Əlavə qida maddələri seçərkən nələrə diqqət etməliyik?

Hər birimiz fərqli fiziki görünüşə sahibik və hər birimizin çatmaq istədiyi hədəfləri var. Düzgün idman rejimi və sağlam pəhrizdən əlavə istədiyimiz bədən quruluşuna sahib olmaq üçün əlavə qida maddələri (protein, vitamin, mineral) də qəbul etməliyik. Bəs bu qida maddələrini seçərkən nələrə diqqət etməliyik?
Hazırda əlavə qida maddələrinin satışı ilə məşğul olan kifayət qədər marka və şirkətlər mövcuddur. Alıcı olaraq bizim öhdəmizə düşən isə bizə lazım və faydalı olacaq dəstək qida maddələrini seçə bilməkdir. Bunun üçün alacağınız məhsulun “tərkib” bölməsini diqqətlə oxuyun. İki, yaxud daha çox seçim arasında qalmısınızsa, tərkiblərini oxuyub, daha dəqiq qərar verməlisiniz. Bu bir az vaxtınızı ala bilər, lakin faydalı seçim üçün vacib faktordur.

Fərqli qiymət aralığında məhsullarla qarşılaşacaqsınız. Ucuz məhsul keyfiyyət baxımından aşağı məhsul deməkdir. Buna görə, əlavə qida maddəsi seçərkən bahalı məhsullar seçməlisiniz ki, bu da sizdən maliyyə tələb edir.

Arıqlamaq, kökəlmək, yaxud əzələ elastikliyinizi artırmaq üçün idman edirsinizsə, bu da qida maddəsi seçimində köməyinizə çatacaq. Çünki hər biri üçün ayrılmış fərqli məhsullar var. Belə olan halda sizin üçün ən uyğun variantı məşqçiniz, yaxud qidalanma mütəxəssisiniz deyəcək.

Protein qəbul edərkən diqqətli olun. Gündə 3 qramdan çox protein qəbulu zərərlidir və obezə yol açır.

Aldığınız qida maddələrinin içindəki birləşmələrə diqqət edin. Məsələn, keratinlə kofeinin qarışdırılması məsləhət deyil.

Məhsulun qanuni tərəflərini araşdırın. Bu məhsullar dərman deyil, lakin satışı və insan bədəninə heç bir zərəri olmaması baxımından qanuni təsdiq edilməlidir.

Nəticə etibarı ilə düzgün qidaları seçmək həmişə mümkün deyildir, lakin düzgün məhsulu seçmək üçün vaxt və əmək lazımdır. Bədənimizin 70 faizini yediklərimiz tamamlayır və buna əlavə qida maddələri də daxildir. Məhsullardan istifadə edərkən unutmaq lazım deyil ki, bir şeydən çox istifadə həmişə zərərlidir. Həmişə sağlam qalmağınız diləyi ilə!