Hamiləlik dövründə edə biləcəyiniz 5 pilates məşqi

Normal şərtlərdə hamiləlik dövründə pilateslə məşğul olmağınızın heç bir problemi yoxdur. Əsasən pilatesin hərəkətlilik və rahatlamaq üzərindəki nəticələrini ən yaxşı altıncı aydan sonra görməyə başlayacaqsız. 

Birinci məşq

Bu hərəkətə başlamaq üçün, yanı üstə yerə uzanmalısınız. Dizlərinizi açıb birləşdirin. Qolunuz yanınıza uzanmış şəkildə açıq dursun. Nəfəs alarkən qolunuzu yerlə 90 dərəcəlik bucaq yaradacaq şəkildə fırladın. Nəfəsinizi verərkən qolunuzu təkrar çevirin başlanğıc vəziyyətinə qayıdın və ovcunuzu yerə söykəyin. 

İkinci məşq

İkinci hərəkət hamiləlik dövründə xüsusilə diqqət edilməli olan bel və onurğaya yaxşı təsir edir. Bu hərəkəti etmək üçün dizləriniz üstündə yerə çökün.

Ardınca önünüzə balaca bir top və ya dəzgah yerləşdirin. Bu məşqdə qollarınızı önünüzə doğru uzatmalı, önünüzə qoyduğunuz nəsnəyə dəyənə qədər bədəninizi aşağı endirməlisiniz. 

Diqqət etməli olduğunuz iki məqam var; ayaqlarınız qarnınızın sığışa biləcəyi bir yer yarada bilmək üçün bir-birindən aralı olmalıdır. Qollarınızı dartmamalısınız, hərəkəti etdiyiniz müddət ərzində beliniz düz olmalıdır. 

Üçüncü məşq

Hamiləlik dövründə çanaq əzələlərinizi gücləndirməlisiniz. Bu pilates məşqi də buna xidmət edir. 

Ayaqlarınızın arasına top qoyun və yerə uzanın. Topu ayaqlarınızla sıxaraq yavaş nəfəslər alın və verin.

Çanaq əzələlərinizi möhkəmləndirmək üçün bu hərəkəti on dəfə təkrarlayın. Bununla bərabər qarın və ayaqlarınızın iç əzələlərini işlətmiş olacaqsınız. 

Dördüncü məşq

Bu hərəkətdə kürəyi üstə uzanın. Dizlərinizi açın. Çiyinlərinizi rahatladın. İlk olaraq dərin bir nəfəs alın və verəndə çanağınızı yuxarı qaldırın. Daha sonra daha bir dərin nəfəs alın və verən çanağınızı aşağı endirin. 

Bu hərəkəti 5-10 dəfə təkrar edin. İkinci hərəkət kimi bu məşq də kürəyinizin və qarnınızın ağırlığına görə çox işləyən əzələlərin rahatlamasına kömək edəcək. 

Beşinci məşq

Hamiləlik əsnasında edilən bir başqa pilates məşqi də pişik duruşudur və çox asan şəkildə edilir. Ovcunuzla özünüzə dəstək yaradaraq, dizlərinizin üstünə çökün. 

Başınızı onurğanızla bərabər şəkildə tutaraq, kürəyinizi donqar etmədən uzadın. Bu vəziyyəti alandan sonra yerə baxacaq şəkilə gələnə kimi çənənizi alçaldın. 

İlk olaraq dərin bir nəfəs alın. Nəfəsinizi verəndə qarnınızı içinizə doğru çəkin. 

Pilateslə məşğul olmuş xanımlar bu hərəkəti asanlıqla edəcək. İlk dəfə edirsinizsə düzgün şəkildə edənə qədər hərəkət üstündə çalışın. 

Bir ayağınızı açıb əks tərəfdəki qolunuzu irəliyə doğru uzatmalısınız. 5 saniyə sonra başlanğıc vəziyyətini qayıdın. Və bu hərəkəti digər ayaq və qolla təkrarlayın. Hər tərəf üçün 5 və ya 10 dəfə etməyiniz kifayət olacaq. 
 

Nəticə etibarı ilə pilates məşqləri hamiləlik dövründəki xanımlar  üçün faydalı olacaq. Pilates asan və çox çeşidli bir məşqdir. Bu yazımızda bəhs etdiklərimiz xaricində bir çox fərqli hərəkətləri də mövcuddur. Daha əvvəl heç pilateslə məşğul olmamısınızsa, elə indi sınamağınız tövsiyə edilir.