Necə məşq etməli

Planlı bir məşq rejiminiz varsa, etdiyiniz idmanın nəticəsini tezliklə görəcəksiniz. Bu gün sizə ən yaxşı məşq rejimini seçməyə kömək edəcək və bütün məşq rejimlərində olmalı bəzi ipucları verməyə çalışacağıq.

Gündəlik məşq qaydalarınızı özünüz üçün planlamamasızsa, idman salonuna getməyinizin elə bir əhəmiyyəti yoxdur. Çünki hər idman zamanı rejiminizə daxil edilməli bəzi əsas məşqlər toplusu var. Başlayaq!

İsinmə. İdmana başlamazdan əvvəl əzələlərinizin istənilən formaya gələ bilməsi üçün təməl isinmə hərəkətləri etməlisiniz. Bunu qaçış aparatı, velosiped yaxud eliptik velosipedlə edə bilərsiniz. İsinmə üçün çox vaxt sərf etməyinizə ehtiyac yoxdur. Əsas olan əzələlərinizin açılması üçün lazımı qədər məşq etməyinizdir.

Ağırlıq qaldırma. Çəki itirmək və əzələlərinizə daha sıx bir görkəm verməyə çalışırsınızsa, ağırlıq qaldırmaq çox ideal seçimdir. Qadınlar əksər hallarda ağırlıq qaldırmaqdan uzaq qaçırlar, elə düşünürlər ki, zərifliklərini itirib əzələli bir bədənə sahib olacaqlar. İnanılanın əksinə qadınlarda testosteron hormonunun kişilərdən az olması ağırlıq qaldırmanın onlarda əzələlərin şişib böyüməsinə yox, sıxlaşmasına və çəki itirməyə kömək etdiyi müşahidə edilir.

Kardio. Ağırlıq qaldırdıqdan sonra kardio məşqləri ilə məşğul olmağınız ideal addımdır. İstər ağırlıq qaldırmanın, istərsə də hansı kardio məşqlərin sizin üçün uyğun olacağını məşqçinizdən soruşa bilərsiniz.

Gündəlik məşq rejiminizdə 20 dəqiqə kardio məşqləri etsəniz, daha çox effektini görəcəksiniz.

Dartınma. Məşq rejiminizin olmazsa olmaz parçasıdır dartınma. Dartınma hərəkətləri əzələlərinizi açır, əzələ dartılması və yırtılması kimi yaralanmaların qarşısını alır.

Sağlam qidalanma. Gündəlik bir məşq rejiminiz varsa, bu rejimin əsas tamamlayıcısı qidalanmanızdır. Qidalanmanıza diqqət edib, sağlam bir pəhrizə başlasanız, həm istədiyiniz görünüşə, həm də sağlam bir orqanizmə sahib olacaqsınız.

Yazımızın əvvəlində də qeyd etdiyimiz kimi, bu ipucları bütün məşqlər üçün uyğundur. Əsas olan qarşınıza bir məqsəd qoymalı və hədəfinizə çatanadək dayanmadan çalışmalısınız. Bu məşqləri hər kəs edə bilər, asan olmaya bilər, amma məqsədinizə çatmaq üçün cəhd edəcəyinizdən əminik.