Trambolinin faydaları

Uşaqlıqdan bu günə kimi trambolinin faydalarından xəbərsiz halda, onu təkcə, əyləncə üçün istifadə etmişik. Hazırda isə trambolində tullanmaq məşq kimi, idman zallarında məşhurlaşıb. Bəs trambolində tullanmağın nə kimi faydaları var?

Tullanan zaman nə baş verir? Tullanmaq arıqlamaq və kalori yandırmaq üçün istifadə edilən kardio məşqidir. 10 dəqiqə tullanmaq yarım saat qaçmağa bərabərdir. Və 300 kalori yandırmağınıza kömək edir.

Trambolinin faydaları. Yuxarıda da qeyd etdiyimiz kimi, trambolin kalori yandırmaqda digər kardio məşqlərindən daha faydalı və effektlidir.  

Trambolində tullanmaq oksigen hərəkətini yaxşılaşdırır. Tullandığınız vaxt bütün bədəniniz hərəkətdə olur, beləliklə, oksigen bütün orqanizmə daha tez yayılır.

Tullanmaq qan dövranını və axışını normallaşdırır. Tullananda havada (boşluqda) olduğunuz vaxt, bədən öz kütləsini itirir və bədəndəki maye orqanlara yenidən paylaşdırırlır.

Qlükoza səviyyəsini azaldır. Trambolin, diabetli xəstələr və qlükoza səviyyəsi anidən qalxan insanlar üçün idealdır. Ürək ritmini sürətləndirən və yüksək miqdarda kalori yandıran, təkrarlanan hərəkətlərdən ibarət məşq rejiminiz olduqda bədən şəkəri enerji mənbəyi kimi, istifadə edib bədəndən ata bilir.

Əzələlərə forma verməyə kömək edir. Əzələlərə müəyyən forma vermək üçün ağırlıq məşqləri lazımdır. Bu qayda hələ də  qüvvədə olsa da, tullanma hərəkətləri ayaq əzələlərinə forma vermək üçün yaxşı vasitədir.

Metabolizmi sürətləndirir. Tullandıqca sərf etdiyiniz enerji kalori yandırmaqla, qan dövranı sürətləndirməklə metabolizmi aktivləşdirir və çəki itirməyinizə kömək edir.

Bütün bu sadalananlarla yanaşı, tullanmaq əhval ruhiyyəni qaldırır, stressi azaldır, depressiyadan uzaqlaşdırır.  

Tullanmaq, qaçmaqdan 3 qat daha çox effektli olmaqla bərabər, oynaqlara heç bir mənfi təsiri yoxdur. Diz və ombasında problemi olan insanlar qaçanda yaralana bilərlər, buna görə, tullanmaq belə insanlar üçün yaxşı alternativdir.

Bunlar trambolinin bədəniniz üçün olan faydalıdır. Həmçinin, satışda kiçik ölçülü trambolinlərin olduğunu unutmayın, onlardan bir dənə alıb, idman zalına getmədən də evdə məşq edə bilərsiniz. Bu yazılanlardan sonra trambolin almağa hazırsınız?