Faydalı və ucuz pəhriz üçün məsləhətlər
07-06-2020 886

Faydalı və ucuz pəhriz üçün məsləhətlər

Həm ucuz, həm də sağlam qidalanmaq mümkündür. İstər bazarda, istərsə də, marketdə formada və sağlam qalmağınıza kömək edəcək qidalar tapa bilərsiniz.

Əslində düşünülənin əksinə, pəhriz saxlamaq, sağlam qidalanmaq heç də, bahalı, yaxud çətin başa gələn proses deyil. Sadəcə qəbul etdiyimiz qidaların faydalarını və ya zərərlərini bilməklə, şəxsimizə uyğun pəhriz siyahısı hazırlaya bilərik. Bugünkü yazımızda da pəhriz siyahınızda faydalı ola biləcəyini düşündüyümüz qidalardan 4-nü sizinlə bölüşəcəyik.

Yaşıl çay: metabolizmi sürətləndirir, daha çox kalori yandırır, toxluq hissi yaradır. Həmçinin, günün istənilən saatında qəbul edə biləcəyiniz bir içkidir.

Yaşıl çayın bir başqa özəlliyi də sidik qovucu funksiyasının olmasıdır. Bu funksiya nəticəsində bədəninizdə yığılmış artıq mayedən xilas olacaq və şişlik hiss etməyəcəksiniz.

Qiyməti, əsasən, marka və məhsul keyfiyyətinə görə dəyişsə də, büdcə və istəyinizə uyğun yaşıl çayı, istənilən marketdən ala bilərsiniz. Ən faydalı və sərfəli pəhriz məhsullarından biridir. 

Alma: pəhriz siyahılarının əsas qidalarından biri də təbii ki meyvələrdir. Mövsümü olduğu müddətdə çox ucuz meyvələr tapa və qidalanmanıza daxil edə bilərsiniz. Biz bu yazımızda istənilən mövsümdə münasib qiymətə tapa biləcəyinizi düşündüyümüz meyvələrdən olduğu üçün, almanı əsas götürdük. Üstəlik, uzun müddət xarab olmadan qalan bir meyvədir.

Çəki itirmək istəyənlər üçün kifayət qədər faydalı qidadır, kalori tərkibi az və lif tərkibi çox olduğu üçün qəbizliyin qarşısını alır və həzm prosesini yaxşılaşdırır. Həmçinin, inanılmaz doydurucu effekti də var.

Qabaq: istənilən bazar və super marketdən tapıb ala bilərsiniz.  Həmçinin, demək olar, ilboyu satışda olur. Yuxarıda da qeyd etdiyimiz kimi, mövsümü olduğu müddətdə bütün meyvə və tərəvəzləri sərfəli qiymətə tapa bilərsiniz.

Qabağın əsas özəlliyi yüksək miqdarda lif və C vitamini tərkibinə sahib olmasıdır. (C vitamini immuniteti gücləndirməklə yanaşı, həmçinin,  selülitin qarşısını alır. Çəki itirərkən dərinizi sallanmağa qoymur və gərir. Bunun üçün də arıqlamaq istəyəndə C vitamini qəbuluna üstünlük verin.) Həmçinin, kalori tərkibinin də aşağı olması, rahatlıqla istifadənizə imkan yaradacaq.

Qabaqla hazırlaya biləcəyiniz yemək çeşidi çox olduğu üçün, onu rahatlıqla pəhriz siyahınıza əlavə edə bilərsiniz.

Pomidor; qış aylarında qiymətində artma müşahidə edilsə də, mövsümü olduğu aylarda büdcənizə uyğun qiymətə istənilən növünü satın ala bilərsiniz.

Pomidor bir çox özəlliyinə görə faydalı və pəhriz siyahılarında mütləq olmasını düşündüyümüz qidalardandır. Hazırladığınız istənilən yeməyin yanında pomidordan salat olduğu müddətdə, yediyiniz heç bir yemək sağlıqsız deyil.

Gördüyünüz kimi, sağlam qidalanmaq çox da zəhmət və büdcə tələb etmir. Sadəcə yediyiniz qidalarım tərkibindən xəbərdar olmaq kifayətdir.

Подпишитесь, чтобы получать информацию о скидках и акциях.

Агенты онлайн
Chat agent
Chat agent
Здравствуйте, чем мы можем вам помочь?