Arıqlamaq üçün sağlam pəhrizin faydaları

Artıq çəkinizdən xilas olmaq üçün sağlam bir pəhrizə başlamaq istəyirsinizsə, doğru ünvandasınız. Bu yazımızda ən qısa şəkildə qoyduğunuz hədəfə çatmaq üçün bir neçə ipucu verəcəyik.

1. Motivasiya. Arıqlamaq üçün pəhrizə başlayanda ehtiyacınız olan ilk şey motivasiyadır. Əslində insanlar pəhrizə başlayanda ilk bir neçə gün həvəsli olurlar. Sonra motivasiya azalır, ya tamam itir və insanlar pəhrizi dayandırır. Bu tip halları yaşamamaq üçün aşağıdakı məsləhətlərə əməl edə bilərsiniz:

• Həftənin bir gününü çəkinizi ölçmək üçün ayırın. Və irəliləyişinizi qeyd edin.
• Gündəlik qaçdığınız, yeridiyiniz məsafələri bir yerə yazın. Hər gün qaçdığınız ( yeridiyiniz) məsafənin artdığına şahid olduqca həvəsə gələcəksiz.

Kifayət qədər həvəsiniz yoxdursa, pəhrizə başlamayın. Bir neçə gündən sonra həvəsdən düşüb pəhrizi dayandıracaqsınız. Beləliklə, əməkləriniz də boşa getmiş olacaq. Yaxşı motivasiya qaynağı tapın və sağlam pəhrizə başlayın.

1. İdmana başlayın. Pəhrizə başlayanda əsasən qidalanma vərdişlərimizi dəyişmək başa düşülür. Daha sağlam qidalanmağa üstünlük veririk. Amma hədəfiniz çəki itirməkdisə, sağlam bir pəhrizin yanında mütləq idmana da başlamalısınız. Əvvəllər heç vaxt idman etməmisizsə, narahat olmayın. Başlanğıc üçün gündə 1 saat yeriyə bilərsiniz. Qısa məsafələri qaça bilərsiniz. Müqavimətiniz artdıqca, məsafələri uzada və daha çox nəticə görə bilərsiniz. Gündəlik fəlaliyyətinizdə də bədəninizi hərəkət etdirə bilərsiniz, məsələn, uşağı məktəbə aparın, işə piyada gedin, market alış-verişlərini siz edin. Bu kimi, gündəlik və bəsit görünən hallar da idman məşqi sayıla bilər və sağlam bir pəhrizlə dəstəklənəndə çəki itirməyinizə kömək edər.
2. Gündə 5 dəfə yemək yeyin. Əslində sağlam qidalanmanın təməl qaydası gündə 5 dəfə yeməkdir. Səhər, günorta və axşam yeməkləri təməl qidalanma ehtiyacıdır. Bu yeməklərin aralığında da nə isə qəbul edib, yemək iştahanızı idarə etməyə kömək edəcək. Özünüzü ac hiss etmədiyiniz üçün daha az yeyib çəki itirə biləcəksiniz.
3. Daha az yeyəndə aclıq hissini idarə edə bilmək. Sadəcə bəzi vərdişlərinizi dəyişdikcə aclıq hissinizi və iştahanızı idarə edə bilərsiniz.

• Günümüzdə kasada yemək dəb halına çevrilib. Lakin kasada yemək daha çox yemək və kökəlmək mənasını verir. Bunun yerinə desert boşqablarında yeyin. Yeməyinizi desert boşqabında yesəniz həm daha az yemək çəkməli olacaqsınız, həm nə qədər yesəz də boşqabınız dolu görünəcək. Bu da sizdə toxluq hissini daha tez yaradacaq.
•  Hər gün daha az yeməyə çalışın. Masada fərqli yeməklər olduqda, istər-istəməz hər birinin dadına baxmaq istəyirsiniz. Bu da əsasən qonaqlıqlarda başımıza gəlir. Gündəlik menyunuzda da fərqli bir neçə yemək bişirməyi sevirsinizsə, bu sayı azaldıb 1 maksimum 2-ə salmağınızı məsləhət bilirik.
• Axşam yeməyinizi yedikdən sonra market bazarlığına gedin. Ac qarnına bazarlıq üçün gedəndə, gördüyünüz hər şey sizə dadlı, yeməli gəlir. Və hamısını alıb dadına baxmaq istəyirsiz. Lakin tox mədəylə bazarlıq edəndə sadəcə təməl ehtiyaclarınızı alıb qayıda bilərsiniz.Yaxşı motivasiyanız varsa, çəki itirmək daha asan olacaq, həmçinin yuxarıda yazılanlara əməl etsəniz, hədəflərinizə çatmaq daha da asanlaşacaq.