![Mənəvi rahatlığın sirri: Bodybalance](https://esport.az/uploads/posts/menevi-rahatligin-sirri-bodybalance.jpeg)
Mənəvi rahatlığın sirri: Bodybalance
Yoqa, pilates və tai chi. Bu məşq növlərinin hər biri, əzələləri, elastikliyi və konsentrasiya olma qabiliyyətini inkişaf etdirərək, zehni və mənəvi rahatlamaya yönəlik meditasiyadır. Aralarında seçim etmək əsasən çətindir, hər birinin bir birindən fərqli və önə çıxan xüsusiyyətləri var. Ancaq hər üçün birləşdirən ortaq nöqtə var. Buna da bodybalance deyilir.
Bodybalance nədir və necə edilir? Yoqa, pilates və tai chi-nin fərqli texnikalarının kombinasiyasıdır. Bu qarışım sayəsində elastikliyinizi, gücünüzü inkişaf etdirə və mənəvi rahatlığınızı tapa bilərsiniz. Həmçinin tarazlığınız artıracaq və əzələləriniz daha güclü hala gələcək.
Bu məşqlərin təməlində nəfəs alma texnikaları dayanır, beləliklə, nəfəsiniz inkişaf edir. Yaxşı nəfəs almaq, sakit hiss etmək və orqanizminizin düzgün işləməsi üçün vacib şərtdir.
Bir yoqa və ya pilates dərsinə heç getməmiş olsaq da, orada necə məşq edildiyinə dair az - çox fikir sahibi ola bilərik. Bəs bodybalance sinifləri necədir? Təxminən 55 dəqiqə davam edən dərslər, 10 fərqli musiqi ilə edilir və hər birində məşqçi konkret fiziki bir qabiliyyətə fokuslanır.
Dərslər, isinmə olaraq edilən günün əzələ və duyğusal gərginliklərini aradan qaldırmağa icazə verən bəzi tai chi duruşları ilə başlanılır.
Gərmə əsnasında ana əzələ qruplarını gücləndirməyi hədəfləyən yoqa və pilatesdə istifadə edilən duruşlarla davam edir. Bu duruşlardan bəziləri günəş salamlaması, çanaq açıqlığı, bükülmə və ya tarazlama ola bilər.
Bu dərslərin fiziki mənada çox faydalı olduğu görülməsə də, həqiqət budur ki, əzələləri gərmək və tarazlığı qorumaq üçün tətbiq olunan müqavimətin əzələ kütləsinə təsir edən bir rolu var.
Buna əlavə olaraq duyğusal mənada stressi aradan qaldırmağınıza, daha rahat olmağınıza, həyatı və problemləri fərqli bucaqda görməyinizə icazə verir.
Bodybalance, idman zallarının zaman içində necə inkişaf etdiyinə, yeni texnikalar və avadanlıqlardan yararlanaraq dərslərini idmançıların ehtiyaclarına uyğun hazırlandığına dair sadəcə bir nümunədir.
Bu gün 50-dən çox fərqli sinif növü təqdim edən idman zalları var. Bir neçə il əvvələ qədər aerobik və step haqqında çox az şey bilsək də, son illərdə yeni proqram və dərs növləri əlavə edilib. Son əlavə edilənlərin bəziləri bunlardır;
Body Combat: Hər nə qədər boks hər zaman boksçular üçün bir idman növü olaraq görülsə də, idman zallarında kiçik bir çuvala vurmaqdan ilham alınaraq body combat yaradıldı. Bu gün boks ilə rəqsin birləşdiyi siniflərdə əylənərək vurmağı öyrəndiyimiz və kifayət qədər çox kalori yandırdığımız body combat sinifləri sayəsində bunun dəyişdiyini görürük.
Body Pumb: İllərlə idman zalında ağırlıq “kişilər bölməsi” olaraq qəbul edildi və bu səbəblə bir çox qadın “sərhədi keçməyə” cəsarət edə bilmədi. Hər nə qədər daha çox qadın ağırlıq dərsi alsa da, kimlərsə body pumb sinifləri yaratmaq fikri ilə gələnə qədər hələ də önyarğılı olan çox insan var idi. Rəqs və ağırlıq məşqinin kombinasiyası ilə bu stereotip qırıldı.
Sh’bam: Zumba dünya miqyasında məşhur oldu, ancaq bəzi insanlar dərslərdə istifadə edilən latın musiqisini sevmirdi. Buna görə də Sh’bam adında zumba texnikalarına bənzər ancaq müasir musiqilərlə edilən bir rəqs kəşf edildi. Ən məşhur mahnıların ritmi ilə rəqs etmək bir çoxunun axtardığı şey idi.
İdman salonları zamana adaptasiya olmaqdan çəkinmədiyi dövrdə, rahatlayanda ya da əylənəndə məşq etməyimizə imkan verən bodybalance və digər yenilikçi sinifləri yaratmağa davam edir.