İdman zalını seçərkən nələrə diqqət etmək lazımdır

Gün boyu biz müxtəlif işlərlə məşğul oluruq. Bu səbəbdən də öz vücudumuza lazımı diqqəti ayıra bilmirik. Bəzi səbəblərlə əlaqədar olaraq fiziki baxımdan passivləşə, bu zaman səhhətimizdə fəsadlar ilə qarşı-qarşıya dura bilirik. Bununla əlaqədar olaraq mütəxəssislər tərəfindən həftədə azı ilə iki-üç gün məşq etmək məsləhət görülür. Bir çoxumuz yalnız səhhətimizdə problem olduğu zaman mütəxəssislərin məsləhətinə əsasən idmana yönəlirik. Lakin, biz məcburiyyətdən deyil, öz sağlamlığımız üçün mütəmadi olaraq idmanla  məşğul olmalıyıq.     

İdmana başlamaq qərarını almaq bizlər üçün elə də asan olmaya bilər. Hətta, qərar qəbul edib sonra qərarımızdan döndüyümüz zamanlar belə olur. Mövzuya ciddi yanaşmağın bəlkə də tam zamanıdır. Əsas məsələ idmana başlamaq səbəbimizi aydınlaşdırmaqdır. Bəzən bu səbəbi qəbullana bilmirik. Lakin bu səbəbi qəbullanmaq bizim addım atmağımıza kömək edəcəkdir.

İdmana başlamaq bizim üçün ciddi qərar hesab olunur. Bu qərarı qəbul edə bilməməyimizin əsas səbəbi isə beynimizdə cavablanmamış sualların mövcudluğudur. Bu suallara cavab tapdığımız zaman idmana başlamaq daha asan olacaqdır. Bu sualları aradan qaldırmaq üçün araşdırmalar aparmalı, daima axtarışda olmalıyıq. Bizim fikrimizi qarışdıran əsas məsələlərdən biri də hansı idman zalında məşqə başlamaq məsələsidir. İdman zalı seçmək bizim üçün nə qədər adi hal hesab olunsa belə bu heçdə belə deyil. Ən əsas məsələlərdən biri düzgün idman zalına yönlənməkdir. Düzgün idman zalına müraciət etmədiyimiz zaman bir müddət sonra bunun fəsadları ilə qarşılaşa bilərik. Lakin idman zalı seçdiyimiz zaman nələrə diqqət yetirməli olduğumuz böyük önəm daşıyır. Peşəkarlar tərəfindən idman zalı seçdiyimiz zaman bunlara diqqət yetirmək məsləhət görülür:

Yaxın məsafədə yerləşən zallara üstünük verin.

İdmana başlamağı qərar verdikdən sonra idman zalını seçmək ilkin məsələlərdən biridir. Zal seçərkən ən əsas məsələlərdən biri zalın harada yerləşməsidir. Evden maksimum 10-15 dəqiqə uzaq məsafədə yerləşən  zallara üstünlük vermək məqsədə uyğundur. Çünki, zala rahat şəkildə gedə bilsək belə məşqdən sonra yorğun olduğumuz üçün evə qayıtmaq elə də asan olmaya bilər. Bu ilkin zamanlar asan olsa belə sonradan motivasiyamızın enməsinə səbəb ola bilər. Həmçinin, yaxın məsafədə yerləşən idman zalları bizim üçün sadəcə fiziki cəhətdən deyil,  həm də iqtisadi cəhətdən üstünlüyə malikdir. Bu üstünlüklərə əsasən yaxında yerləşən idman zalına yönəlmək bizim üçün daha faydalıdır.      

İdman zalının fəaliyyət göstərdiyi saata diqqət edin.

Zalı seçdiyimiz zaman onun fəaliyyət saatına diqqət yetirmək bizim xeyrimizədir. Məlumdur ki, hər birimiz gün ərzində müxtəlif fəaliyyətlərlə məşğul oluruq. Bu səbəbdən hər hansı bir zala yönəldiyimiz zaman onun iş qrafikinə də diqqət yetirməliyik. Həmçinin, istirahət və bayram günləri fəaliyyət rejiminə diqqət yetirmək məqsədə uyğun olar. Çünki, bir çoxumuz istirahət günləri idmanla məşğul olmağa üstünlük verir.  Əgər idman zalına getdiyiniz zaman idman zalının fəaliyyət göstərmədiyini və ya bağlanmağa hazırlaşdığını görsəniz xəyal qırığlığı ilə qarşılaşa bilərsiniz. Bu səbəbdən də idman zallarının fəaliyyət göstərdiyi saata diqqət yetirmək  bizim xeyrimizədir. Hətta mütəxəssislər tərəfindən imkan daxilində günün birinci yarısı idmanla məşğul olmaq məsləhət görülür.

Sizin üçün ən uyğun idman zalını seçərkən, zaldakı idman avadanlıqlarını gözdən keçirməyi unutmayın.

İdman zalına müraciət etdiyimiz zaman ilkin olaraq etməli olduqlarımızdan biri də idman avadanlıqlarını nəzərdən keçirməkdir. İdman zalına daxil olmadan məşq proqramımızı təşkil etmək  daha düzgün seçim olar. Bu zaman hansı idman alətlərinə ehtiyacımız olduğunu bilib, boşuna zaman itkisi yaşamalı olmarıq. Crossfit ilə məşğul olacağımız zaman ilk diqqət yetirməli olduğumuz qantellər, çəki daşları və ştanqlardır. Hər çəkidə idman alətinin olması bizim xeyrimizədir, çünki yeni başladığımız zaman mütəxəssislər ilkin olarq yüngül çəkilərlə məşqə başlamağımızı məsləhət görürlər. İlkin zamanlar aşağı çəki ilə məşqə başlamaq və isinmə hərəkətlərində də onlardan istifadə etmək daha faydalı hesab olunur. Əgər ağır çəkilərlə məşqə başlasaq bədənimizin zədələnmə ehtimalı yüksək olacaq. Cardio və ya ağırlıq məşqinə üstünlük veririksə bu zaman biz alətlərin keyfiyyətinə, funksiyalarına diqqət yetirməliyik. Çünki, bu məşq növlərində bütün əzələlərimizin fəaliyyət göstərməsi önəm daşıyır. Həmçinin, məşqə yeni başlayırsınızsa cadio məşqə xüsusi olaraq diqqət yetirilməli olunduğu mütəxəssislər tərəfindən qeyd edilir. Bu səbəbdən də stepper və qaçış qurğularının rolu əhəmiyyətlidir.  Axı onlarsız cardio məşqi etmək necə mümkündür.

Otaqlar ilə yaxından tanış olun.

Zala daxil olduğumuz zaman məşq proqramımıza uyğun olaraq onun yoqa, aerobika, pilates ilə məşğul olunan  otaqları ilə tanış olmaq da əhəmiyyətli məsələlərdən biridir. Həmçinin, artıq bir çox zallarda ayrıca hamam, sauna, masaj otaqları da fəaliyyət göstərir. Bu otaqlar həm adi, həm də xüsusi müştərilər üçün bölünürlər.  Bizim diqqət yetirməli olduğumuz məqam bu otaqların keyfiyyəti  və qiymətidir. Bizə uyğun olan otaqları seçmək bizim üçün daha yararlı olacaqdır.

Tanıdığınız və yaxud peşəkarların çalışdığından əmin olduğunuz zallara üstünlük verin.

İdman zalına yönləndiyimiz zamanı önəmli nüanslardan biri də məşqçi seçimidir. İdmana yeni başladığımız zaman peşəkarlar ilə məsləhətləşmək və onlarla proqramı təşkil edib, məşq etmək məsləhət görülür. Məşqçi seçimi bizi səhv yönləndirə biləcəyi üçün bu seçim zamanı diqqətli olmalıyıq. Məşqçi seçimində tələsməyə ehtiyac yoxdur. Ətraflı şəkildə onun nailiyyətləri ilə tanış olmaq məqsədyönlüdür. Əgər ağlınızda hər hansı bir məşqçi varsa onun fəaliyyət göstərdiyi zala müraciət etməyiniz sizin üçün daha faydalı ola bilər. Həmçinin, indiki dövrdə bir çox peşəkar online şəkildə də fəaliyyət göstərir. Əgər onun yerləşdiyi zala getməyiniz mümkün deyilsə, o zaman onunla məsləhətləşib online rejimdə də məşqi davam etdirə bilərsiniz.

Təmizliyin lazımı şəkildə olduğuna əmin olun.

İdmana başlamaq səbəblərimizdən biri sağlam yaşamaqdır. Bu təqdirdə zalın təmizliyinə də diqqət yetirməliyik. Çünki, gigiyenik cəhətdən gözləntilərimizi qarşılamayan zal bizim sağlamlığımız üçün təhlükə yarada bilər. Bu səbəbdən də, zalın və idman alətlərinin təmizliyinə xüsusi diqqət yetirilməlidir.

İdman haqqında demək olar ki, hər birimiz müəyyən məlumatlara sahibik. İlk zamanlar idman zalında peşəkar ilə məşq mütəxəssislər tərəfindən məsləhət görülür. Lakin bu o demək deyil ki, yalnız idman zalında idmanla məşğul ola bilərik. Seçim bizimdir. Yerindən asılı olmadan əsas məsələ idmanla məşğul olmaqdır. Harada və hansı məşqi etməyimiz bizim seçimimizdir. Amma əsas məsələ düzgün şəkildə məşq etməkdən ibarətdir. Özümüzü nəyəsə məcbur etməyə gərək yoxdur. Əsas məsələ bizə rahat şəkildə məşq etmək , mütəmadi olaraq idmana həyatımızda yer ayırmaqdır. Bəs siz necə hansı şəraitdə idmanla məşğul olmağa üstünlük verirsiniz? Sizcə hansı üsul daha faydalıdır?