Hər gün 5 dəqiqə ip atlamanın faydaları

İp atlama sadəcə uşaqların oynadığı bir oyun və ya professional boksçuların  etdiyi bir məşq növü deyil. İp atlamanın faydalarından hər kəs yararlana bilər. Gündə sadəcə 5 dəqiqənizi ayıraraq mükəmməl nəticələr əldə edə bilərsiniz.

İp atlamaq üçün bahalı alətlərə, yaxud idman zalına getməyə ehtiyacınız yoxdur. İpiniz varsa, istənilən yerdə ip atlaya və faydalarını görə bilərsiniz. İpiniz yoxdursa, elə indi birini seçmək üçün aşağıdakı keçiddən istifadə edə bilərsiniz:

https://esport.az/shop/category/atlanma-ipleri

Çəki itirməyinizə kömək edir. İp atlamaq ən yaxşı və tam aerobika və ya kardio məşqidir. Həmçinin, bununla bir rejimi (crossfit və ya boks) tamamlamaq üçün deyil,  gündəlik məşq növü kimi məşğul ola bilərsiniz.

Gündəlik sadəcə 5 dəqiqə ip atlayaraq kifayət qədər kalori yandıra bilərsiniz. Bu təbii ki, orqanizmdən  də asılıdır. Lakin ümumilikdə 60 saniyəlik enerjili ip atlamadan sonra 13 kalori yandırmış oluruq. Başqa məşq növləri ilə qarşılaşdırıldığında, ip atlama velosiped sürmə, zumba, yerimək və sıx aerobikadan daha effektlidir.

Dözümlülüyü artırır. Atlanma zamanı ürək-damar sisteminiz inanılmaz dərəcədə güclənir. Həm ürək, həm də ağciyərlər üçün faydalı məşq növüdür. Və zaman keçdikcə bədəninizin aerobik vəziyyəti yaxşılaşır.

İp atladığınız vaxt qandakı oksigen səviyyəsi yüksəlir və təkcə digər idman növlərində deyil, pilləkən çıxanda, ev işləri görəndə daha az yorulursunuz. Qan təzyiqi probleminiz varsa, ip atlama sizin üçün də faydalıdır.

Əzələləri gücləndirir.  Atlanma zamanı əsas işi ayaqlar görsə də, eyni vaxtda bir çox əzələniz sinxron şəkildə fəaliyyətdə olur, bunlar; qollar, sinə, qarın və hətta, alt bel əzələləridir. Bir neçə həftəyə sıx və əzələli bədənə sahib olacaqsınız.

Stressi azaldır. Ümumilikdə bütün aerobik məşqlər insanı stressdən uzaqlaşdırır. İşdə ağır bir gün keçirmisizsə, evə gələn kimi 5 dəqiqəlik ip atlama bütün stress və yorğunluğunuzu aparacaq. İnanılmaz görünsə də, tərlədikcə bədəndəki stress azalır və yerini xoşbəxtlik hormonu endofrinə verir.

 Koordinasiya və tarazlığı gücləndirir. Hər nə qədər ip atlama uşaqların oynadığı əyləncəli bir oyun kimi görünsə də, əslində ip atladığınız vaxt ayaq və qollar vəhdətdə olmalı və bərabər hərəkət etməlidirlər.  

İp atlamağı yaxşı bacarmırsızsa, bir müddətdən sonra davamlı atladıqda artıq çətinlik çəkməyəcəksiniz və hətta, tempiniz getdikcə sürətlənəcək. Bir müddət sonra isə fərqli ip atlama texnikaları (tək ayaq, qayçı kimi) ilə məşqinizi inkişaf etdirə bilərsiniz. Heç vaxt ip atlamamıszsa, ilk set üçün 25 dəfə atlamağınız məsləhətdir. Professionallaşdıqca bu rəqəmi 100-ə qədər çıxara bilərsiniz.