Düzgün isinmə üçün edilməli olanlar

Hər hansı məşqə başlamazdan əvvəl isinmək vacibdir. İsinmə məşq əsnasında yaralanma riskini azaldır. İsinmənin məqsədi bədən hərarətini yüksəltmək, məşq seanslarında sərf olunacaq güc üçün əzələ və oynaqlarımızı hazırlamaqdır. 

İlki statikdir. Öncə boynu, sonra qolları, daha sonra ombanı döndürərək isinməyə başlaya bilərsiniz. Sonra ayaq barmaqlarımıza toxunacağıq,  side lunge edəcəyik, dizlərimizi döndürüb, omba əzələlərini gərəcəyik. Bu şəkildə bütün bədəni əhatə edən isinmə etmiş olacağıq.

İkinci qism daha dinamikdir. Dirsəyinizə dizinizlə toxuna, tullanıb ayaqlarınızı havada aça, sıçrayıb lunge edə bilərsiniz.

Düzgün isinmə üçün edilməli olanlar.

• İsinmə təxminən 20 dəqiqə davam etməlidir. Bu təbii ki yaşa, fiziki vəziyyətə və məşq etmə sıxlığınıza uyğun dəyişə bilir.
• Daha əvvəl dediyimiz kimi, daha statik isinmə hərəkətləri ilə başlamağınızı tövsiyə edirik. Bunları bitirdikdən sonra sıxlığı bir az artırın.
• Əzələ qruplarına ümumi isinmə hərəkətləri etmiş olsanız da, üzərində işləyəcəyiniz əzələlərə əlavə isinmə hərəkətləri etməyiniz vacibdir.
• Sizə elastiklik qazandıran əzələləri isidin. Bu çox vacibdir. Belə etdiyiniz halda, əzələləriniz sümüklərinizi qorumaq və sınmaların qarşısını almaq üçün hazır olurlar.
• Bəhs etdiyimiz isinmə, bədən temperaturunu artırmağın bir yoludur, buna görə də sıx olduğundan əmin olun və bunu yaxşı ritmlə edin. Beləliklə, tərləmiş olacaqsınız. Tərləməniz isinməni düzgün etdiyinizə işarədir.
• Zehninizin də bədəniniz qədər hazırlıqlı olması vacibdir. Buna görə də, isinmə zamanı hədəflərinizi düşünərək,  məqsədlərinizi müəyyən edin.
•  

Düzgün isinmə üçün edilməməli olanlar

• İsinmə üçün ümumi qayda, isinmə zamanı hər hansısa ağrının hiss edilməməsidir. Bu eyni zamanda məşqdən əvvəl etdiyimiz əsnəmə hərəkətləri üçün də keçərlidir. Bu hərəkətləri etmək səbəbimiz məşq əsnasında və sonrasında əzələlərimizi qorumaqdır. Əks təqdirdə ağır şəkildə yaralana bilərik.
• İsinmənin müddəti və sıxlığını həddən çox artırmayın. İsinmənin məqsədi bədən hərarətini yüksəldib məşq üçün hazır olmaqdır. Əks halda elə isinmədə yorulmuş olacaqsız.
• Məşqdən əvvəl isinməyi unutmayın. İsinməyi etmək qədər, düzgün etmək də vacibdir, bu səbəblə, yuxarıda qeyd etdiyimiz şəkildə isinmə etməyiniz daha məqsədə uyğundur.