Bodybuilding yalnız ağırlıq qaldırmaq deyil

Əzələ inkişafı (bodybuilding) ilə məşğul olan şəxs düşünəndə ağlımıza hər gün, ağır çəki daşları, qantellər, disklər qaldıran biri gəlir. Əslində, bodybuilding, ağırlıq qaldırmaqla qurtarmır, sərhədlənmir. Bodybuilding-i həyat tərzinə çevirən, mədəniyyət kimi qəbul edən insanlar da az deyil. Biz də bu yazımızda əslində, bu məsələni araşdırıb, bodybuilding-i sizin üçün bir az açmağa çalışacağıq. Təmənnamız budur ki, bodybuilding-ə fərqli bucaqdan baxmağınız üçün işıq tuta bilərik.

 Bodybuilding nədir?

Hər şeydən əvvəl bodybuilding haqqında bir az danışaq. Güc məşqini və insan bədəninin formasını gözəl və uyğun şəkildə birləşdirən intizamdır.

Bodybuilding-in məqsədi sadəcə gücə sahib olmaq deyil, həmçinin , Adonis kimi “gözəl” görünmələrini təmin edən  əzələ quruluşuna sahib olmaqdır.

Bodybuilding-in tarixi minlərlə il əvvələ dayanır, lakin o dövrdə bizim indiki dövrdə bildiyimizdən fərqli idi. Bu tarixin başlanğıcından bəhs etməyə başlasaq antik Yunanıstana qayıtmalıyıq. O dövrdə insan bədəninə pərəstiş və tanrı kimi görünmək istəyi vardı. Tarixin əfsanələrdə ilk bodybuilding-lə məşğul olan şəxslərindən biri də Herakldır.

Günümüzdə, modern bodybuilding-in əsası isə 18-ci əsr Fransasında qoyulub. Lakin o dövrdə də, bodybuilding-ə idman kimi yox, estetik fəaliyyət kimi yanaşılırdı.

Bodybuilding həyat tərzidir.

Hazırkı bodybuilding-in “atası” Eugen Sandow-du. O ilk dəfə bədənini göstərəndə “yunan idealını” izlədiyini və ölçülərinin ideal formada olduğunu bildirdi.

Sandow həmçinin, 1901-ci ildə bodybuilding yarışmasını təşkil etməkdən və yarışçıların münsiflərə bədənlərinin inkişafını göstərən pozaları öyrətməkdən məsul idi.

Bu gün bodybuilding yarışlarında yarışçıların nümayiş etdirdikləri bədən quruşları ilə Sandow-un nümayiş etdirdiyi Adonis imici arasında çox fərq var. 1940-1970-ci illər bodybuilding-in “qızıl dövrü” olaraq bilinən tarixlərdə Arnold Schwarzenegger kimi bir çox insan, bodybuilding-dən iqtisadi məqsədlə  istifadə etməyə başladı.

O andan etibarən Cənab Olimpiya olmaq, bir çox kişinin arzusu halına çevrildi.  

Gözə çarpan əzələlər, yunan ilahları kimi bədən quruluşu, yalnız ağırlıq qaldırmaq hesabına başa gəlmir. Bu idmanla məşğul olan şəxslər daim protein dolu pəhriz izləməli, məşqləri axsatmamalı, bütün bunlara riayət etmək üçün isə güclü əzmə və dözümə sahib olmalıdır. Elə sırf buna görə də bodybuilding istər idman kimi, istərsə də, həyat tərzi kimi xüsusi hörmət və diqqətə layiqdir.