Arıqlamağınızı dayandıra biləcək səhvlər

Bu günün dünyasında arıqlamaq olduqca çətindir. Gündəlik rejim, qidalanmağımızı və məşqlərimizi planlamaq üçün bizə kifayət qədər vaxt vermir. Buna görə də bu yazımızda arıqlamağı dayandıra biləcək ən yayğın xətalardan danışacağıq.

Qışda bədənlərimiz barədə çox narahatlıq keçirmirik. Əsasən bu narahatlıqlar yaz-yay aylarında meydana çıxmağa başlayır və səhvləri də o zaman etməyə başlayırıq. Lakin arıqlamaq imkansız deyil.

Qidalanma, bu məqsədin vacib bir hissəsidir, həyatımızın mərkəzi olduğunu vurğulamağa ehtiyac yoxdur. Beləliklə, yediyimiz qidalar bizə enerji, canlılıq və sağlamlıq verir. Buna görə də bədənimiz üçün ən yaxşı şeyləri qəbul etdiyimizdən əmin olmalıyıq.

Etdiyiniz səhvlər arıqlamağınızı dayandıra bilər

Möcüzəvi həll yoxdur

Tez-tez sosial mediada 15-20-30 günə sizi arıqladacaq mütəxəssislərlə qarşılaşırsınız. “Ay pəhrizi” “Su pəhrizi” kimi cəlbedici adlı pəhrizlər də mövcuddur. Bunlar sürətli şəkildə arıqlamağı təmin edə bilər.

Bu möcüzəvi pəhrizlər bəzi insanlarda işə yarasa da, bəziləri üçün arıqlamağı dayandıra biləcək səhv ola bilər. Əksərən insanlar bu pəhrizlərdən məyus olurlar. Digər tərəfdən bəziləri arıqlayırlar, lakin qısa bir müddətdən sonra yenidən kökəlməyə başlayırlar.

Qısa bir pəhriz sizə stress yaşada və uzun müddətli hədəflərinizi baltalaya bilər. Əslində çəki itirməklə bağlı bilməli olduğunuz şey, qidalanmağınızda hansı qidaların sizi kökəltdiyini tapıb, hansıların arıqlamağınıza kömək edəcəyini öyrənməkdir. Bu sizin üçün daha asan və sağlam yol olar.

Yaşınıza görə doğru çəki

Arıqlamağınızı dayandıran bir digər səhv isə bədəninizin artan yaşla dəyişməsini unutmağınızdır. 30 yaşında biri 16 yaşındakı paltarlarına rahatlıqla sığışa bilməz. İnsanlar yaşlandıqca əzələlərində itki baş verir. Mütəxəssislər  hər 10 ildə əzələ kütləsinin 8 faizini itirə biləcəyimizi deyirlər.

 Buna görə də arıqlamaq strategiyası hər yaşa görə fərqli olmalıdır. Digər tərəfdən məqsəd əzələ kütləsini qorumaqdırsa, burda dadınıza məşq etmək çatacaq.

İllər boyunca davamlı məşq edib, bu məşqi düzgün pəhrizlə tamamlamaq əzələlərinizi və bədəninizin formasını qorumağa kömək edəcək.

“Sağlıqlı” qidalar yemək arıqlamağınızı dayandıra bilər

Bir çox insan sadəcə sağlam bəslənərək arıqlamağın mümkün olduğunu deyəcək. Bəzən qidalanma ilə əlaqədar fikirlər mübahisəli ola bilər. Və başlayanda daha çox şübhə ilə qarşı qarşıya qalırıq. Bunun səbəbi, mövzu sağlam qidalar olduqda bir çox əfsanələrin mövcud olmasıdır.

İşləri daha da çıxılmaz hala gətirən əfsanələrdən biri taxılların sağlam qidalanmanın təməli olduğunu müdafiə edənlərdir. Digər tərəfdən bu insanlar banan və avokadonun insanları kökəltdiyi mövzusunda israr edirlər.

 Həmçinin, müəyyən dövr üçün arıqlamaq istəyənlər üçün bəzi yağlar və fındıqlar qadağa edilmişdi. Lakin aparılan araşdırmalar proteinlə zəngin qidaların metabolizm üçün vacib olduğunu təsdiqlədi.

Arıqlamaq üçün doğru yol nədir?

Arıqlamağınızı dayandıra biləcək bu səhvləri nəzərə alanda qidalanmanın sadəcə bir pəhriz olmadığını, əksinə həyat tərzinə çevrilməli olduğunu görürük. Hər yaş aralığı fərqli əzələ ağırlığına və bədən quruluşuna sahibdir. Buna görə də davamlı məşq və yaxşı protein həmişə həyatımızda mövcud olmalıdır.

Son olaraq, yediyiniz qidaların 50 faizini meyvə tərəvəzlər təşkil etməlidir. Bundan əlavə isə bədəninizin qəbul etdiyi qidaların tərkibi ilə bağlı məlumatlı olmalısınız. Bu həm sağlam qalmağınıza, həm də arıqlamağınıza kömək edəcək.