Yatmazdan əvvəl məşq etmək doğrudurmu?

İdmançılar üçün məşq proqramları, ən çox fikir qarışıqlığı yaradan məsələlərdəndir. Səhər məşq etməklə, günorta, yaxud axşam məşq etməyin göstərəcəyi təsirlər fərqlidir. Həmçinin, məşqdən əvvəl və sonra yeyilən qidaların da məşqə təsirləri fərqlidir. Günün hansı vaxtında məşq etməyi və nə yeməyi seçməyinizdən asılı olaraq, əldə edəcəyiniz nəticələr də dəyişəcək. Başqa bir ifadə ilə, eyni məşq, fərqli vaxtlarda edildiyində faydalı olmaq yerinə səhhətinizə zərər  verə bilər. 

Axşam yeməyindən sonra məşq etmək doğrudurmu?

Hər bədənin özünəməxsus qanunları olduğu doğrudur, lakin ümumi bir qayda olaraq, axşam yeməyindən sonra və yatmazdan əvvəl məşq etməyin heç kimin sağlamlığı üçün yaxşı olmadığı da bir həqiqətdir. Bədənin yediklərinizi həzm edə bilməsi üçün ən azı 2 saata ehtiyacı olduğunu unutmayın. Bu müddətdə yedikləriniz həzm edilir və qida maddələri ayrılır. 

Bu proseslər gedən zaman yatsanız, proses düzgün işləməyəcək. Uzanıqlı halda mədəniz funksiyalarını yerinə yetirə bilmədiyi üçün ağırlıq hiss edəcəksiniz. İş və ya başqa bir səbəbə görə axşam yeməyinizi tez yeyə bilməmisizsə, onda daha yüngül qidalar qəbul etməyə diqqət edin. Misal üçün, sobada balıq, salat yaxud sobada tərəvəz kimi qidalar seçə bilərsiniz. 

Yuxarıda qeyd etdiyimiz kimi, hər bədənin özünə uyğun  qaydaları olduğu üçün, ümumiləşdirmə aparmaq doğru deyil. Çox yedikdən sonra, problemsiz yata bilən insanlar da mövcuddur. Lakin bunun xaricində, mədədə turşuluq, qaz və həzm çətinliyi çəkənlərin də sayı az deyil. 

Gec saatda yemək yedikdən sonra, yatmaqda heç bir problem yaşamasanız da, daha yüngül yeməklər yeməyinizi məsləhət bilirik. Yemək yeyib yatdıqdan sonra bədən çox enerji sərf etməyəcəyi üçün, çox qidaya ehtiyac duymur. Çox zaman axşam yemək yeyib yatmaq, artıq çəkiyə və obezə yol açır.

Yatmazdan əvvəl məşq etmək doğrudurmu?

Eyni şəkildə mövzu idman etmək olanda hər bədənin verdiyi reaksiya fərqlidir. Lakin yatmazdan əvvəl məşq etməyin məsləhət görülmədiyini bilməlisiniz. Bəzi insanlar gecə məşq etməyin onları rahatlatdığını iddia etsə də, bu çox yayğın görülən bir hal deyil. Qaçışdan evə qayıdanda, yaxud hər hansı bir məşqi etdikdən sonra daha enerjili hiss edərsiniz.  

Bunun səbəbi, adrenalin səviyyəsinin yüksəlməsidir. Adrenalin səviyyəsi yüksək olanda isə nəinki yatmaq, rahatlamaq belə imkansız hal alır. Buna görə də yatmazdan ən az 1 saat əvvəl məşq etməyi dayandırmalısınız. Bütün bunları nəzərə alsaq, məşq etməyi günün başqa saatlarına keçirib, axşam saatlarını dincəlib, rahatlamaq üçün ayırmağınız daha uyğun olar. 

Nəticə

İdman və qidalanmanın yuxu üzərində necə bir təsir yaratdığı aşkardır. Həm məşq, həm də yemək, yuxudan 2 saat əvvələ aid olmalı fəaliyyətlərdir. Bu, bədənimizin keyfiyyətli şəkildə dincəlməsi, rahatlaması və həzm problemi yaşamaması üçün çox vacibdir. 

Son olaraq, yatmazdan bir neçə saat əvvəl məşq və yüngül şam etsəniz, nəticələrin daha fərqli olacağını siz də görəcəksiniz. Məşqdən sonrakı saatları rahatlamağa, duş qəbul etməyə ayıra bilərsiniz. Beləliklə, yuxu keyfiyyətiniz gözlə görüləcək dərəcədə dəyişəcək.