![Nəfəsə almağın 4 qaydası](https://esport.az/uploads/posts/nefese-almagin-4-qaydasi.jpeg)
Nəfəsə almağın 4 qaydası
Nəfəs almaq bədənimizin bir neçə avtomatik hərəkətindən biridir. Göz qırpmaqda olduğu kimi, bu da şüurlu şəkildə idarə edə biləcəyimiz reaksiyadır. Həmçinin ruh halımızı, sağlamlığımızı müəyyən edən göstəricilərdəndir.
Nəfəs alma texnikası.
Yeni doğulan körpələrin nəfəs alma formaları (müəyyən xəstəlikləri olanlar xaric), bu prosesin necə tətbiq edilməsi ilə bağlı mükəmməl örnəkdir. Tamamilə avtomatik şəkildə körpələr, hər dəfə nəfəsə ehtiyac duyduqda bütün oksigeni düzgün ritm və tezliklə alırlar.
Erkən körpəlik dövrü yerini fərqli mərhələlərlə əvəz etdikdə, nəfəs alma ilə bağlı pis vərdişlər meydana çıxmağa başlayır.
Əsnəmə və iç çəkmə. QIRMIZI SİQNAL
Beyin fəaliyyətini ən yaxşı şəkildə təmin edə bilmək üçün, qəbul edilən oksigenin 20 %-nə ehtiyac duyur. Kifayət qədər hava almayanda beyin, lazım olduğu kimi işləməz.
Yoqa nəfəs alıb verməyi inkişaf etdirmək üçün təsirli metodlardan biridir. Əsnəmək və ya iç çəkmək, bədənin nəfəs almadakı meydana çıxan hər hansısa problemi düzəltmək metodudur. Bunlar O2 səviyyəsinin keçici olaraq artıra bilən və beynimizin işlək vəziyyətdə qala bilməsini təmin edən qeyri iradi reaksiyalardır. Bununla bərabər, keçici olaraq rahatlama təmin edirlər.
- Addım. Nəfəs almağınızın fərqində olun.
Bu prosesi optimallaşdırmaq üçün, hər hansı məşqə başlamazdan əvvəl, bir neçə dəqiqənizi necə nəfəs aldığınıza diqqət etməyə ayırın.
Bunu görməyin ən yaxşı yolu budur; kürəyi üstə uzanın, kürəyiniz düz olacaq şəkildə oturun və ya ayaqda dayanın, bir əlinizi sinənizə qoyun. Digər əlinizi diafraqmanızın və ya qarnınızın üst qisminə yerləşdirin.
Özünüzü çətinə salmadan, nəfəs alarkən, mümkün olduğu qədər təbii nəfəs alsanız, sadəcə sinənizdəki əl hərəkət etsə, bu bir problem olduğu mənasını verir. Ağciyərlərinizin altına yerləşdirdiyiniz əl birinci qalxmalıdır. İdeal olaraq, hər iki əl hərəkət etməlidir, birinci altdakı sıra ilə sonra üstdəki.
Nəfəs almağın 4 yolu.
- Səthi.
Bu, yüksək nəfəs alma olaraq da adlanır. Səthi nəfəsalmada, alınan nəfəs ağciyərin ən üst qisminin kənarına çatmır. Qan və beyin daha az oksigen aldığından, bütün toxumalar təhlükədə olur.
Yuxarıda göstərilən əks təsirlərə baxmayaraq, bu nəfəs almanın faydaları da var. Bu nəfəs alma formasında bədən çox sürətli oksigen aldığı üçün, yüksək sıxlıqlı məşqlərin qısa araları əsnasında faydalıdır.
- Dərin və ya abdominal.
Dərin nəfəsalmada diafraqma fəaliyyətə daxil olur. Burnunuzdan yavaşca nəfəs almalı və bütün nəfəsinizi qarnınıza doğru yönləndirməlisiz. Havanı xaric etmə prosesinə, daxil etdiyiniz zaman sərf etdiyiniz qədər vaxt ayırmalısınız.
Dərin nəfəslər rahatlamanı və konsentrasiyanı güclü bir şəkildə asanlaşdırır. Əlavə olaraq, stress və qayğını azaltmağa kömək edir. Təkrarlarla birlikdə bu texnika daha avtomatik hala gələcək.
- Sinə
Buradakı məqsəd nəfəsinizi döş qəfəsinin mərkəz bölgəsinə və ağciyərlərin kənarlarına doğru yönəltməkdir. Məşq əsnasında, mümkün olduğu qədər yavaş və diqqətli şəkildə nəfəs alın və verin. Bu şəkildə nəfəs almağın ən vacib əhəmiyyəti döş qəfəsinizi genişləndirib, ağciyərinizin potensialını artırmaqdır.
- Geniş
Adından da məlum olduğu kimi, ağciyər maksimum potensiala çatanda geniş nəfəs alır. Bu tətbiq edildiyində anında rahatlama və yüksək konsentrasiya halı hiss edəcəksiniz. Eyni şəkildə ürək döyüntünüzün sürəti və qan təzyiqiniz də düşəcək.
Dərin nəfəs almağın əksinə, geniş nəfəs almanın avtomatikləşməsi demək olar imkansızdır. Geniş nəfəs almağın daxil olduğu məşqlərə başlamaq da çətindir. Məqsəd ağciyər potensialını maksimum həddə çatdırmaqdır, bu da başlanğıcda çətin ola bilər.
Son olaraq, onu qeyd edək ki, idmançılar üçün düzgün nəfəs almaq, hidrasiya və davamlı pəhriz kimi vacibdir. Düzgün nəfəs alınmazsa, bədən özünü yaralanmalardan müdafiə etmək üçün hazırlıqsız olar.