Velosipedçilərin evdə edə biləcəyi məşqlər
30-11-2020 287

Velosipedçilərin evdə edə biləcəyi məşqlər

İstənilən idman sahəsində özünüzü inkişaf etdirə bilmək üçün idmanın edildiyi yerdə məşq etməyin ən yaxşısı olduğunu mütləq ki eşitmisiniz. Əlbəttə, idmanın tələb etdiyi şərtlər daxilində məşq etmək ideal olanıdır. Lakin məşqinizi başqa yerdə də edə bilərsiniz. Eyni şey velosiped sürmək üçün də keçərlidirmi? Bəli! Velosipedçilərin də evdə edə biləcəyi məşqlər var.

Velosipedçilərin evdə edə biləcəyi məşqlər

Velosiped sürmək təkcə velosiped üstündə edilən bir şey olsa da, bədəniniz velosiped üstündə taraz durmaqdan daha çoxunu edə bilməlidir. Buna görə də ümumi bədən formanızı inkişaf etdirməlisiniz. Bunu da fərqli məşqlərlə edə bilərsiniz.

Bu yazımızda, ümumi olaraq formada qalmağınız üçün sizə kömək edəcək fərqli məşqlərdən danışacağıq. Ehtiyacınız olan nəsnələr sadəcə bir mat  və ağırlıqlardır.  

Squat

Squat mübahisəsiz ən faydalı hərəkətlərdəndir. Hər məşqə, xüsusilə də ayaqlarını işlətmək istəyən idmançıların məşq rejiminə daxil etməli olduğu bir hərəkətdir. Velosiped sürənlər üçün squat etmək quadriseps və hamstring əzələlərini işlədən mükəmməl bir hərəkətdir.

Burpee

  Funksional fitness velosiped sürənlərin edə biləcəyi məşqlərdən biridir. Funksional məşqlərdən ən yaxşısı isə, bütün əzələləri işlədən burpee hərəkətidir.

Lakin unutmamalı olduğunuz bir nöqtə var; burpee hərəkətinin faydasını görə bilmək üçün düzgün texnikanı tətbiq etməlisiniz. Bu hərəkəti etdikdə yaralanmaların qarşısını almaq üçün düzgün bir şəkildə etdiyinizdən əmin olmalısınız.

Velosipedçilər üçün ev məşqləri: box jump

Bu məşqi etmək üçün bir qutu istifadə etməyiniz şərt deyil. Qutu yerinə ağırlığınızı daşıya biləcək istənilən bir nəsnə istifadə edə bilərsiniz, lakin əşyanın hündürlüyü ən az 50 sm olmalıdır. Box jump bədənin aşağı hissəsini işlətmək üçün idealdır.

Hər tullanma arasında qısa fasilələrlə, ya da fasilə vermədən dinamik bir şəkildə tullanaraq bu hərəkəti edə bilərsiniz. Əsas məqsəd məşqi öz potensialınıza uyğunlaşdırmaqdır.

Deadlift

Deadlift hərəkətində qantel və ya ştanq istifadə etməyiniz tövsiyə edilir. Bu məşqi düzgün texnika ilə etdikdə bütün aşağı ətraflar və core bölgəsini işlətmiş olacaqsınız. Kürək əzələlərindən baldır əzələlərinə qədər olan bölgə deadlift hərəkəti ilə güclənir. Deadlift bütün bədəni gücləndirməyə kömək edən hərəkətdir.

Plank

Velosipedçilərin evdə edə biləcəyi məşqlər arasında ən az bir izometrik və ya statik güc hərəkətinin olması lazımdır. Buna görə də biz də siyahımıza ən kompleks və bütöv məşq hərəkətlərindən biri olan plank-ı daxil etdik.

Bu hərəkət gövdə bölgəsini gücləndirdiyi üçün pedal çevirmə sürətiniz və gücünüz böyük ölçüdə artacaq. Plank-la daha güclü core bölgəsinə sahib olduğunuz üçün yaralanma riskiniz azalmış olur.

Beləliklə, evdə edə biləcəyiniz məşqlərdən bir neçəsi ilə sizi tanış etdik. Hədəflərinizə gedən yol açıq olsun!

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?