Ağırlıq məşqinə başlayanlar üçün məsləhətlər
22-06-2020 875

Ağırlıq məşqinə başlayanlar üçün məsləhətlər

İstənilən vəziyyətdə ağırlıq məşqi çətin ola bilər. Ağırlıq məşqinin bir çox faydası olması ilə bərabər, həmçinin, səhv texnika ilə ediləndə, ağır yaralanmalara səbəb olur. Bugünkü yazımız ağırlıq məşqinə başlamaq istəyənlər üçün bir neçə tövsiyədən ibarətdir.

Ağırlıq məşqinin necə faydaları var?

  • Ürək-damar sistemini gücləndirir
  • İnkişaf elətdirmək istədiyiniz əzələlərə forma verib, gücləndirir
  • Metabolizmi sürətləndirir
  • Yağ yandırmağı asanlaşdırır
  • Qan təzyiqini aşağı salır, sümük sıxlığını gücləndirir. Bu qadınlarda daha çox rast gəlinir və osteoporozun qarşısının alınmasına kömək edir
  •    Artan yaş səbəbi ilə əzələ əriməsinin qarşısını alır

Ağırlıq məşqinə başlamaq üçün bir neçə məsləhət: doğru texnikanın əhəmiyyəti.

Şübhəsiz, ağırlıq qaldırmanın birdən çox faydası var. Bunları əldə etməyə çalışanda, uyğun metod və ya sizi yönləndirə biləcək fikirlərə sahib deyilsizsə, məşqləriniz boşuna getmiş olacaq.

Ağırlıq qaldırmağa başlayanda ortaya çıxan şübhələr, əsasən, ağırlıq miqdarı, bədənin duruşu və məşq sıxlığı ilə bağlı olur.

Hər hansı proqram və rejimə başlamazdan əvvəl, doğru ipuclarını izləmək daha düzgün olar:

  • Yaxşı bir isinmə ilə başlayın. Ağırlıq və qantel qaldırmazdan əvvəl, istifadə edəcəyiniz əzələləri, aktiv hala gətirmək vacibdir. İsinmə yaralanma riskini azaltmağın açarıdır. Əsas oynaqları və ən vacib bədən hissələrini aktivləşdircək hərəkətlər etməyə çalışın.
  • Doğru texnikanın tətbiqinin əhəmiyyəti. Doğru texnikanı öyrənmək çox vacibdir. Bunu öyrənmək üçün professionaldan məsləhət almaq ən yaxşısıdır. Bu mümkün deyilsə, istifadə etdiyiniz avadanlıqların üzərindəki şəkillərlə düzgün texnikanı öyrənə bilərsiniz. İlk olaraq, texnik hərəkət ağırlıqsız tətbiq olunmalıdır, sonra mərhələli olaraq ağırlıq artırılmalıdır.
  • Düzgün nəfəs alın. Ağırlıq qaldırmazdan əvvəl, nəfəsimizi almalıyıq və maksimum güc tətbiq etdiyimiz anda nəfəsimizi verməliyik.
  • Ağırlıq seçiminə diqqət edin. Qalxmağımıza çətinlik yaradan ağırlıqlar istifadə etməmək daha doğru olar. Duruşunuzu və hərəkətinizi çətinləşdirən ağırlıqlar yerinə, gücünüz daxilində ağırlıqlar seçin.
  • Qantel ilə başlayın. Məşqə başlayanda mexanikalar yerinə qantellərlə başlayın.   Bu daha çox əzələ kütləsini işə cəlb etməyinizə və mərhələli şəkildə ağırlığı artırmağınıza kömək edəcək.
  • Hər zaman yaxşı maye qəbul edin. Digər bütün məşqlərdə olduğu kimi, ağırlıq məşqlərində də maye qəbulu əsasdır. Əzələlərimizin 75 %-nin sudan təşkil olunduğunu unutmayın. Buna görə də susamasınız belə, gündəlik su ehtiyacınızı ödəyin.
  • 15-20 təkrardan ibarət setlərlə başlayın. Ağırlıq məşqinə yeni başlayırsınızsa, məşq sıxlığınız çox olmamalıdır.
  • Həftədə 3 gün məşq edin. İlk günlərdə əzələlər çətinlik çəkəcəyi üçün, aralardakı istirahət günlərinə daha çox diqqət yetirmək lazımdır.

Bütün bunlardan əlavə, şübhələrinizi aradan qaldırmaq adına, professionalla məsləhətləşib,  düzgün texnika və təcrübələrə sahib olmaq daha doğru addım olar.  

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?