![Hər yaş üçün ideal çəki](https://esport.az/uploads/posts/her-yas-ucun-ideal-ceki.jpeg)
Hər yaş üçün ideal çəki
Artıq çəki, ən çox görülən problemlərdəndir. Şəxsin estetik görünüşünə təsir edir və digər sağlamlıq problemlərinin inkişafına şərait yaradır. Buna görə də, hər yaş üçün ideal çəkinin nə olduğunu bilmək vacib məsələdir.
İdeal çəkinizi hesablamağı öyrədəcəyik və bu hədəfə çata bilməyiniz üçün sizə bir sıra məsləhətlər verəcəyik. Yadda saxlayın ki, bədəninizdəki yağ səviyyəsini azaltmağı düşünəndə həm orta, həm də uzun müddətli sağlamlıq problemlərindən yaxa qurtarmış olursunuz. Bu mövzuda şübhəniz varsa, qidalanma mütəxəssisi ilə məsləhətləşməyi unutmayın.
Hər yaş üçün ideal çəki
Həkim Lundh-un tövsiyə etdiyi düsturdan istifadə edərək, hər yaş üçüm ideal çəkinizi hesablaya bilərsiniz. Düstur aşağıdakı kimidir:
Kişilər üçün: 6 + 0,78 × (boy santimetrlə - 100) + 0,17 × yaş
Qadınlar üçün: 7 + 0,71 × ( boy santimetrlə - 100) + 0,17 × yaş
Beləliklə, şəxsin sahib olmalı olduğu ideal çəkinin yuvarlaq şəkildə almış olursunuz. Bununla bərabər, bu düsturun bir sıra sərhədləri vardır.
Bir atlet, ideal olaraq qəbul edilən çəkidən yayına bilər. Çünki yüksək əzələ ağırlığı mövcuddur, bu da heç bir sağlamlıq problemi yaratmır.
Həmçinin, ideala yaxın çəkisi olan bəzi şəxslərin əzələ kütləsi azlıq təşkil edir. Belə olan halda bədən ciddi xəstəliklər üçün daha yatqın hala gəlir. Güclü əzələlər sizi sağlam etməklə bərabər, erkən ölüm və xərçəng riskindən qoruyur.
İdeal çəkinizi çatmaq üçün pəhrizinizə diqqət edin
İdeal çəkiyə çatmaq istəyirsizsə, pəhrizinizi inkişaf etdirməlisiniz. Bədəninizdə yağ kütləsi çoxdursa, azaltmaq üçün intermittent fasting kimi pəhrizlərə müraciət edə bilərsiniz.
Əlavə olaraq, meyvə, tərəvəz və təzə qidalar qəbul etməyə, şəkəri azaltmağa, doymuş və trans yağlardan istifadə etməməyə diqqət edin.
İdeal çəki üçün məşq edin
Qida, ideal çəki üçün əhəmiyyətli faktordur, lakin məşq də vacibdir. Güc məşqləri şəxsin əzələ gücü səviyyəsini, bazal metabolizm və enerji sərfini artıracaq. Beləliklə, yağ kütləsini azaltmaq və ideal ağırlığa sahib olmaq daha da asanlaşacaq.
Hər yaş üçün doğru çəki sağlamlıqla eyni mənadadır
Hər yaş üçün ideal çəkini necə hesablayacağınızı və bu çəkiyə çatmaq üçün nələr edə biləcəyiniz haqqında sizə məlumatlar verdik.
Son olaraq nəzərinizə çatdıraq ki, daha sağlıqlı bir həyat tərzi və daha canlı yaşam üçün qəbul etdiyiniz qidalara fikir verməyiniz və məşq etməyiniz vacibdir. Beləliklə, uzun müddət bədəniniz sizə minnətdar qalacaq.