Hər gün 10 min addım ata bilməyin yolları

“Fit” qalmaq üçün gündə 10 min addım yeriməyin, məsləhət edilən minimum rəqəm olduğunu bilirdinizmi?  Bu məsləhətə qulaq asmaq istəyəndə bunun əslində necə çətin olduğunu görəcəksiniz. Bugünkü yazımızda gündəlik 10 min addım yeriməyinizi asanlaşdırmağın yollarını sizinlə bölüşəcəyik.

Niyə gündə 10 min addım?

Gündə 10 min addım nəzəriyyəsi 60-cı illərdə Yaponiyada meydana çıxdı. O dövrdə Hatano adlı bir həkim, Yaponiyada kilolu insanların sayında artım olduğunu müşahidə etdi.

Yaponların gündəlik həyatlarını eksperiment edərkən həkim Hatano, yetkin şəxslərin gün ərzində 3500 - 5000 addım ilə yerdiklərini müşahidə etdi. Daha sonra yetkin şəxsin sağlam həyat tərzi üçün gündəlik yeriməli olduğu addım sayını hesabladı.

Hatano apardığı təcrübələrlə gündə 10 min addım yeriməyin 500 kalori yandırdığı nəticəsini əldə etdi. Bu rəqəm obez şəxslərdə gözlə görüləcək şəkildə çəki itirilməsinə kömək edəcək, həm də ölkədə artıq çəkili şəxslərin sayını azaldacaqdı.

1964-cü ildə Tokio Olimpiya oyunlarına ev sahibliyi etdi. Bu müddət ərzində sağlam vərdişlərin əldə edilməsi və sağlam həyat tərzi üçün maarifləndirmə işlərinə başlanıldı. Həkim Hatanonun da nəzəriyyəsi bu dövrdən dünyada məşhurlaşdı.

Formada qalmaq üçün gündə 10 min addım kifayətdir?

10 min addım şəxsin normal çəkisini qoruya bilməsi üçün gündəlik etməli olduğu fiziki aktivliyin minimum sayıdır.

Bu rəqəm şəxsin metabolizm sürətinə görə dəyişə bilər. Məsələn, yaşlı bir şəxsin, gündə 10 min addım atmağı, xüsusilə, əzələ - sümük sistemində hər hansısa narahatlığı varsa,  çox ola bilər.

Əlavə olaraq, minimal kalori sərf etməyə kömək edən təməl fiziki aktivlikdən söhbət gedir. Və çəkinizi nəzarətdə saxlamağınıza kömək etdiyi üçün, proses bir az vaxt apara bilər. Hədəfiniz arıqlayıb, əzələ kütləsinə sahib olmaqdırsa, 10 min addımlıq proqram ehtiyaclarınızı qarşılamaya bilər.

Bununla bərabər, 10 min addım nəzəriyyəsi ümumən insanların daha aktiv bir rejimi mənimsəmələri üçün motivasiya mənbəyidir. Sağlam həyat tərzi üçün gündə 30 dəqiqə yerimək məsləhət edilir. İstər tək səfərdə 10 min addım atın, istərsə də, məqsədlərinizə çatmaq üçün bu rəqəmi bölün.

Gündə 10 min addım atmağın 4 yolu.

Digər bütün fiziki aktivliklərdə olduğu kimi, 10 min addım yerimək üçün də istiqrar lazımdır. Aşağıda bu məqsədə çata bilməyiniz üçün sizə 4 yol göstərəcəyik, ancaq ən yaxşı nəticələri almağınıza kömək edən yenə də sizin iradəniz olacaq.

Saatda maksimum addım sayınızı artırın

Günümüzün ən böyük problemi vaxtımızın az olması və daim harasa tələsməyimizdir. Buna görə də gündəlik 10 min addım atmaq üçün hər saat başı atdığınız addım sayını artırın. Gedəcəyiniz yolları uzada, yaxud eyni yerdə bir neçə dövrə vura bilərsiniz.

İş saatlarında addımlarınızı tamamlayın.

Boş vaxtı olmayanlar üçün, gündəlik 10 min addımı işdə tamamlamaq ideal seçimdir. İş daxilində gün ərzində 1200 addım ata bilərsiniz. Təcrübədə bu  hər saat başı 15 dəqiqə yeriməyiniz deməkdir.

Gündəlik addım sayınızı 3 yerə bölün.

Bu metod, daha sağlam və aktiv rejim, həmçinin, zehni rahatlıq üçün də idealdır. Gündəlik addım hədəflərinizi 3 yerə bölərək; səhər, günortadan sonra və gecə, metabolizminizi daim aktiv saxlayarsınız.  20 dəqiqəlik yüksək yoğunluqlu tempdə 3000 ilə 3500 arası addım ata və 3 mərhələdə gündəlik yeriməli olduğunuz addım sayını tamamlamış olarsınız.

İtinizlə (varsa) yeriyin.

İtləri olan insanların daha sağlam olmağa meyilli olduqlarını bilirdinizmi? Duyğusal tarazlıqdan əlavə, bir itinizin olması daha aktiv həyatınız olmasına kömək edəcək. Buna görə də itiniz varsa, gündə 10 min addım atmağınız daha da asanlaşacaq.

Fiziki aktivliyinizə yeniliklər əlavə etməzdən əvvəl həkiminizlə məsləhətləşin və unutmayın çəkinizi nəzarətdə saxlamaq istəyirsizsə, qidalanmağınıza da fikir verməlisiz.