İdmançılar üçün elektrolitlərin vacibliyi

Elektrolitlər, idmançıların sağlamlığı üçün vacib olan mineral duzlardır. Müxtəlif fiziki reaksiyalara və metabolik prosesə təsir göstərir. Natrium,  kalium, kalsium, maqnezium kimi fərqli funksiyalara sahib elektrolitlər mövcuddur.

 Bu məqalədə elektrolitlərin idmançılar üçün niyə vacib olduğunu, nə üçün faydalı olduğunu araşdıracağıq.

Natrium.

Bu mineral aktiv şəkildə sinir impulsunun ötürülməsində rol oynayır. Əlavə olaraq, qan təzyiqini və  hüceyrə homeostazını sabitləyir.  Sidik və tər yolu ilə azalması hiponatremi ilə nəticələnə bilər.  Həmçinin, bu mineralın azlığı dehidrasiyanın əsas mənbələrindən olduğu üçün, baş gicəllənməsinə səbəb olur. Natrium əskikliyi, AİNS jurnalında dərc olunan bir məqaləyə görə, idmançıların fəaliyyətinə mənfi təsir edir. Həmçinin, 2015-ci ildə dərc olunan başqa bir məqalədə, məşqlərin səbəb olduğu natrium azalması, əzələ yorğunluğuna  və ürək ritm pozğunluğuna yola aça bilər.

Maqnezium.

Maqnezium əskikliyi, idmançının fəaliyyətini mənfi istiqamətdə dəyişən əzələ spazmalarının səbəbidir. Ümumi bir qayda olaraq, tər və ya sidik yolu ilə, pəhriz dəyişikliyi ilə bu mineralın azalmasına səbəb olursa, xüsusi nələrsə edib, mineralı bərpa etməyə ehtiyac yoxdur. Lakin uzun müddətli yarışlarda, dözümlülüyü artırıb əzələ spazmalarının qarşısını almaq üçün, maqneziumu əlavə qida maddəsi kimi qəbul etməyiniz vacibdir.

Kalsium.

Bədəndə ən çox mövcud olan mineraldır və sümük metabolizminin fəaliyyətində aktiv rola sahibdir. Həmçinin, sinir impulsunun ötürülməsində də rolu var.

Əsasən, D vitamini tərkibi ilə qəbul edilir. Bu mineralı idman içkiləri xaricində əlavə qida maddəsi kimi, qəbul edilməsi tövsiyə edilmir.

Kalium.

İdman dünyasında kaliumun əsas funksiyası, qlükozanın depolanması və su balansını qorumaqdır.  Buna görə, idman fəaliyyətləri əsnasında, şəkər və kalium tərkibli qidaların (banan kimi) qəbuluna üstünlük verilir. Hər iki qida qlükoza depolaya bildiyi üçün,  bir birilərinin fəaliyyətini tamamlayırlar.

Elektrolitlər nəyin tərkibində olur?

Elektrolit ehtiyacınızı izotonik idmançı içkisi ilə qarşılaya bilərsiniz.  Bu tipli qidaların tərkibində, bədənin fəaliyyəti üçün lazım olan bütün minerallar duzların hər birinin lazımı miqdarı olur.

Həmçinin, mineral duzlar həb şəklində də olur. Məşqə başlamazdan əvvəl bu həbləri suda həll edib qəbul edə bilərsiniz.

Başqa bir tərəfdən, bu duzların bir qismi tər yolu ilə itirildiyi üçün, dözümlülük tələb edən idmanlarda mineral ehtiyac ölçünüzün dəyişə biləcəyini unutmayın.

Elektrolit qəbul etməyi unutmayın!

Hidrasiya idmançının pəhrizində əsas ünsür olduğu kimi, elektrolit balansı da yorğunluğun və bir çox ciddi problemlərin qarşısını alan əsas ünsürdür.

 Məşq və ya müsabiqə əsnasında itirilən bütün qida maddələrinin qəbulu vacibliyini unutmayın. Bunun üçün, tərəvəz və  proteinlə zəngin yemək proqramı hazırlayıb qəbul edin.