Zumbanın 8 faydası

Zamanla idman zallarında özünə yer qazandırmağı bacarıb, insanları rəqsə təşviq etməyi bacaran zumbanın faydaları nələrdir?

Zumba faydalı və əyləncəli olduğu üçün dünyada 15 milyon insanı ətrafında birləşdirməyi bacarıb və gün keçdikcə bu say artmağa davam edir.

Zumba çoxu Latın olmaqla (merengue, salsa, baciata, flamenko,sambo və s.),  bir çox rəqs fiqurunu özündə birləşdirən fitnesin bir növüdür.

Cins, yaş, çəki fərqi olmadan hər kəsin tətbiq edə biləcəyi zumba Kolumbiya əsilli olsa da, hazırda bir çox ölkədə tələbə və modaya uyğun fəaliyyət halına gəlib. Əslində isə zumba uşaqlıq dövrü obezetesinə qarşı mübarizə aparmaq üçün  alət kimi istifadə edilir.

Zumbayla sıx məşğul olmağın 8 faydası. Zumba həm fiziki, həm də psixoloji mənada faydalıdır. Bununla bərabər, zumbaya başlayanda heç bir problemlə qarşılaşmayacaqsınız, çünki ritminizə və səviyyənizə uyğun olaraq mərhələli şəkildə irəliləyəcəksiniz.

Zumbanın ürək-damar sisteminə faydası. Zumba rəqs məşqləri ürək-damar sisteminizə faydalı olacaq bir çox hərəkətlə zəngindir. Zumba ilə məşğul olmaq  tromb, ürək ritm pozğunluğu və bir çox ürək-damar xəstəliklərinin qarşısını alır.

Zumba arıqlamağa kömək edir. Zumbanın sıx-sıx təkrarı sürətli bir şəkildə çəki itirməyinizə kömək edəcək. Yaxşı zumba rejimi ilə hər rəqs seansında 700 kalori yandırmaq mümkündür. Bunun üçün hər seansda səviyyə artırmaq vacibdir.

Bədənə elastiklik qazandırır. Zumbada mövcud olan fərqli ritmlər nəticəsində əzələlələrinizin çoxu işlək olacaq. Oynaqlarınız öyrəşmədiyi hərəkətlərə və dartınmalara öyrəşir, beləliklə, daha elastik bədənə sahib olursuz.

Müqavimətinizi artırır. Başlanğıcda hərəkətlərin çoxluğu və fasiləsizliyi sizə çətin gələ bilər. Amma adaptasiya olduqca müqavimətiniz artacaq və daha yaxşı nəticələr əldə edə biləcəksiniz.

Stressə qarşı mübarizə aparır. Temp dəyişikliyi və aerobik hərəkətlər stressi azaldır.  Bunun səbəbi yaxşı əhval ruhiyyə təmin edən hormonun ifrazıdır. Beləliklə, bu da rahatlamağınıza və ruhsal sağlamlığınızın yaxşılaşmasına kömək edir.

Koordinasiya qabiliyyətinizi gücləndirir. Müxtəlif xoreoqrafiyalar öyrənib praktikanızı artırdıqda, hərəkətləri koordinasiya etmək qabiliyyətiniz mükəmməlləşir. Artıq öz zumba rejiminizi və rəqs hərəkətlərinizi planlaya bilirsiniz.

Görünüşünüzü yaxşılaşdırır.  Fərqli rəqs addımları vücudunuza hərəkətlilik qazandıracaq. Bunlara əlavə olaraq, əzələlərinizi də formaya düşür. Bu səbəblə omba, qarın, qol və ayaqların gücləndirib formaya salmaq üçün zumba ideal vasitədir.

Ruh halınızı sağlam edir. Zumba ilə məşğul olanda beynimiz endofrin ifraz etməyə başlayır. Bu da özümüz xoşbəxt hiss etməyimizə və daha yaxşı əhval sahibi olmağımıza kömək edir.  Buna görə də depressiyada olanlar üçün zumba əla məsləhətdir.

 Zumba növləri. Zumba fərqli və çox əyləncəli fəaliyyətdir. Fərqli zumba növləri içində aşağıdakılar mövcuddur: zumba fitnes, aqua zumba, gold, saturn, zumba in the circuit, zumbatomik və s.

Zumba psixoloji və fiziki fəaliyyəti yaxşılaşdırır, stressi azaldır, əhvalı qaldırır, ürək-damar sistemini gücləndirir, özünə inamı artırır, depressiyanı aradan qaldırır, sosial aktivliyi artırır. Bu səbəblə, neçə yaşınızda olmağınızdan asılı olmayaraq, zumbadan çəkinməyin və sağlamlığınızın qeydinə qalın.