Etdiyiniz kardio məşqinin zərər verdiyini göstərən işarələr
18-11-2020 520

Etdiyiniz kardio məşqinin zərər verdiyini göstərən işarələr

Kardio məşqinin sağlamlığımız üçün çox faydalı olduğunu və mütəmadi məşğul olmalı olduğumuzu bilirik. Lakin həddindən çox məşq və ya kardio məşqi etmək həm fiziki, həm də zehni sağlamlığınızı olduqca zərərlidir. Bu yazımızda etdiyiniz kardio məşqinin sizə zərər verdiyini bildirən işarələrdən danışacağıq.

Digər fəaliyyətləri təxirə salırsınız

Romantik bir axşamı, görüşü, işləməyi, yaxud dostlarınızla axşam yeməyinə getməli olduğunuzu unutdunuzmu, yaxud təxirə saldınızmı? Bir məşq seansına görə həyatınızdakı digər vacib fəaliyyətləri təxirə salmayın.

İdman salonuna getmək, məşq etmək, qaçmaq, ip atlamaq həyatınızdakı bir nömrəli fəaliyyətə çevrilirsə, deməli sosial və şəxsi həyatınıza zərər verirsiniz.

Özünüzü həmişə yorğun hiss edirsinizsə

Həftə ərzində 5, yaxud 6 dəfə hədəflədiyiniz məşq seanslarını tamamladınız. Bazar günü gəldi, amma yataqdan çıxa bilmirsiniz.

Həftə ərzində olanlardan bəhs belə etmirik: işə gecikdiniz, sevgilinizlə izlədiyiniz filmin yarısında yatıb qaldınız, hətta metroda da yatdınız və s.

O qədər yorğun hiss edirsiniz ki, bütün həftəni yatmaq istəyirsiniz. Məşq rejiminizi davam etdirə bilməyəcəyinizi düşünürsünüz, lakin yenə də həftəlik planınızı ona uyğun qurmağa çalışırsınız.

Həddindən çox kardio etməyinizin bir göstəricisi də ayaqlarınızda olan “yorğunluqdur”. Hər zaman olduğundan daha yavaş yeriməyə başlayırsınız. Həddindən çox məşq çeviklik qabiliyyətinizi azaldır, qollar və ayaqlarınız daha yavaş hərəkət etməyə başlayır.

Görünüşünüzdən razı deyilsiniz

“Ayaqlarımı arıqlatmaq üçün kardio edirəm”, “Qarın əzələlərimi gündə min dəfə press edəndən sonra gör” kimi ifadələri görünüşündən razı olmayan, bədəninin bir hissəsindən nifrət edən insanlar tez-tez işlədir. Bədəninin sevmədiyi hissəsindən xilas olmaq üçün dayanmadan məşq edir, bu da şəxsə həm fiziki, həm də zehni olduqca böyük zərərlər verir.

Sakitləşməyən ağrı

Məşqdən sonra baldır və çiyinlərinizdə olan ağrıdan danışmırıq. Dincələndə, duş qəbul edəndə də keçməyən ağrıdan bəhs edirik. Nə qədər professional idmançı olsanız belə hər məşqdən sonra bədəninizə özünə gəlməsi üçün vaxt ayırmalısınız və imkanlarınız xaricində məşq etməməlisiniz.

Həmişə susuz hiss edirsiniz

 Bu bir çox idmançının əhəmiyyət vermədiyi vacib siqnallardandır. Dehidrasiyanın ilkin əlaməti kimi ortaya çıxan susuzluq isti havada, çox məşq etdiyimizdə, duzlu və acılı bir şeylər yedikdə bizi daha çox narahat edir. Bunun əsas səbəbi bədənin həddindən çox su itirməsi ilə əlaqəlidir. 

İstirahət edəndə belə ürək ritminiz sürətlidir

Kardio məşqi edəndə ürək döyüntünüzün artması normaldır. Ürəyiniz ehtiyac olan oksigeni almaq və  sərf olunan güclə başa çıxa bilmək üçün işləmək məcburiyyətindədir.

Lakin istirahət edərkən, yaxud başqa bir fəaliyyətlə məşğul olarkən nəbziniz sürətlənirsə, bu yaxşı əlamət deyil. Bu, həddən çox məşq, yaxud kardio etdiyiniz mənasını verir.

Bəs nə etməli?

Hər şeydən əvvəl indi etdiyiniz məşq ağırlığını və sıxlığını azaldın. Məşq aralıqlarında bədəninizə dincəlməsi üçün vaxt ayırın. Və idmanı bədəninizdən razı olmadığınız üçün yox, bədəninizi və sağlamlığınızı sevdiyiniz üçün edin!

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?