Yağ yandırmaq üçün 8 asan yol

Çəki itirməyə çalışanlar üçün, əsas vacib məsələlərdən biri də yağ yandırma üçün effektli metodlardır. Bu yazımızda bu metodlardan bir neçəsini sizinlə bölüşəcəyik.

Stabil yuxu rejiminiz olsun. Araşdırmalar göstərir ki, daha az yatan insanlar daha çox stressə meyillidirlər. Stress çoxluğu metabolizm sürətini zəiflədir, bu da gecə yatan zaman yağ yandırma fəaliyyətini axsadır.  Nəticə etibarı ilə bədən daha çox yağ depolayır və yağ yandırmaq çətinləşir.

Bunları nəzərə aldıqda, gecələri 7 saat yatıb bədəninizə istirahət imkanı verməlisiniz. Gecə yarısı olmadan yatsanız, bədən yağ depolamaq yerinə, yandırmağa meyilli olur.

Su için. Təcrübələr, gündəlik təxminən 6 stəkan su içməyin metabolizm sürətini artırdığını göstərir. Beləliklə, istirahət edərkən belə yağ yanıdırmağa davam edə bilərsiniz, həmçinin gündəlik kalori sərfinizdən 50 kalori artıq yandıra bilir.

Yuxudan duran kimi su içməyin, çünki günə başlamaq üçün mədəninizin sadəcə qidaya (enerjiyə) ehtiyacı var. Çünki bütün enerjiniz həzmə gedib. Ac mədəyə su içmək mədə divarlarını  gərginləşdirir. Həzmdə problem yaşamağa başlayırsınız. Yenə də duran kimi su içmək istəyirsinizsə, suyun içinə 1 dilim limon atın. Limon bağırsaqda yığılan ifrazatın təmizlənməsinə kömək edir. Günün geri qalan qismində isə adi su içməyiniz məsləhətlidir.

Meyvə və təzə sıxılmış meyvə şirələrinə üstünlük verim. Meyvələr, su tərkibinə və təbii detoks effektinə görə, yağı çox rahat yandırmağa kömək edir.

Bol lif tərkibinə görə, xolesterin və trigliserid səviyyəsini də aşağı salır. Həmçinin, daha zəif metabolizmə sahib şəxslərdə həzmi optimallaşdırmağa kömək edir. Bu meyvələrdən bəziləri; ananas, papaya, portağal, nar.

Biri səhər, digəri günortadan sonra olmaqla, gün ərzində 2 dəfə özünüzə bu meyvələrdən smothie hazırlayın. Bunlar köp mədəni sakitləşdirməyə və çox yemə halında yağ azaltma üçün ideal variantdır.

Çərəzlərə diqqət edin. Çərəzləri menyudan birdəfəlik, yaxud birdən birə çıxarmaq alınmasa da, ən azından daha qaydalı və şüurlu şəkildə qəbul edə bilərik. Yağ yandırma prosesini sürətləndirmək istəyiriksə, sağlam qidalanmağa çalışmalıyıq.

Karbohidrat dəyəri aşağı, protein səviyyəsi yüksək olan çərəzlərə üstünlük verin.

Düzgün nəfəs alın. Çox bəsit, bəlkə də, mənasız görünsə də, düzgün nəfəs almaq yağ yandırmada çox vacib məqamdır. Qandakı oksigen səviyyəsi artdıqca daha çox yağ yandıra biləcəksiniz.  

Protein qəbulunu artırın. Yağsız bir bədənə sahib olmaq istəyiriksə, güclü əzələ kütləsinə ehtiyacımız var. Bunun üçün protein qəbulunu artırın ki, əzələlər qidalana, sıxlaşa və yağ yandıra bilsin.

Yeriyin. Səhər gəzintisi, yaxud nahardan sonra, yerimək yağ yandırmaq üçün əla variantdır. Bədənimiz qidalandıqdan sonra, qəbul etdiyi maddələri, yağ kütləsi kimi, depolamağa meyilli olduğu üçün, bacardığınız qədər, hərəkət edərək, həmin maddələri enerjiyə çevirməlisiniz.

Daha az və sıx məşq edin. Yağ yandırmaq üçün həftələrlə, idman salonlarında məşq etməyinizə ehtiyac yoxdur. Sırf yağ yandırmağa yönəlik bir neçə məşq növü var. Qısa və sıx məşqlər toplusu sürətlə yağ yandırmağınıza kömək etməklə bərabər, ürək-damar sisteminizin də normal fəaliyyətini təmin edəcək.