Gənc qalmağın sirri - Tiber yoqası
10-01-2020 1016

Gənc qalmağın sirri - Tiber yoqası

Günə daha gümrah və enerjili başlamaq üçün Tibet yoqası əla fikirdir. Yoqa kəliməsi beyninizdə saatlarla meditasiya düşüncəsi yarada bilər, lakin Tibet yoqasının əsas üstünlüyü sadəcə 5 hərəkətdən ibarət olmasıdır.

Bu hərəkətlər gün ərzində sadəcə bir neçə dəqiqənizi alacaq. Məşqlərə başlayarkən özünüz üçün bir cədvəl təyin edin və həftədə 3 dəfə, başlarda hər hərəkəti 2 dəfə etməyə çalışın. Əzələləriniz açıldıqca hərəkət sayını hər həftə 2 dəfə artıra və maksimum 21 dəfəyə qədər qaldıra bilərsiniz. Həftə içi 1 dəfə məşq eləməyi unudursunuzsa bu problem deyil. Amma bu hal təkrarlanırsa, məşqlərə ən başdan başlmağınız məsləhətdir.

Tibet yoqası nəfəs alma texnologiyaları ilə birləşəndə daxili orqanların işləkliyini artırır. Bədəninizin elastikliyi artır, daha gənc və sağlam qalırsınız. Həmçinin buddizmə görə bu hərəkətlər bədəndəki çakraları (bədəndəki enerji mənbələri) açdığına görə, daha gümrah, enerjili olursunuz. Xəstəliklərə qarşı, əsas da xərçəngə qarşı dözümlülüyünüzü artırır.

 İndisə gəlin hərəkətlərə keçək:

1 - ci hərəkət

Bədəninizi düz saxlayın, qollarınızı yana açın, ovuclarınız aşağı baxsın. Və saat istiqamətində (sağa doğru) ətrafınızda fırlanın. Bu hərəkətin əsas məqsədi bütün enerjini bədənə yaymaq və bədənin maqnetik enerjisini gücləndirməkdir.

2 - ci hərəkət

Bədəniniz tam düz olmaq şərti ilə uzanın. Və başınızı çox az ayaqlarınızı isə qarnınıza doğru tam şəkildə qaldırın. Bu hərəkətin məqsədi qarın və boyun əzələlərini möhkəmləndirib, enerji mərkəzlərinizi aktivləşdirməkdir.

3- cü hərəkət 

 Dizlərinizin üstündə dayanın və əllərinizlə ombanıza dayaq verin. Bədəninizin düz olduğundan əmin olduqdan sonra boynunuzu bacardığınız qədər arxaya doğru əyin. Bu hərəkətin məqsədi omba, qarın və boyun əzələlərini möhkəmləndirib, qarına yığılan enerjini ürəyə daşımaqdır.

4  - cü hərəkət

L şəklində oturun. Qollarınızı çiyninizlə bərabər olacaq şəkildə yana açın, ovuclarınız yerə dayayın. Ayaqlarınızı qollarınızla eyni bucaqda açın və bacardığınız qədər sinə və ombanızı yuxarı doğru qaldırın. Bu hərəkətdə bədəniniz bir növ masa şəklini alacaq. Sonra əvvəlki pozisiyanıza qayıdın. Hərəkətin əsas məqsədi belin alt hissəsini və ombanı gücləndirmək, qarının aşağı əzələlərini, boyun və dizləri hərəkət halına gətirməkdir.

5 - ci hərəkət

İməkləmə pozisyonunda dayanın, əllərinizi irəli; çiyininizin bərabərinə gətirib barmaqlarınız açıq şəkildə yerə dayayın, ayaqlarınızı əllərinizlə eyni bucağa gələcək şəkildə açın, sonra ayaq barmaqlarınızın ucunda bədəninizi qaldırın. Əllərinizin yerdən aralanmamasına diqqət edin. Bacardığınız qədər ombanınızı qaldırın, bu zaman qollarınızı və ayaqlarınız gəriləcək. Hərəkəti edərkən ayaqlarınız bacardığınız qədər yerə tam basın və başınız aşağı baxsın. Bədəniniz bir növ başıaşağı V şəklini alacaq. Hərəkətin əsas məqsədi zehninizi boşaltmaq, bədəniniz açmaq, çiyin və ayaqları gücləndirməkdir.

Məşq zamanı vacib şərtlərdən biri də nəfəsi düzgün almaqdır. Hər hərəkətə başlayanda dərindən nəfəs alıb hərəkət bitəndə nəfəsi verirsiniz. Bu nəfəs texnologiyası bədəndəki yağı da yandırmağa kömək edir. Və unutmaq lazım deyil ki, hərəkətləri etdikdən sonra bədəninizin hər hansı bir yerində ağrı hiss edirsinizsə və ağrı şiddətiniz azalmaq yerinə artırsa, hərəkətləri dayandırmaq lazımdır. Bu hərəkətləri düz etmədiyinizi və əzələlərinizi incitdiyinizi göstərir.

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?