Vegetarian idmançıların qidalanması

İstənilən idmançı qidalanmasına diqqət etməli, ehtiyacı olan bütün qida maddələrini qəbul etdiyindən əmin olmalıdır. Vegetarian bir idmançısınızsa, qidalanmanıza daha çox diqqət ayırmalısınız. Çünki istənilən bir qida maddəsinin əskikliyi performans səviyyənizi azaldacaq, yaralanma riskiniz artıracaq.

Vegetarianlar, istənilən heyvani məhsulu qəbul etməyən veqanlardan fərqlidirlər. Vegetarianların yumurta və süd məhsulları kimi qidaları qəbul etmələri, qida əskikliyi kimi problemlərlə qarşılaşma riskini nisbətən azaldır. Bugünkü yazımızda idmançı vegetarianların uyğun qidalanma rasionuna sahib olmaları üçün diqqət etməli olduğu məqamlardan danışacağıq.

Yumurta və süd məhsulları:

Ət və ya balıq yemirsizsə, keyfiyyətli proteinlər qəbul etmək üçün başqa mənbələr tapmalısınız. Yaxşı xəbər budur ki, yumurta və süd məhsulları əla protein qaynaqlarıdır. Bundan əlavə rahatlıqla həzm edilirlər.

İndiyə kimi yəqin ki proteinin idman performansı üçün vacib qida olduğunu eşitmisiniz. Hətta, idmançılara hər 13 kiloqramlıq bədən ağırlıqları üçün protein miqdarını 2,8 qrama kimi artırmalarını tövsiyə edirlər. Yumurta və süd məhsulları qəbul etmək çox vacibdir. Qida rasionunuzdan əti və balığı çıxarmısızsa, ən azından hər gün yumurta və süd qəbul edin. Həftə ərzində yediyiniz yumurta miqdarının çox olduğunu düşünürsüzsə, narahat olmağa dəyməz.

Omega-3 yağ turşuları:

Yağlı balıq omega-3 yağı baxımından çox zəngindir. Onu qidalanmanızdan çıxardıqda, əlbəttə yerinə keçə biləcək bir qida tapmalısınız. Bu qida turşuları əzələ yaralanmasını və iltihabı azaltmağa kömək edirlər. Daha bir yaxşı xəbərimiz var; bu qida maddəsini bitki mənşəli yağlardan və fındıqdan əldə edə bilərsiniz.

Söhbət yağlardan gedirsə, onları çiy qəbul etmək və yüksək dərəcəli istilikdən uzaq saxlamaq lazımdır. Yağ çox qızanda doymuş yağa çevrilir. Belə  olduğu təqdirdə bu qida maddələri əzələləri bərpa etməyə deyil, onları korlamağa xidmət edir. Həmçinin, omega-6 yağ turşularının qəbuluna da diqqət etməlisiniz. Çünki bu yağ turşuları doymuş qidaların tərkibində də olur. İdeal olanı omega-3 və omega -6 arasında balans yaratmaqdır. Balans əsasən ikincinin çox qəbul edilməsi ilə pozulur. Vegetarian olmaq yolunu seçmisizsə, üstəlik mütəmadi idmanla məşğul olan birisinizsə, qidalanmağınız daim diqqət mərkəzində olmalıdır. Çünki əzələ inkişafını dəstəkləyən, yaralanma və iltihablaşmanın qarşısını alan qidaları tapıb qida rasionunuza daxil etməlisiniz. Heç şübhəsiz ki, bunun üçün ən yaxşı seçim bir mütəxəssisdir.

Həmçinin veqan və vegetarianlar üçün satışda xüsusi qidalar var. Bu qidalar da qidalanmağınızda sizə çox böyük kömək edə bilərlər.