TRX məşqinə başlamaq üçün səbəblər

Əvvəllər heç vaxt TRX məşqləri etməmisizsə, indi başlamağın əsl vaxtıdır. Məşqlər sadə olsa da, adamı çətinliyə salır. Bu məşqə başlamaq üçün heç bir səbəb görmürsüzsə, biz sizin üçün bir neçəsini sadalayaq.

Hədsiz məşq imkanı

TRX məşqlərinin ən vacib tərəflərindən biri də bir avadanlıqla fərqli məşqləri edə bilməyinizdir. Həmçinin, bu məşqdə bir əzələ qrupunu izolyasiya edərək məşq etmək və bütün bədəni məşq etdirən hərəkətlər arasında keçid eləmək asandır.

Funksional güc inkişafı

Funksional güc, günlük fəaliyyətlər üçün vacibdir. Bu, TRX məşqində çox fərqli formalarla hərəkət etmə qabiliyyəti ilə mümkün olur.

Etibarlı və effektlidir

Bu məşqlər istənilən fiziki vəziyyətdəki insanlar üçün etibarlı və effektlidir. Məşqin çox yönlülüyünün bu xüsusiyyətlərinə qatqısı olur.

TRX məşqləri həm güc, həm də aerobik məşqləri arasında edilə bilər. Məşqin çox çeşidli olması onu istənilən idmançı üçün ideal edir.

Zorlayıcı məşqdir

TRX məşqi, bütün əzələlərinizi test edərək, ağırlıq mərkəzinizi asanlıqla dəyişdirməyinizi təmin edər. Funksional hərəkətlər və dinamik quruluşlarla gücü inkişaf etdirir. Beləliklə, insan bədənindəki demək olar bütün əzələləri işlədir.

Elədiyiniz TRX məşqi sizə çox çətin, yaxud çox asan gəlirsə, hərəkət etdiyiniz bucağı dəyişdirərək yükü dərhal dəyişdirə bilərsiniz.

Özünüzlə istədiyiniz yerə apara bilərsiniz

TRX məşqinin ən böyük üstünlüklərindən biri də bu avadanlığı özünüzlə istədiyiniz yerə rahatlıqla apara bilərsiniz. Bu məşqi demək olar istədiyiniz hər yerdə edə bilərsiniz.

Bir qapının, bir divarın olduğu istənilən yerdə bu məşqi edə bilərsiniz. Vacib olan bantları asa biləcəyiniz bir yerin olmasıdır, çox geniş əraziyə ehtiyacınız yoxdur.

TRX məşqi olduqca faydalı və çox yönlüdür. Bacardığımız qədər məlumat verməyə çalışdıq. Bəs siz məşqə başlamaq üçün nəyi gözləyirsiniz?