Düzgün jim etməyin qadyaları

Məşq planında push-up (jim) olmaması çox nadir rast gəlinən haldır, ancaq bütün idmançılar bu hərəkəti maksimum məhsuldar və ya düzgün etməyi bacarmırlar. Bu məqalədə sizə düzgün jim etmək üçün qaydaları, həmçinin, səhv hərəkət etdiyiniz halda, yarana biləcək yaralanma risklərinin qarşısını ala bilmək üçün bir neçə vacib məqamlardan bəhs edəcəyik.

Jim həm idman zalında, həm də evdə məşqə başlayanlar üçün ortaq hərəkətdir. İnsanların jim etməyi yayğınlaşsa da, çox zaman düzgün texnikaya sahib olmadıqlarını görə bilərsiniz.

Əksər hallarda jim oynaqlar üçün əlverişli olmayan vəziyyətdə edilir. Bu, zamanla ciddi yaralanmalara, ağrılara səbəb olur. Unutmaq lazım deyil ki, daha az jim etmək və düzgün texnikaya sahib olmaq yaralanmaqdan daha yaxşıdır.

Aktiv bir şəkildə jim etmək üçün onun hansı əzələ qrupu üçün faydalı olduğunu bilməyiniz daha məqsədəuyğun olar. Bədəninizi tanımaq etdiyiniz məşqdən maksimum faydalanmağa kömək edəcək.

Jim, əsasən, sinə, qol və qarın əzələləri üçüm faydalı olsa da, bütün bədən üçün məşq edəndə məşq planınıza daxil edə biləcəyiniz hərəkətlərdəndir.

Düzgün jim edə bilmək üçün, doğru texnikaya sahib olmağınız vacibdir. Bəs doğru texnikaya necə sahib olmaq olar? Yazımızın bundan sonrakı qismində doğru texnika üçün vacib məqamları sizinlə bölüşəcəyik.

Qolların əhəmiyyəti. Qolların rolu burada kritikdir. Əllərinizi düz zəminə qoymalısız, biləklərinizi çiyninizin altına yerləşdirməlisiz. Bədəninizə məşq boyu kifayət qədər stabilliyi təmin edə bilmək üçün barmaqlarınızı açıq saxlayın. İşarə barmağınızın irəliyə doğru açıq olduğundan və əlinizin qalanının uyğun şəkildə yerləşdiyindən əmin olun.

Qollarınızı bükəndə əllərinizin vəziyyətinə diqqət edin. Bir çox insan alçalanda əllərini içəri doğru döndərməyə meyilli olurlar. Lakin bu dirsəklər üçün təhlükəli ola bilər. Unutmayın, rahatlığınız üçün əllərinizi döndərmək vacibdirsə, bunu xaricə doğru edin.

Qarnınızı sıx saxlayın. Jim təkcə qolları yox, bütün bədəni hərəkət etdirir. Bu da bu məşqi etmək üçün kürəyinizi, ombanızı, hətta, budlarınızı sıx tutmağınız mənasını verir. Bu güclü plank vəziyyətini ala bilmək üçün, qarnınızı sıx saxlamalısız. Bunu edərək, yarana biləcək bel ağrılarından və yaralanmalardan qoruna bilərsiniz.

Üst bədənin vəziyyəti. Bədəninizin idarəsini əldə tuta bilmək daim praktika istəyən məsələdir. Lakin jim edərkən ağlınız daim hərəkətlərinizdə olsun. Onurğanızı gücləndirmək üçün, ombanızı dik tutaraq irəlidə saxlayın.

Qollarınızı bükəndə kürəyinizi düz saxlamağı bacarmasaz, sadəcə plank hərəkəti ilə başlamağınız daha düzgün olar.

Qolları bükmək. Uyğun plank vəziyyətinə sahib olduqdan sonra, əllərinizi diqqətlə yerləşdirin. Kürəyinizi dik, qarnınızı sıx tutun. İndi qollarınızı bükməlisiz. Çiyinlərinizi qulaqlarınızdan uzaq saxlayın.

Uyğun bir jimin əsas məqsədi sinəni yerə endirməkdir. Çiyinlərinizi, bədəninizi endirəndə biləklərinizin üstündə olduğundan əmin olun. Güc, əsasən, qarın əzələsindən alınmalıdır, boyundan yox. Yuxarı qalxanda zəminə güc tətbiq edin.