Əzələ inkişafı üçün vacib qidalar

Sabit məşq rejimi və düzgün qidalanma arıqlamaq üçün lazım olan hər şeydir. Bununla bərabər, əzələ kütlənizi 2 qat artırmaq istəyirsizsə, qida rasionunuza daxil etməli olduğunuz qidalar var.

Bunun səbəbi, bütün qidaların əzələ inkişafını təmin edən xüsusiyyətlərə sahib olmamasıdır. Buna görə də, gündəlik menyunuza bu qidaları əlavə etməlisiz.

Beləliklə, əzələ inkişafı üçün lazım olan vitamin və mineralları ala, həmçinin, daha az kalori qəbul edərək çəki artımının qarşısını ala bilərsiniz.

Bəhs etdiyimiz qidaların içində bunlar var:

Yumurta.

Yumurta yüksək proteinlə zəngin olmaqla bərabər, hər porsiyada 80-dən az kaloriyə, yağ turşularına, antioksidanlara, zeaxanthin-ə sahibdir.

Bu xüsusiyyətlər yumurtanı, sürətli şəkildə əzələ inkişaf etdirmək istəyənlər üçün, vacib qidaya çevirir.

Qızılbalıq.

Yumurta kimi, qızılbalıq da, stabil məşq edənlər üçün, əla protein qaynağıdır. Hər 100 qramda 22 qram protein var.

Həmçinin, məşq əsnasında əzələ inkişafı ilə bağlı olan protein parçalanmasını, tərkibindəki yağ turşularının sayəsində əhəmiyyətli dərəcədə azaldır.

Əlavə olaraq, əzələ sağalmasını təmin edir, ürək-damar sistemini gücləndirir, xolesterin səviyyəsini aşağı salır.

    Qəhvə.

Hər nə qədər protein tərkibi olmasa da, idmançılar üçün mükəmməl enerji mənbəyidir. Ənənəvi şəkildə, kofeini yuxusuzluq və ürək ritm pozğunluğu xəstəliklərinə səbəb göstərsələr də, son illərdə aparılan araşdırmalar, onun bir çox faydasını sübut etmişdir.

Həmçinin, idmandan əvvəl bir fincan qəhvə, məşqlər arasındakı fasilələrdə daha tez özünüzə gəlməyinizə kömək edəcək. Xüsusilə, kardio məşqləri əsnasında gücünüzü qoruyub məşqə davam edə bilməyiniz üçün əla seçimdir.

 Yağsız ət.

Bu tip ətlər həzm prosesində kalori yandırmağınıza kömək edən proteinlərlə zəngindir. Yağsız ətlər; toyuq, hinduşka, dana və dovşan ətidir.

Bu ətlər əzələ inkişafını dəstəkləyən proteinlərlə zəngin olmaqla  bərabər, dəmir,  sink və keratinlə zəngindir.

Qatıq.

Təbii qatıqlar yüksək miqdarda protein, karbohidrat, kalsium, laktik turşusu və liflə zəngindir.

Bunlar həzm sistemini qorumaqla yanaşı, insulin səviyyəsini normallaşdırır və əzələ inkişafını dəstəkləyir. Qatıq, həmçinin, sümükləri gücləndirir və sümük əriməsi kimi xəstəliklərin qarşısını alır.

Quru meyvələr.

Əzələ inkişaf etdirən qidalar içində quru meyvələr də var. E vitamini ilə zəngin olmaqla bərabər aşağıdakı faydaları da var:

• Vitamin və mineralların mənimsənilməsinə kömək edirlər
• Yüksək miqdarda protein və antioksidan tərkiblidirlər
•  Məşq əsnasında əzələ problemlərinin qarşısını alırlar

Zeytun yağı.

Zeytun yağını qida rasionunuza daxil etsəniz, tərkibindəki mono doymamış yağlar, əzələ parçalanmasının qarşısını alıb inkişafını təmin edəcək.

İspanaq.

Bu qida amin turşusudur. Yeyən insanlarda dözümlülüyü və əzələ inkişafını gücləndirir.

Sadaladığımız qidaları rasionunuza daxil etsəniz, əzələ inkişafınızdakı fərqi nəzərə çarpacaq dərəcədə hiss edəcəksiniz.