Cütlüklərin edə biləcəyi məşqlər

Sevdiklərinizlə fiziki aktivlik, formada qalmaq və münasibətinizi nəzərdən keçirməyin ən yaxşı yollarından biridir. Sizinlə məşq edən birinin olması həm sizi motivasiya edəcək, həm də etdiyiniz hansısa hərəkət səhvini sizdən əvvəl görüb, düzəltməyinizə kömək edəcək. Bunlardan əlavə yaxşı və əyləncəli vaxt keçirməyiniz də mümkün olacaq. Amma hələ də hansı məşqləri birlikdə edə biləcəyinizə bilmirsinizsə, sizin üçün bir neçə nümunəmiz var.

Boks

Boks, məşq etməyiniz, stressi azaltmağınız, əzələ gücünü artırmağınız və müqavimətinizi inkişaf etdirmək üçün yaxşı yoldur. Boks cütlüklər arasında yaxşı atmosfer yaradır, məşq zamanı bütün neqativ enerjiləri tərlə atacağınıza görə məşqdən sonra daha yaxşı vaxt keçirməyinizə zəmin hazırlayır.

Qolf

 Qolf, hər yaşdan və profildən olan cütlükləri bir yerə gətirə bilən əla idman növlərindən biridir. Aktiv fiziki həyatınız yoxdursa, yaxud hər hansı məşq üçün özünüzü yaşlı hiss edirsinizsə, qolf əsl sizlikdir. Aşağı effektli və aşağı yoğunluqlu idman olduğu üçün qolf oynayarkən söhbət etməyə kifayət qədər vaxtınız olacaq. Lakin hər idmanda olduğu kimi qolfda da yaralanma riskinin olduğunu unutmayın və hər oyundan əvvəl açma gərmə hərəkətlərini etdiyinizdən əmin olun.

Velosiped sürmək

Cütlük halında zövq alacağınız bir digər idman növü də velosiped sürməkdir. Şəhərdə və ya dağlıq rayonlarda gəzintiyə çıxırsınızsa, velosipedlə bu əyləncənizə rəng qata bilərsiniz. Eynilə qaçmaq və gəzməkdə olduğu kimi, velosiped sürmək də partnyorunuzla olan əlaqələrinizi gücləndirir və daim dialoqda olmağınızı təmin edir.

Raketka ilə oynanılan oyunlar

 Raketka ilə olan istənilən idman növü (tennis, badminton, squash) tək olmamağınızı tələb edir. Mütləq şəkildə bir partnyora ehtiyacınız var. Elə isə bu niyə ən sevdiyiniz biri olmasın? 

Fiziki aktiv həyata yeni addım atmış cütlüklər üçün masa tennisi və badminton daha çox uyğun olacaq.

Yazımızı yekunlaşdırmazdan əvvəl qeyd edək ki, bir fəaliyyəti, hobbini bölüşmək münasibətinizi bir sonrakı mərhələyə aparmağa kömək edir. İdman bir birinizə inanmağı və güvənməyi öyrədir. Bəs siz necə partnyorunuzla məşq planı qurmağa hazırsınız?