![Yuxuda necə yağ yandırmaq olar?](https://esport.az/uploads/posts/yuxuda-nece-yag-yandirmaq-olar.jpeg)
Yuxuda necə yağ yandırmaq olar?
Fiziki vəziyyətindən asılı olmayaraq, hər kəs arıqlamaq istəyəndə daha rahat yol və metodlar axtarır. Hətta yuxuda yağ yandıran vasitələrə müraciət edirlər. Lakin bu vasitələrin heç bir möcüzəvi fəaliyyəti yoxdur və sadəcə, çox sıx bir məşq rejiminiz varsa, sadəcə onu dəstəkləyən bir vasitədən kənara çıxa bilmirlər. Hamını isə maraqlandıran suallardan biri də budur ki, “yatdığımız zaman yağ yandırmaq mümkündürmü?” Bu yazımızda bu sualı cavablandırmağa çalışacağıq.
Yuxuda yağ yandırıb – yandırmadığımızı anlamaq üçün, bədənimizin necə yağ itirdiyini bilməliyik. Yağ bədəndə depolanan uzun müddətli enerji maddəsidir. Yağı yandırmaq üçün enerji itirməliyik.
Ehtiyacımız olandan daha az miqdarda kalori qəbul etsək, bədən depoladığı yağa ehtiyac duyacaq və yağ yandırmağa başlayacaq. Buna görədir ki, pəhriz siyahılarının əsas qidaları aşağı kalori miqdarlı tərəvəzlərdir.
İndi isə bədənin yatanda yağ yandırmaq qabiliyyətindən bəhs edək. Burdakı əsas faktor bədənin bazal metabolizm sürətidir. Bazal metabolizm sürəti bədənin sadəcə həyatda qalmaq və istirahət üçün yandırdığı kalori miqdarıdır.
Yəni, bazal metabolizm sürəti nəfəs almaq, əzələləri qorumaq, həzm və ürəyin döyünməsin təmin etmək üçün sərf olunan enerjidir.
Hər bir insanın bazal metabolizm sürəti və hər bir toxumanın enerji sərfi fərqlidir. Məsələn, əzələli biri normal birindən daha çox bazal metabolizm sürətinə sahibdir. Çünki əzələ çox enerji tələb edən toxuma kütləsidir.
Bu yazılanları ümumiləşdirsək, bədən yuxuda olduğumuz müddətdə yağ yandırmağa davam edir. Lakin metabolizm zəiflədiyi üçün oyanıq halımızdan daha az enerji sərf edir. Bədən sadəcə həyatda qalmaq üçün bu enerjini sərf etməlidir. Bəs necə edə bilərik ki, yuxuda olduğumuz vaxt daha çox kalori itirək? Bir az da bundan bəhs edək.
Davam etməzdən əvvəl, xatırladaq ki, aktiv bir həyat tərziniz və uyğun bir qidalanma vərdişiniz yoxdursa, yağ yandırmağınız mümkün deyil.
Daha çox yatın. “Yatarkən metabolizm zəifləyir və enerji sərfi azalır” fikri ilə ziddiyyət təşkil etsə də, yaxşı bir yuxu rejimi bədəndəki hormonların düzgün bölüşdürülüb paylanmasına və orqanizmin işini yenidən qurmasına kömək edir. Bu hormonlar gün boyu bazal metabolizm sürətini artırmağa və yağ parçalamağa kömək edir.
Sıx məşq rejiminiz olsun. Crossfit və HİİT kimi proqramları birləşdirən məşq rejiminiz varsa, bədəninizin daha çox oksigenə ehtiyacı olur. Buna görə də, yuxuda bədənin oksigen balansını qorumaq üçün, yağ parçalanıb enerjiyə çevrilir və sizi lazımı oksigenlə təmin edir.
Termogen əlavələr istifadə edə bilərsiniz. Bu əlavələr bədənin temperaturunu qaldırmağa kömək edir. Lakin tərkibində yaşıl və qırmızı çay kimi kofein maddələri olan əlavələr yatmağa maneə ola bilər. Bunun üçün heç bir əks təsiri olmayan termogen əlavələr tapa bilərsiniz.