![İdmanla bağlı 5 məşhur səhv](https://esport.az/uploads/posts/idmanla-bagli-5-meshur-sehv.jpeg)
İdmanla bağlı 5 məşhur səhv
Hər birimiz həyatımız boyu müəyyən fəaliyyətlərlə məşğul olur, hətta bəzi fəaliyyətlərdən aldığımız zövqə əsasən bunu ömrümüzün sonuna qədər davam etdiririk. İdman da bir çoxumuzun həyatında belə fəaliyyətlərdən biridir. Həvəskar və peşəkarlardan başqa sıravi olub, bu sahəylə məşğul olmayan insanların belə bu sahəyə maraqı oyanır. Lakin bu yolda addım atmaq üçün bəzi səbəblər bizə mane ola bilər. Əsas məsələ isə bu səbəbləri aradan qaldırmaqdır.
İdmana yeni addım atdığımız zaman fikirlərimizin qarışmağı çox normaldır. Beynimizi qarışdıran məsələlərdən biri isə düzgün səkildə məşq etməkdir və çoxumuz ilk başlayan zaman məlumatsızlıqdan məşq zamanı yanlış davranışlar, hərəkətlər edə bilirik. Elə isə yeni başlayanlar üçün məşq zamanı ən çox edilən 5 yanlış ilə tanış olaq.
1.Ağır çəki ilə məşq
Əvvəllər idman salonlarına gedənlər əsasən ağır çəkilərlə məşq edirdilər. Böyük səmimiyyətlə inanırdılar ki, daha güclü olmaq üçün ağır çəkilərlə məşq vacibdir. LiftHacks sahibi və Kanada pauerliftinq komandasının məşqçisi Justin Rison deyir “Gücünüzü artırmaq üçün böyük çəkilərlə məşq etməyiniz lazım deyil. Əsas məsələ əzələləri düzgün yükləmək və düzgün istirahət etməkdir”.
2.Yuxusuzluq
Hər birimizin həyatında olan başlıca problemlərdən hesab olunur. Beləki standart olaraq gün ərzində 6-8 saat arası yatmaq lazımdır. Az və ya çox yatmağın özünəxas fəsadları vardır. Yuxunun olmaması güc, konsentrasiya, kordinasiya və mərkəzi sinir sisteminin fəaliyyətinə mənfi təsir göstərir. Yetərli yuxu (ümumiyyətlə səkkiz saat) maksimum performansa nail olmaq üçün vacib şərtdir. Bu səbəbdən, bir çox peşəkar təlimçilər inanır ki, yuxu vaxtının izlənməsi pəhriz və məşq fəaliyyətinizi izləmək qədər vacibdir.
3.Stres
Həyatımızda müəyyən problemlər ilə qarşılaşmağımız çox normal haldır. Bu zaman bəzən tez əsəbləşib, özümüzdən çıxırıq. Lakin bunun bizə verdiyi zərəri o anda unuduruq. Yaşadığımız bu stres bizim vücudumuzda da gözə çarpacaq dəyişikliklər yarada bilir. Stres bizim əzələ itkisi yaşamağımıza səbəb olur və bu səbəbdən stresi əsl əzələ qatili adlandıra bilərik. Stres halında bədənimiz kartizot ifraz edir, bu öz növbəsində əzələ toxumalarını məhv edir və əzələlərin yağ ilə əvəzlənməsinə gətirib çıxarır. Həmçinin stres bizim diqqətimizi yayındırır və bizim məqsədimizdən uzaqlaşmağımıza gətirib çıxara bilir.
4.Məşq zamanı isinmə və soyuma hərəkətləri
İsinmə və soyuma hərəkətləri bizim üçün məşq zamanı elədə əyləncəli olmaya bilər. Lakin bu o demək deyil ki, bu hərəkətlərə ehtiyac yoxdur. Bu hərəkətlərsiz məşq etmək mümkündür, amma bu hərəkətlərlə məşq daha faydalıdır və peşəkarlar da bu şəkildə məşqin faydasının daha çox olduğunu qeyd edirlər. Həyat tərzimizdən asılı olaraq əzələlər passivləşə və elastikliyini itirə bilər. Bədənimizin əvvəlki kimi fəaliyyət göstərə bilmədiyi üçün məşq prosesi də bizim üçün çətinləşə bilər. Bunun üçün də məşq zamanı isinmə və soyuma hərəkətlərini etmək müsbət təsir edir.
5.Qidalanmaq
Ən əsas məsələlərdən biri isə qidalanmağımızdır.Qidalanma rejimi ilə bağlı bir çox məsələlər var ki, bizi narahat edir. Belə məsələlərdən biri də qidanın miqdarıdır. Bir çoxumuz gündə 1 dəfə yemək yeməyə çalışırıq. Bu səhv hesab edilir. Beləki gündəlik olaraq qidalanma sayımızı yox, qidanın miqdarını azaltmalıyıq. Bəzən doymadığımızı qeyd edib yenə yeyirik sonra isə çox yediyimizi anlayırıq. Bu nəticə ilə qarşılaşmağımızın bəzi səbəbləri vardır. Beləki, biz tez-tez yediyimiz üçün doymaq hissinin siqnalı beynimizə gec çatır və bu səbəbə görə də siqnal beynimizə çatmamış biz doyduğumuzu anlamırıq. Buna görə də asta qidalanmaq ən düzgün üsuldur. Həmçinin biz qidalanma zamanı qazlı sulardan istifadə edirik və bunun nəticəsində mədəmiz genişlənir və daha çox qida qəbul edə bilir. Qidalanmağımızı rejimə saldığımız zaman müsbət nəticə ilə daha tez qarşılaşacağıq.
Məşq zamanı beynmizi qarışdıran suallardan qurtulmaq üçün peşəkarlarla məsləhətləşmək, onlardan məlumat almaq çox əhəmiyyətlidir, amma bunu edə bilmirsinizsə internetdən sizə lazım olan məlumatları əldə edə bilərsiniz və düşünürəm ki, qeyd etdiyim məlumatlar sizə müəyyən qədər fikirlərinizin aydınlaşmasına kömək etmişdir.