Qaçış sonrası edilən 5 səhv
21-02-2020 1065

Qaçış sonrası edilən 5 səhv

Qaydalı şəkildə qaçırsızsa, hər zaman yaralanma riskiniz var. Qaçış sonrası etdiyimiz bəzi səhvlər də yaralanma riskini artır. Bu gün sizə həmin səhvlərdən danışacağıq. Qaçış əsnasında etdiyimiz səhvlər nələrdir?

Qaçışdan sonra dartınma hərəkəti etməmək. İstənilən idman növündə məşqə başlamazdan əvvəl isinmə hərəkətləri edilir. Amma unutmaq lazım deyil ki, məşq bitdikdən sonra bədən soyumalı və enerjisini bərpa etməlidir. Bunun üçün hər məşq və qaçış sonrası dartınma hərəkəti edilməlidir. Əzələlər isinmiş olduqlarından dartınma daha rahat olacaq və əzələlər elastiklik qazanacaq. Qaçışdan sonra sadəcə 10 dəqiqənizi dartınmağa ayırmağınız yaralanma riskinizi azaldır.

Düzgün qidalanmama. Məşqdən, yaxud qaçışdan əvvəl qidalanmalı olduğumuz kimi, qaçışdan (məşqdən) sonra da qidalanmalıyıq. Bədənin itirdiyi enerjini qidalarla yenidən qazandırmalıyıq. Protein, karbohidrat qəbuluna diqqət edin. Bədəninizin daha rahat həzm edə biləcəyi qidalar seçin.

Meyvə, tərəvəz, paxlalılar, təbii heyvan mənşəli protein və idman sonrası üçün nəzərdə tutulan içkilər əla alternativlərdir. Bunları qaçışdan sonra ən qısa müddətdə qəbul etməli olduğunuzu unutmayın.

Hidrasiya. Laktik turşusu olaraq bilinən metabolizm tullantısı ağır məşqlərin nəticəsi kimi meydana çıxır.  Və orqanizm hər məşqdən sonra bu turşunu bədəndən atmalıdır. Bu da ancaq düzgün şəkildə hidrasiya edilərsə mümkündür. Qaçışdan sonra 2 saat ərzində bol su içilməlidir. Əks halda laktik turşusu əzələlərdə yığılır, yanma və ağrılara səbəb olur.

Bədəni dinləməmək. Yüngül ağrılar qaçışla məşğul olanların tez-tez qarşılaşdığı hadisədir.  Çox vaxt da yaralanmalardan sonra, ağrılara əhəmiyyət vermədən məşqləri axsatmamaq adına qaçmağa davam edirik. Beləliklə, sağalmağımız daha çox vaxt aparır.

Özünüzə yaxşı baxmalısınız. Ağrınız varsa, bir gün dincəlməli, bədəninizə tam istirahət verməlisiniz. Hətta ağrı olduğu halda həkimə müraciət etməyiniz daha məqsədə uyğundur.

İstirahətsizlik. Son olaraq, yaxşı bir perfomansa sahib olmaq və əzələlərinizi daha yaxşı inkişaf etdirmək üçün dincəlməlisiniz. Dincəlmək bədənin məşqdən sonra yenilənməsinə və yaxşılaşmasına kömək edir. Buna görə də, əzələləriniz, sümükləriniz tamamən dincələnə qədər yatdığınızdan əmin olun.

Orqanizm uzun müddət yuxusuz qaldıqda, yaralanma və spazma riskini artır və fəaliyyətinizdə geriləmə nəzərə çarpır. Orqanizmin ehtiyacı olan normal yuxu rejimi bədənin  yaxşı vəziyyətdə olmasının ən doğru yoludur.

Gördüyünüz kimi, qaçış sonrası yaralanma riskini azaltmaq və performansınızı yüksəltmək sizin əlinizdədir. Sadəcə etdiyiniz səhvləri görüb onları aradan qaldırmaqla daha yaxşı idmançı ola bilərsiniz.

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?