![Hiking zamanı diqqət edilməli məqamlar](https://esport.az/uploads/posts/hiking-zamani-diqqet-edilmeli-meqamlar.jpeg)
Hiking zamanı diqqət edilməli məqamlar
Hiking ətraf aləmin dadını çıxara bilməyin əla yollarından biridir. Bu fəaliyyət qrup üzvlərinin yaşına və şəxsi keyfiyyətlərinə uyğun təşkil edilə bilər. Hiking-ə başlamazdan əvvəl, hava şəraitini, avadanlıqlarınızı və gedəcəyiniz ərazini nəzərdən keçirməyi unutmayın.
Hiking-i mümkün olan ən yaxşı şəkildə tamamlaya bilmək üçün, təcrübə əskikliyinizi ortadan qaldıracaq bir neçə məsləhətə ehtiyac duya bilərsiniz. Bu, hər hansı bir gözlənilməz hal yaşanmadan, hiking-dən zövq almağınıza kömək edəcək.
İstiqamətinizi planlayın
İstiqamət planlamaq, hansı istiqamətin sizə uyğun olduğunu qərarlaşdırmağınıza və hansı çətinliklərin sizi gözlədiyini bilməyinizə kömək edəcəyi üçün vacib məqamlardan biridir.
Buna görə də edəcəyiniz ən yaxşı şey, gəzintiyə çıxmazdan əvvəl seçdiyiniz istiqaməti bir xəritə və ya plan vasitəsilə araşdırmaqdır. Bu təxminən sizə nə qədər yol gedəcəyinizi, bu yolda nə qədər vaxt sərf edəcəyinizi, ümumi ərazinin şərait və vəziyyəti haqqında məlumat sahibi olmağınıza kömək edəcək.
Planlamalı olduğunuz digər əsas faktor, tarix və saatdır. Bu hiking zamanı həmin ərazidəki hava şəraitini bilməyiniz və ona uyğun tədarük görməyiniz üçün vacibdir. İsti yay saatlarından və gecə gəzintisindən qaçmağınız məqsədə uyğundur.
Getdiyiniz yolda keçməli olduğunu su hövzəsi olacaqsa, suyun daha dayaz olduğu mövsüm vaxtını seçin.
Qrupla birlikdə hiking etmək həmişə ən yaxşısıdır. Çünki qarşılaşdığınız ən kiçik problemdə belə qrupdakılardan kömək istəyə bilərsiniz. Ən ideal qrup gəzintisi 3 nəfərlə olandır. Hər hansı yaralanma halında, bir nəfər kömək üçün gedəndə, digəri yaralının yanında qala bilər.
Qrupla birlikdə hiking etmirsizsə, o zaman gedəcəyiniz istiqaməti mütləq yaxınlarınızdan, etibar etdiyiniz biri ilə bölüşün. Beləliklə, başınıza bir iş gəlsə, sizlə əlaqə saxlamaq mümkün olmasa, həmin şəxs sizin yerinizə kömək istəyə və verdiyiniz istiqamət planına uyğun sizi daha tez tapa bilər.
Kürək çantanızı hiking üçün hazırlayın
Çantanızda nə daşımalı olduğunuzu mütləq şəkildə müəyyənləşdirin. Bu hiking müddətinə uyğun dəyişir. Bir neçə saat davam edən yollar üçün, gərəkli ləvazimatlar bunlar ola bilər:
- Su. Su miqdarı, temperaturdan və hiking zamanı sərf olunan gücdən asılıdır. Ancaq adam başına litr yarım su içilməsi ən uyğun miqdardır.
- Qida. Həddən çox qida daşımaq lazım deyil. Çünki hiking əsnasında çox yük daşımamaq kimi, çox yeməmək də tövsiyə edilmir. Enerji çubuqları almaq yaxşı seçim ola bilər.
- Telefon. Təcili vəziyyətlərdə birini məlumatlandırmaq və rahat tapıla bilmək üçün əlverişlidir. Gəzintiyə çıxmazdan əvvəl batareyasının tam dolduğundan əmin olun. Yolunuz uzundursa, batareya ömründən qənaət edə bilmək üçün telefonunuzu söndürün.
- Fit. Bir problemlə qarşılaşanda fit ətrafdakıların sizi daha rahat tapmasına kömək edəcək. Və qışqırmaqdan daha az enerji sərf edəcəksiniz.
- Kiçik ölçülü bıçaq. Uzun təbiət gəzintilərində yanınızda kəsici alətin olmağı işinizə çox yarayacaq. Amma diqqətli olun ki, fərqli ölkələrdə bıçaq gəzdirmək üçün qanuni icazəniz olmalıdır.
- Fənər. Hava qaralanda və gözlənilməz hadisələrdə çox faydalıdır. Hiking üçün ən ideal fənər baş fənəridir. Beləliklə, əlləriniz sərbəst qalar.
- Günəş kremi. Xüsusilə, yay aylarında, eyni zamansa ilin istənilən mövsümündə, istiqamətiniz dəniz səviyyəsindən müəyyən yüksəklikdədisə, çox faydalıdır.
Rahatlıqla daşına bilməsi üçün, ideal ağırlığın 9-13 lb aralığında dəyişdiyini unutmayın. Əks halda daha ağır çanta hiking zamanı problem yarada bilər.
Təməl ehtiyaclar olan təcili yardım çantası
İlk yardım çantasının asanlıqla tanına bilməsi çox vacibdir. Çünki bir qəza halında digərləri onu asanlıqla tapmalıdır. Müəyyən vəziyyətlərdə islanmaların qarşısını almaq üçün tibbi vasitələrinizi plastik paketə də qoya bilərsiniz.
Uyğun geyim və ayaqqabı
Hiking üçün ayaqqabılarınızın aşağıdakı xüsusiyyətləri olmalıdır:
- Yan, ayaq barmağı və daban qoruması
- Aşınmaya dayanıqlı xarici material
- Lazım olan qalınlıqda və yarı sərt topuqlu daban
Hiking zamanı geyim seçərkən üç qatlı qaydanı izləməlisiniz:
- Qışda ilk qat olaraq tərləməyə kömək edən və asan quruyan sintetik materialdan T-shirt. Yay aylarında isə sintetik materialdan hazırlanan geniş T- shirt.
- İkinci qat pencəkdir. Ümumilikdə yun və açılıb bağlanan ikinci qat daha uyğundur. Çünki hiking zamanı bədəninizi havalandırmaq ehtiyacı duya bilərsiniz. Yay aylarında daha nazik bir pencək seçməyiniz məqsədə uyğundur.
- Üçüncü qat, əsasən qış aylarında su keçirməyən pencək ola bilər. Yay aylarında isə hər hansı fırtına ehtimalına qarşı çantanızda daşına bilən küləkdən qoruyucu qat ola bilər.
Nəticə etibarı ilə hiking-də diqqət edilməli tək məqam ayaqlar deyil, yuxarıda qeyd etdiyimiz məqamları nəzərə alsanız daha uğurlu və əyləncəli hiking edə bilərsiniz.