60 dəqiqə davam edir və bədəninizin asanlıqla uyğunlaşa biləcəyi və mütəxəssislər tərəfindən hazırlanmış proqramlardan ibarət olur. Bu məşqi həftədə 2, yaxud 3 dəfə edə bilərsiniz.

 Məşq üçün seçdiyiniz geyimlər rahat və sadə olmalıdır. Bəzən insanlar qırçınlı ətək yaxud don geyinmək istəyə bilirlər, buradakı əsas məqsəd seçdiyiniz geyimlərin, hərəkətlərinizə maneə törətməməsidir. 

Flamenko fitness: faydaları

Flamenko fitness sadəcə yağ yandırmağınıza kömək etməklə qalmır, musiqidən həzz alaraq bir rəqqas kimi rəqs etməyinizə də kömək edir. Bu məşqin eşidən kimi başlamağınıza səbəb olacaq bir çox fərqli faydaları var, onlardan bir neçəsi:

• Belinizi incəldir və bədəninizə forma verir
   
• Eşitmə və koordinasiyanızı yaxşılaşdıraraq musiqi qabiliyyətinizi inkişaf etdirir
   
• Serotonin ifrazını artırır, bu da stressi azaldıb daha yaxşı ruh halında olmağınıza kömək edir
   
• Daha özünə inamlı və sosial olmağınızı təmin edir
   
• Ürək xəstəliklərinin qarşısını alır və tənəffüs sistemini inkişaf etdirir
   
• Qarın, ayaq və qollardakı əzələləri işlədir
   
• Yaralanmaların qarşısını alır və duruşunuzu yaxşılaşdırır
   
• Oynaq əsnəkliyini artırır
   
• Sümükləri gücləndirir
   
• Əzələlərinizi işlədərək sıxlaşmasına kömək edir
   

Faydalarının çoxluğuna görə, bu yeni trend getdikcə daha populyar hala gəlir. Rəqs və məşqi birləşdirərək həm fiziki, həm də mental olaraq çox yaxşı nəticələr almağınıza kömək edir.