![Qarabağ, səndən ötrü qan tökməyə cümlə qadiriz!](https://esport.az/uploads/posts/qarabag-senden-otru-qaz-tokmeye-cumle-qadiriz.jpeg)
Qarabağ, səndən ötrü qan tökməyə cümlə qadiriz!
Vətən birdir, vətən bölünməzdir. Hər daşı, hər torpağı müqəddəsdir. Buna görədir ki, Qarabağ uğrunda bu qədər mübarizə aparırıq. Qarabağ bizimdir, bizim də olacaq. Hər qarışı Azərbaycana məxsusdur, Azərbaycan tarixinin ayrılmaz hissəsidir. Hər nə qədər işğalçı qüvvələr onu öz adlarına yazmaq istəsələr də, heç kim tarixi dəyişə bilməz.
Azərbaycan əsgəri öz qanı ilə Qarabağ tarixini yazır. Təkcə 1991-1994-cü illərdə 11 557 Azərbaycan hərbiçisi şəhid olub. Bu siyahıya kütləvi şəkildə qətlə yetirilmiş mülki şəxslərin adları daxil deyil. Ümumilikdə isə birinci Qarabağ müharibəsi dövründə 20 000-dən çox şəhid vermişik.
Lakin işğalçılar bizim olanı öz haqları varmış kimi qaytarmaq istəmirlər. 2020-ci ilin 27 sentyabrında hərbi əməliyyatlar yenidən başladı. Nəhayət, bu əməliyyatlar nəticəsində Cəbrayıl şəhəri, Murov dağ zirvəsi, Hadrut qəsəbəsi və 34 kənd işğaldan azad edildi.
2020-ci ilin 10 oktyabrında humanitar atəşkəs imzalansa da, işğalçı qüvvələr həmişə olduğu kimi, yenə sazişə sadiq qalmadılar. Cəbhə bölgəsində qalib gələ bilməyən işğalçılar, Gəncəni raket atəşinə tutdular. Gəncəyə düşən raket zərbələrindən 9 nəfər mülki şəxs həlak olub və 40-da çoxu isə yaralanıb.
Bu bir daha sübut edir ki, Ermənistan tərəfi nə müharibə apara bilir, nə də atəşkəs haqqında anlayışı var. Tarixini başqalarından oğurladıqları ilə yazan bir millətə sadəcə deyəcəyimiz budur ki, biz; Azərbaycan xalqı tarixi minilliklərə dayanan bir xalqıq. Və bir dövlətin ki, himnində “Səndən ötrü can verməyə cümlə hazırız, Səndən ötrü qan tökməyə cümlə qadiriz!” deyilir, heç kim o xalqla, millətlə torpaq davası edə bilməz! Son damla qanımıza qədər, son nəfəsimizə qədər mübarizə aparıb, günahsız yerə qətlə yetirilən, öldürən həmvətənlərimizin, şəhidlərimizin qisasını alıb, QARABAĞA 3 rəngli, şanlı bayrağımızı asacağıq.