Capoeria nədir? Rəqs, idman yoxsa döyüş?

Capoeira son 10 ildə trend rəqs halına gəlmişdir. Bu gün də insanların maraq dairəsindədir. Braziliyada yaranan rəqs növü kimi ifadə edilsə də, əslində belə deyil.  Əslində bu “idman” üçün konkret tərif yoxdur. Bu da capoeira haqqında daha çox şey bilmək istəyimizi artırır. Capoeiranı çox adam rəqs kimi tanısa da, əslində capoeira  döyüş sənətlərindən yaranmışdır.

Capoeira nədir? Məşhur bir Braziliya jurnalının redaktoruna görə, “Capoeira, aerobikanın tarazlıq və elastikliyini, rəqsin zəriflik və gücünü, güləşin sürət və zəkasını musiqi ilə birləşdirən vasitədir”.

Capoeiranın döyüş və rəqsin kombinasiyasından əmələ gəldiyi müzakirəsini nəzərə alsaq, hərəkətlərinin normaldan çox fərqli olduğunu düşünə bilərik. Capoeiranın Braziliyada yarandığını düşünsələr də, kökləri Afrikaya söykənir.

Hazırda fərqli musiqi növləri ilə capoeira ilə məşğul olan insanlar görsək də, orijinal capoeira berimbau (ənənəvi Afrika musiqi aləti) ilə olandır.

Capoeira rəqs kimi. Bəli, capoeiranın rəqs olduğunu düşünə bilərsiniz. Çünki hərəkətlər musiqi ilə və ritmlərlə həmahəng olmalıdır. Capoeira başlayanda insanlardan dairə əmələ gətirilir, musiqi başlayır, iki nəfər də “rəqsə başlamaq üçün” dairənin içinə daxil olurlar. Və rəqs başlayır. Digərləri alqış tutub, musiqi ifa edəndə iki nəfər də “döyüşür”.

Capoeira döyüş kimi. Bu capoeiranın əsas ifadə vasitəsi və yaradılmasının arxasındakı məqsəddir. Deyilənlərə görə, alçaldılmağa və idarəetməyə qarşı çıxmaq üçün qullar bu hərəkətlərlə məşq edərək, formada qalırmışlar.

Təməl hərəkətləri isə Anqolada gənc afrikalı kişilərin istifadə etdiyi bir növ istək rəqsindən əmələ gəlmişdir. Buna görə də qədim zamanlarda qul alanda bu hərəkətləri görmək normal qarşılanırdı.

Beləliklə, bu hərəkətlər qullar arasında yayğınlaşmış məşq növünə çevrilir və sonra azadlıqlarını əldə etmək üçün sahiblərinə qarşı istifadə edilir. Ən təməl hərəkətlərinin təpik olmasının səbəbi budur.

Capoeira idman kimi. Capoeiranın idman olduğunu da unutmamalıyıq. Bu idmanla məşğul olan şəxslərin necə sıx əzələlərə sahib olduğuna şahid ola bilərsiniz.

Capoeira hərəkətləri təkcə xarici əzələləri deyil, həm də daxili əzələləri işlətdiyi üçün daha çox diqqət çəkən və uzun müddətli əzələ kütləsinə sahib olursunuz. Hərəkətləri bütün bədəni əhatə etdiyi üçün, vücudunuzda bir əzələ belə kənarda qalmadan işlək vəziyyətdə olur.

Bütün yazılanlara əlavə olaraq, capoeiranın da bütün idman növləri kimi sağlamlığa faydasından danışmalıyıq. Bunlardan bəziləri;

• İnkişaf etmiş tarazlıq
• Artan ritm hissi
• Düzgün onurğa sütunu
• Əzələ əriməsinin və oynaq ağrılarının qarşısını alır
• Metabolizmini yaxşılaşdırır
• Qan dövranını və ürək sağlamlığını təmin edir

Bədəninizi hərəkət etdirən bütün idman növləri faydalıdır. Capoeira da istisna deyil, hər nə qədər aktiv rəqs, idman kimi görünməsə də, əzələlərinizi daxildən işlədir.

Əgər bu döyüş növünü sınamaq istəsəniz, səhv hərəkətinizin yaralanmağınıza səbəb olacağına unutmayın, ona görə də professionaldan kömək alın. Bütün bunlar baş verəndə musiqi və rəqsdən həzz almağı da unutmayın!