Aqua jogging nədir?
02-03-2020 858

Aqua jogging nədir?

Yaralanma riski olmadan idman etmək istəyənlər üçün sualtı qaçış (aqua jogging) əla variantdır. Aqua jogging əməliyyat edilmiş insanların reabilitasiya müddətində çox tövsiyə edilən və müraciət edilən idmandır. 

Sualtı qaçışı Olimpiya atleti Kelly Holmes sayəsində məşq növü kimi tanınmağa və yayğınlaşmağa başladı. 2000 Sidney Olimpiadasında  bürünc medal qazanmazdan əvvəl atlet yaralandı və orta məsafə yarışlarında iştirak edə bilmədi. Aqua jogging atletin yaralanmasını tez bir zamanda aradan qaldırmaqla beynəlxaq rəqabətdən zövq almağına kömək etdi.

Sadəcə professional idmançılar deyil, adi insanlarda yaşam səviyyələrini artırmaq üçün aqua joggingə üz tuturlar.

Aqua jogging su altında qaçış hərəkətlərindən ibarətdir. İdmanın tək şərti ayaqlar hovuzun platformasına toxunmamalıdır. Bu məşq növü dərin çay və göllərdə də reallaşdırıla bilər.

Zəminə toxunmadan qaçmaq, suyun içində dayanmaq oynaqlarda heç bir əks təsir göstərmir. Bunun üçün yaralanma riskiniz də olmur. Məşqin effektivliyi hərəkətlərinizin sürətinə görə yox, keyfiyyətinə görə müəyyənləşir. Məqsəd suyun müqavimət qüvvəsindən istifadə edərək əzələlərə forma verməkdir.

Aqua joggingdə ehtiyacınız olan sadəcə xüsusi bir kəmərdir. Belə kəmərləri onlayn səhifələrdən asanlıqla tapa bilərsiniz. Kəmərin əsas funksiyası doğru duruş və texnika üçün bədənin düzlüyünü qorumaqdır.

Ağciyərlərdəki hava sizi batmağa qoymadığı üçün rahat üzə bilirsiniz və bunun üçün xüsusi ekipaja ehtiyac duyulmur. Bununla bərabər, bu areobik məşqləri reallaşdırmaq üçün  ard-arda ən az 10 dəqiqə dayanmadan hərəkət etmək lazımdır.

Kəmər başınızı sudan kənarda saxlayacaq və çəkiniz qollarınızın ətrafında cəmləşəcək.

Aqua jogging üzmək deyil, adından da məlum olduğu kimi, qaçış hərəkətlərinin sudakı simulyasiyadır.  Sualtı qaçışda başınız yüngül şəkildə önə əyilmiş olmalıdır. Bədəninizin hərəkət edən qismi təkcə ayaqlar olmalıdır. Əllərinizin hərəkətinin qarşısını almaq üçün yumruqlarınızı sıxmaq doğru olardı.

Suyun müqavimətinə qarşı hərəkət etdiyinizdən yavaş hərəkət etdiyinizi düşünəcəksiniz, bu da normaldır. Sürət yox keyfiyyətin vacib olduğunu bir daha xatırladaq.

İdmanı düzgün şəkildə etsəniz bütün əzələləriniz məşq etmiş olacaq. Sualtı qaçışın oynaqlara heç bir zərəri olmadığı kimi, onları gücləndirməyə də kömək edir. Aqua jogging kuadriseps, qarın, yan qarın və kürək əzələlərinizə forma verməyə də kömək edir.

Bütün bu yazılanlara nəticə kimi, deyə bilərik ki, bütün idman növlərinə başlamazdan əvvəl mütləq mütəxəssisə müraciət edin. Və istənilən məşq növündə məşqdən əvvəl və sonra maye qəbulunu axsatmayın.

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?