Protein qarışığı içmək faydalıdırmı?

Protein qarışığı istənilən idmançının pəhrizində əsas qidalardan biridir. Həm məşqdən əvvəl, həm sonra qəbul edilə bilən bu qarışımlar etdiyiniz məşqlərdə daha yaxşı və tez nəticə almağa kömək edir.

Protein qarışımları idmançılar arasında çox məşhur əlavə qida maddələridir. Bu təkcə onun tez effekt verməsindən qaynaqlanmır, həmçinin, qəbul etmək daha asan və ləzzətlidir.

Sadə bir dildə desək, protein qarışımları idmançıların gündəlik qəbul etməli olduqları enerji maddələri ilə zəngin olur. Və istənilən idmançı gündəlik qəbul etməli olduğu enerji miqdarını qidalardan ala bilmədiyi üçün (pəhrizi çox yeməyi qadağan etdiyinə görə) bu qarışımlarla həmin maddələri qəbul edə bilir. Çünki maddələr orqanizmə maye halında daxil olur və parçalanması, bölüşdürülməsi daha sürətli baş verir.

Bütün hallarda protein qarışımlarının hər biri fərqli tərkibli olduğu üçün onlar haqqında ümumi danışmaq düzgün deyil.

Protein qarışımını qəbul etmək üçün ən uyğun vaxt hansıdır? Protein qarışımları sadəcə lazım və vacib olduğu halda, yəni məşq edib gündəlik qidalanmanızdan lazımı qədər enerji maddələri qəbul edə bilmədiyiniz halda qəbul edilməlidir. Əks halda, faydalı olmadığı kimi, bədəninizdə yağ təbəqəsi kimi depolanacaq. Protein qarışımlarından ən düzgün şəkildə faydalana bilməyiniz üçün sizə ən uyğun vaxtlar haqqında məlumat verəcəyik.

 Məşqdən sonra. Protein qarışığını içmək üçün ən mükəmməl vaxtdır. Bədənin enerjisi yoxdur, ağır məşqdən sonra bədənin qidalanmağa ehtiyacı var. Belə məqamda əzələlərinizə verə biləcəyiniz ən mükəmməl qida yüksək miqdarda protein dozasıdır.  Bu, əzələlərinizin onları daha faydalı qəbul edəcəyi və daha effektli olacağı andır. Daha effektli olmağını istəyiriksə, bu qarışımları banan, quru meyvələr, yaxud kivi kimi kaliumla zəngin qidalarla birlikdə qəbul etməliyik.

Məşqdən əvvəl.  Bu anda protein qarşımı içmək məşqdən sonra içmək qədər effektli deyil. Sadəcə çox ağır məşq edənlər üçün məşqdən əvvəl protein qarışığını içmək məsləhətə uyğundur.

Diqqət edilməli məqamlar. Çox ağır məşq edirsinizsə, qəbul etdiyinizlə itirdiyiniz enerji miqdarı balanslı deyilsə, mütləq şəkildə protein qarışığı içməlisiniz. Yuxarda da qeyd etdiyimiz kimi, protein qarışığı içmədən bu enerji maddələrini normal qidalardan qəbul etmək istəsəz, həddən çox yeməli olacaqsız.

Protein qarışımları qaydalı və normada qəbul edilməlidir. Protein tozlarını aldığınız mağazalar çalışın işinin əhli və markalaşmış mağazalar olsun. Və heç bir halda qulaqdan dolma məlumatlarla protein qarışığı istifadə etməyin. Mütləq professional biri ilə məsləhətləşin.