Musiqinin məşq performansına inanılmaz təsiri

Musiqi dinləmək, idmanda performansı artıran güclü reflektordur. Musiqi dinləyəndə beyin, ruh halını yaxşılaşdıran və rahatlama duyğuları oyandıran maddələr istehsal edir.

Həmçinin, musiqi dinləmək tədris prosesində də motivasiya yüklü psixoloji təsirə malikdir.  Lakin musiqinin verdiyi psixoloji təsir insanların fiziki qabiliyyətlərini artırmır. Yəni musiqi dinləyərək fiziki gücünüz artmayacaq, sadəcə fiziki güc tətbiq etməyə həvəsiniz artacaq.

Musiqinin aerobik məşqlərə təsiri

Aerobik məşqlərdə əsasən ürək damar sisteminə təzyiq olunur. Aerobik məşqlərə misal olaraq, qaçış, üzmək və ya velosiped sürməyi misal çəkə bilərik.

Birincisi, musiqi, aerobik məşqlərdə fikir dağıtmaq rolunu oynayır və beləliklə, yorğun hissini azaldır. Bunun səbəbi, zehnin fiziki əmək sərf edəndə xoş olmayan fiziki hisslərə deyil, mahnının söz və musiqisinə fokuslanmasıdır.

International Journal of Sport Medicine-də yayımlanan bir məqalədə, velosipedçilərlə aparılan təcrübələr göstərib ki, musiqi dinləyərək velosiped sürənlərin sürəti və pedal çevirmə sıxlığı daha yüksəkdir.

Bu əlamətlər məşqçilər üçün vacibdir.  Musiqinin yorğunluğu azaltması faktı onun bir şəkildə məşq proqramına daxil edilməsinə şərait yaradır.

Musiqinin anaerobik məşqlərə təsiri

 Anaerobik məşqin əsas nümunəsi kimi güc məşqlərini göstərə bilərik. İstər ağırlıq qaldırmaq olsun, istərsə öz bədəninizin ağırlığı ilə məşqlər olsun, əzələ və oynaqlara güc tətbiq edilir.

Journal of Motor and Perceptual Skills- də yayımlanan bir araşdırmaya görə, musiqi dinləyən anaerobik idmançılar, musiqi dinləməyənlərə nəzərən daha dözümlüdür. Bu da onu göstərir ki, musiqi psixoloji olaraq motivasiya etməklə bərabər, üstəlik dözümlülüyü artırmağa da kömək edir.

Musiqi dinləmək idman performansını artırır

Musiqi dinləmək kimi adi bir hadisənin idman və məşq üzərində güclü təsiri bəlkə də çoxları üçün təəccüblü ola bilər.

Lakin bütün musiqi növlərinin eyni effekti yaratmadığını vurğulamaq lazımdır. Hər məşq növünü motivasiya edəcək fərqli musiqi növləri və janrları mövcuddur. Edəcəyiniz məşq növündən asılı olaraq musiqi “playlist”inizi özünüz hazırlaya bilərsiniz.

 Son olaraq, musiqinin idmana başqa təsirləri də mövcuddur; ruh halını yaxşılaşdırır, fiziki fəaliyyət üçün həvəs yaradır – bir sonrakı məşqdə ən sevdiyiniz rok musiqisi ilə məşq edin və əvvəlki ilə müqayisə edin.