HIIT növləri və faydaları

Son dövrlərdə insanlar həyat templəri səbəbi ilə məşqlərə çox vaxt ayıra bilmirlər. Bunun üçün maksimum effektli və qısa məşqlərə üstünlük verirlər. Belə məşq proqramlarına HIIT adı verilir. Bu yazımızda HIIT növlərindən  faydalarından bəhs edəcəyik.

HIIT, bir neçə faktor səbəbi ilə vacib və yayğın məşq proqramına çevrilmişdir. Bu faktorlardan biri, bəlkə də birincisi, qısa zaman aralığında çox effektli ola bilməsidir.

HIIT,  fasilələrlə maksimum yoğunluqla edilən qısa məşqlər toplusundan ibarətdir.

Faydaları:

Sağlam məşq növüdür; məsələn, qaydalı və düzgün edildiyi müddətdə, diabet və ürək problemi yaşayan insanlar üçün faydalıdır.

Son araşdırmalar, HIIT məşqlərinin əsasən qarın əzələlərindəki yağı yandırdığını və maksimum oksigen qəbulunu təmin etdiyini təsdiqləyir.

Məşq bitdikdən sonra da bədən yağ yandırmağa davam edir.

Əlavə olaraq, davamlı məşqlərdən daha faydalıdır. Çünki yağ yandırma və oksigen səviyyəsinin artımı üçün ideal vasitədir.

HIIT 4 fərqli növdən ibarətdir:

Crossfit: bu son dövrlərdə məşhurlaşan məşq növlərindəndir. Funksional məşq, kardio və bədən ağırlığı ilə edilən məşqlərin kombinasiyasından ibarətdir.

Crossfit-in ən faydalı özəlliyi çox yönlü məşq növü olmasıdır. Hər məşq seansı bir əvvəlkinin təkrarı yox, fərqli hərəkətlərin birləşməsindən ibarət olur. Bu da bədəninizin sərhədləri xaricinə çıxa bilmək imkanı yaradır.

Təbii ki, digər məşq növlərində olduğu kimi, düzgün edilməzsə, risk faktoru qaçılmazdı. Bu metodda düzgün texnikadan istifadə edilməzsə, istifadə edəcəyiniz ağırlıqlar ciddi şəkildə yaralanmağınıza səbəb olacaq.

Tabata. Fitness dünyasında böyük sensasiyaya səbəb olan HIIT növlərindən bir də tabatadır. Maksimum yoğunluqla edilən 20 saniyəlik 8 məşqdən ibarət olur. İstirahət müddəti 10 saniyədir.

Tabata məşqlərinin əsas faydaları kalori yandırması və metabolik sürəti artırmasıdır. Kilid nöqtəsi isə istirahət aralıqlarıdır. Dincəlmə müddətiniz məşq müddətinizdən az olduğu üçün bədən daha çox güc və enerji tələb edir. Bu da kalori yandırmağı artırır.

Yeddi dəqiqəlik məşq. 7 dəqiqəlik məşq şəxsin yüksək performans göstəricisinə kömək edən və yorğunluğun qarşısını alan aerobik məşqlər toplusudur.

Bu məşq növünün ən gözə çarpan özəlliyi heç bir avadanlıq tələb etmədən istənilən yerdə reallaşdıra bilməsidir.

Bu məşq idman etmək üçün çox az vaxtları olan insanlar üçün formalaşdırılmışdır. 7 dəqiqəlik məşq adından da göründüyü kimi, aerobik və müqavimət hərəkətlərindən ibarətdir.

Hər seans 30 saniyəlik məşqlərdən 10 saniyəlik istirahət müddətindən ibarət 12 turdan ibarətdir. Bu seanslar şəxsə görə 2 3 təkrardan ibarət ola bilər.

Əsas hərəkətlər əsasən tullanma, qarın məşqləri və mountain climber olur.

P90X məşqi. Evdə də asanlıqla edə biləcəyiniz bu HIIT növü əsas olaraq güc və əzələ müqavimətini artırmaq üçün faydalıdır.

Əsas özəlliyi gündəlik 60 və ya 90 dəqiqə davam edən hər gün bir dəfə edilən 7 ədəd həftəlik seansdan ibarətdir. Adından da anlaşılacağı kimi istədiyiniz nəticəni əldə etmək üçün bu məşqi 90 gün fasiləsiz davam etdirməlisiniz.

7 dəqiqəlik məşqlərdə olduğu kimi, heç bir avadanlığa ehtiyac duyulmur. Hər məşq seansı bədənin fərqli bölgələrini fokuslanır.

Bu metod bütün şəxslər üçün uyğun deyildir. Əsasən daha yüksək fiziki göstəriciyə sahib insanlar üçün məsləhətlidir. Hər gün mərhələ-mərhələ inkişaf edir və bütün məşqlər zəncirvarı hal alır.

HIIT məşqləri ilə evdən çıxmadan da rahatlıq məşğul ola bilərsiniz. Lakin məşq etmək barəsində hər hansı təcrübə sahibi deyilsinizsə, yaralanma riskini aradan qaldırmaq üçün mütləq peşəkarla işləyin.