Fitnes pəhrizi üçün super market alış-verişi

İdmançıların və idmanla həvəskar məşğul olan şəxslərin qidalanması fərqli və xüsusi pəhrizə uyğun olur. Və bu qidaların da satıldığı xüsusi markalaşmış mağazalar var. Amma adi super marketlərdən fitnes pəhriziniz üçün uyğun qidalar ala bilərsiniz. Bugünkü yazımızda bununla bağlı sizə bir neçə ipucu verəcəyik.

Həmişə təbii quru meyvələrə üstünlük verin. Hazırda istənilən super marketdə quru meyvələr bölməsi var. Həm çəki ilə, həm də paketlərdə satılır.

İdmanla məşğul olan insanlar üçün quru meyvələr çox faydalıdır.  Araşdırmalar göstərir ki, quru meyvələri qovurmadan, təbii halında yemək lazımdır. Qovrulmuş quru meyvələrlə birlikdə daha çox yağ və duz qəbul edirik. Amma çiy halı ilə yedikdə meyvələrin tərkibindəki bütün qida maddələrini qəbul edirik.

Quru meyvələrlə məşq aralarında qidalana bilərik, yaxud hazırladığımız hər hansı salat və şirniyyata da çox yaraşan qidalardır.

Yulaf istənilən fitnes pəhrizində olmalı klassik bir qidadır. Yulaf enerji və protein qaynağıdır. Bu qida hədəfinizə çatmaq üçün lazımı dayanıqlığı və doyumluluğu təmin edəcəkdir.

Yulafı istənilən marketdən tapıb ala bilərsiniz. Və normal marketlərdə markalaşdırılmışların əksinə cibinizə uyğun olacağının təminatını veririk.

Xüsusi pəhriziniz varsa soyuducunuzda mütləq yağsız ət olmalıdır. Yorğunsuzsa, tez hazırlana bilən və doyurucu nəsə istəyirsinizsə, yağsız ətlə hazırlanan qidalar əsl sizlikdi. Marketlərin ət bölməsindən istəyinizə uyğun qidanı tapacağınızdan əminik.

Hazırda istənilən super marketdə fit bölməsi var. Və ordan tərkibi daha az yağlı qatıqlar, proteinlə zəngin çubuqlar, protein barları və işinizə yarayacaq bir çox şey var.

Bu qidaların əsas avantajı marka marketlərdə satılan qiymətlərdən daha ucuz olmasıdır. Qısaca desək, normal super marketlərdən də pəhrizinizə uyğun qidalar tapıb sağlam həyat tərzi keçirə bilər və qarşınıza qoyduğunuz hədəflərə çata bilərsiniz.