Power walking nədir?
30-10-2020 533

Power walking nədir?

Bəzi insanlar yeriməyi məşq növü hesab etmirlər. Əslində isə, bir yerə yeriməklə, məşq məqsədilə yerimək arasında çox böyük fərq var. Buna görə də bu yazımızda məşq məqsədi üçün nəzərdə tutulmuş yeriməyin bir növü olan power walking-dən danışacağıq.

Power walking, davamlı tətbiq edildikdə, bədənə inanılmaz dərəcədə faydalıdır. İdman etmək istəyən, lakin qaçmaq istəməyən, yaxud qaça bilməyənlər üçün power walking əla alternativdir. Həmçinin, sadə və şəxsi keyfiyyətlərinizə uyğunlaşdıra biləcəyiniz idman növüdür.

Böyük şəhərlərdəki yorucu həyat tempi, istənilən şəxsin daxili rahatlığını poza bilər. Çox vaxt asudə vaxtınızı açıq havada məşq etmək yerinə, evdə rahat ev geyiminizlə  keçirməyi üstün tutursunuz. Erkən ölüm riskini artıran amillərdən biri də hərəkətsiz həyat tərzidir. Buna görə də, hərəkətsiz həyat tərzinin nəticələrini aradan qaldıra bilmək üçün bədənin davamlı hərəkətdə ola biləcəyi fiziki fəaliyyətlə məşğul olmaq şiddətlə tövsiyə edilir. Belə fəaliyyət və seçimlərdən biri də power walking-dir.

Harada və necə etmək olar?

Şəhərin istənilən yerində edə bilərsiniz. Tətilə gedəndə, yaxud iş səyahətində olarkən power walking-i axsatmağa ehtiyac yoxdur. Heç bir xüsusi avadanlıq tələb etmir. Bu fəaliyyəti gündəlik rejiminizə daxil edə bilmək üçün sadəcə vaxta və qətiyyətə ehtiyacınız var.

İlin fərqli fəsillərinə görə, uyğun və rahat geyimlərə, həmçinin ayağınızı incitməyəcək, sizə uzun müddət yoldaşlıq edə biləcək, çox da ağır olmayan ayaqqabılar gərəyiniz olacaq.

 Power walking duruşu və tempi:

  Bu məşqin təməllərindən biri düzgün duruşdur. Düzgün duruşla bədənin performansını ən yaxşı hala gətirməkdən əlavə, hər cür yaralanma riskini də azaltmış olursunuz.

Praktikada power walking daha çox yağ yandırmağa, əzələləri (xüsusilə aşağı bədən əzələlərini), tənəffüs, ürək-damar və immun sistemini gücləndirməyə kömək edən xüsusiyyətlərə sahibdir. Power walking-lə məşğul olan zaman tənəffüsünüz tamamilə nəzarətiniz altında olmalıdır. Kürəyiniz düz, sinəniz irəli, çiyinlərinizi geridə bir az da aşağıda tutmalısınız.  

Bunlardan əlavə, qarın divarınızı və ombanızı daim sıx saxlamalısınız. Bu, birbaşa bu bölgələrə təsir etməklə bərabər, belinizi qorumağa da kömək edəcək. Ən ideal power walking tempi, saatda 7 km sürətdir.

Power walking, qaçış dünyasına girməyə çalışan, lakin lazımı xüsusiyyətlərə sahib olmayanlar üçün idealdır. Eyni şəkildə bu, yaralanan qaçışçıların sağalma mərhələsi üçün də tövsiyə edilən məşqlərdəndir. Həmçinin, yüksək rəqabət, yaxud məşq sonrası sağalma və əzələ yenilənməsi proseslərini asanlaşdırmaq üçün  də müraciət edilə bilər.

Unutmaq lazım deyil ki, istənilən məşqdən əvvəl isinmə və məşqdən sonra gərmə hərəkətlərini etmək vacibdir.

Digər faydaları:

Düzgün bir pəhrizlə tətbiq edildiyində, arıqlamaq və bədənin ideal çəkisini qorumaq üçün yaxşı seçimdir. Tək seansda təxminən 400 kalori yandıra bilərsiniz. Həftədə 3, yaxud 4 dəfə 45-60 dəqiqə aralığında power walking-lə məşğul olmaq sağlam həyat tərzi üçün kifayət edəcək. Power walking, tənəffüs imkanını və müqavimətini artırır, qan təzyiqini stabil saxlayır. Ombanıza forma verir, düz bir qarına sahib olmağınızı asanlaşdırır.

Подпишитесь, чтобы получать информацию о скидках и акциях.

Агенты онлайн
Chat agent
Chat agent
Здравствуйте, чем мы можем вам помочь?